Revelation 17:3 - Bogtag we ye Tefoy

³ Espritu Santus sa bidiy uwoy ngo angelus we sa hasiyey loh lal sew tolmay loh. Isala wiri semal fefel le ye maroro wol semal malfefedeg le ye checha mala ddolal, ngo yor yid kowe ye tayikof mo irel Deus le ye teftaf fedal uwol. Iwe ngo malfefedeg le ila fusuw chemal, ngo seg talengal le ye wochog taelengel karbow.

Revelation 17:3 ပူးပေါင်းရင်းမြစ်များ

Matthew 27:28

Resa hachuya mokwe mengagol resa hamengagu ngal sew mengag kowe ye checcha.

Acts 8:39

Yodwe re bidah mo lal chael we ngo Espritu Santus yesa hasiloh Philip. Tamol we tay wiriloh, iwe sa taboloh yal loh le sa rraey lal depal.

2 Thessalonians 2:4

Ye bele hapaliyel ngal pangal meka yarmat re memapel ngali ngo bele yitili le iy mele ye tagiyet mo imol pangal meka. Templum le yael Deus mwo, ngo ye bele bulong sala maro iyang, iwe ngo ye bele sor bo iy Deus.

Revelation 1:10

Woal molwe bungul Samol, ngo Espritu Santus yesa bidiy uwoy, iwe ngo isa rongrong sew lliyalol yarmat le ye palleng, le ye wochog pallengel yalol sew roppa le ye maliliy doh mo lugutugruy,

Revelation 12:14

Iwe ngo Deus sa fang ngal fefel we rure paol raguy kowe ye palleng bo mil mala fefel we be yaelloh irel molwe liliyal lal tolmay loh we, lobola re bela hammale mo iyang irel suluw mo setab raeg, bo yebe daor mo irel dragon we.

Revelation 12:3

Ngo sa wol llah loh sew formel mo lal laeng. Ye mel semal dragon le hasfaluy mala lepal le ye checha, ngo fusuw mekla chemal, ngo seg mekla taelengal le ye wochog talengel karbow. Iwe ngo be sew mokwe chemal ngo ye mel sew cholfach kowe yar tamol we ye pachigchig iyang.

Revelation 12:6

Iwe ngo fefel we sa hawloh lal sew tolmay loh, irel solbos le Deus sa faesul hafle bo liliyal, ila lobola bela mel iyang bo rebe hammale irel sangeras mo rubguy mo weleg rall.

Revelation 17:18

“Fefel le ho wiri ila haplom le ye tagiyet le iy mele ye lamlir kingel faileng.”

Revelation 17:4

Fefel le ila ye mengag irel mengag kowe ye ngos mo checha ddolal. Ngo ye hawwulu loh irel hoal, mo pearls, mo feas kowe ye pachigchig ngo ye chaw paliyal. Iwe ngo ye holu sew kap hoal le ye ssogol maltemay mo wegdeg tayikof, le ye budoh mo irel wegdegel maltemay la yal.

Revelation 18:12

Tayor semal le be chil chuway hoal, mo silver, feas kawe ye chaw paliyel, mo pearls; mo mengag kowe ye ngos ddolal, mo ikowe ye checha, mo ikowe ye melayis, mo pangal matmetael ire kowe ye weres ngo chaw paliyal, mo pangal meka ye faor mo irel ivory, mo meka ye faor mo irel ire kowe ye chaw paliyal, mo bronze mo parang, mo marble;

Revelation 18:16

Re bele sor bo, “Yesa kel, le kel yal hafohoy Babylon le sew haplom le ye tagiyet. Yema hamengagu ngal chog mengag kowe ye ngos mo ikowe ye checha ddolal. Iwe ngo ye choyloh irel pangal matmetael hawuluy ka ye kamdidiy le hoal mo feas kowe ye chaw paliyal mo pearls!

Revelation 21:10

Iwe ngo Espritu Santus sa bidiy uwoy, ngo angelus we sa hasiyey dah wol mechel loh sew tayit le ye tagiyet, sala kewar ngalyey Jerusalem, le Haplom we ye Santus, le ye bibidiy mo woal laeng mo irel Deus,

Revelation 4:2

Irel yodla chog ngo Espritu Santus sa bidiy uwoy. Ye mel sew chiya kowe liliyer tamol woal laeng, le ye mel semal yarmat le ye maroro uwol.