Revelation 15:1 - Bogtag we ye Tefoy

¹ Iwe ngo isa wiri wol sew hagil le ye palleng ngo ye hammeseg mo lal laeng. Ye mel fismol angelus le re hasi fusuw matmetael hagerger le ikla mekla hartal, bo fael mala rebe kawraloh ssong la yael Deus.

Revelation 15:1 ပူးပေါင်းရင်းမြစ်များ

Revelation 10:3

Iwe ngo yesa fofos le ye palleng yalol le ye wochog margogol lliyalol raywong kowe. Wol miril chog yal fofos ngo parr we fusuw resa palili ngal margogol yar ngung.

Revelation 11:14

Sa moll mala harwowel hafohoy ngo ye chil mel mala hasluwel hafohoy le towol ssulay ngo bele budoh!

Revelation 14:10

ngo iy yebe yul mo irel wine la lemel Deus. Wine le ye kel le winel ssong la yal le ye hasrelong lal tahogol ssong la yal! Panger rechokla re foru mele ngo yebe kel yar hafohoy luwul yaef, mo sulfur, mo fael meter angelus kala re santus mo Fadiyel Saaf we.

Revelation 14:19

Angelus we sa ffelaloh kama we yal wol talop sla supidiy grape kowe, ngo sa hasi yesa ppedalong lal molwe rema wungdu chael grape kowe mo iyang le iye mele hagillel kelel ssong we yael Deus.

Revelation 16:1

Iwe ngo isa rongrong lliyalol semal yarmat le ye palleng le ye maliliy wey mo lal templum we ngalir angelus we fismol le ye sor bo: “Ha loh ha bela hasrediy tohog we fisre we ye ssog irel ssong kowe yael Deus wol talop!”

Revelation 17:1

Iwe ngo semal mo luwulur angelus kowe fismol we re hasi tohog we fisre yesa budoh irey sa kangaluyey bo, “Budoh bo ibe kewar ngalug fefel we ye haffayeg we yema tap chuway iy le re bele fang yal hagerger, ila haplom we ye tagiyet we re fatleha lengchel mololul kala ye cholop.

Revelation 19:15

Ngo ye sidwey seyay saiden kowe ye kang mo lal mala yewal, le ila saiden la yebe lliy ngal fuluyel faileng le. Ye bele lamlir loh ngo ye bele wungdu grape kowe mo lal liliyel wungwungul chael grape la, le ila mele hagilel ssong la yael Deus le pangal ngo yema yoh irel.

Revelation 21:9

Iwe ngo semal mo irer angelus kowe fismol we re hasi tohoh kowe fisre we ye ssog irel hafohoy we fusuw ye sa budoh irey ngo yesa sor bo, “Budoh bo ibe kewar ngalug fefel we ril Fadiyel Saaf we.”

Revelation 8:13

Iwe ngo ila kalloh isala wiri ngo irongrong yalol semal raguy le ye yeyael loh lal sibol langlay. Ye hapalingi yalol le ye sor bo, “Harof hami! Harof hami! Be ifa lepal kelel hafohoy le yebe holar rechokla re mel woal talop irel yodla bela ddig yalol rappa kala angelus kala solmol ye tugul rebe haddigi!”

Revelation 8:2

Iwe ngo isa wiri angelus kowe fismol le re su mo imol Deus ngo resa ngaler fusuw rappa.

Revelation 8:6

Iwe ngo angelus kowe fismol we re hasi rappa kowe fusuw resa hafler bo re bele haddigi.

Revelation 9:20

Iwe ngo pangerloh rechokwe rete mes irel hafohoy kowe ye budoh ila rete tagul tang mokwe re spegil foru ngal payur. Rete ppoloh mo irel yar kekasrowu liyosol todeb kala re faesul ma memapel ngalir le ye ffaor mo irel hoal, mo silver, mo bronze, iwe mo feas mo ire, le re tema wiri formel, ngo retema rongrong formel, ngo retema dar loh.