Revelation 1:8 - Bogtag we ye Tefoy

⁸ Samol Deus we pangal ngo yema yoh irel ngo iy ye mel igla, ngo ye mel igawe, ngo yebe chil budoh, we ye sor bo, “Ngang mele chapdagel dah, ngo ngang mele haugugul loh.”

Revelation 1:8 ပူးပေါင်းရင်းမြစ်များ

2 Corinthians 6:18

Ye sor Samol le pangal ngo ma yoh irel bo, Ibele mel bo tammi, ngo hami habele mel bo layi yarmat.”

Revelation 1:11

le ye sor bo, “Tefadiy meka ho wiri lal babior, ngo hosa fang loh babior la irel eklesia kala re mel wol haplom kala fusuw: Ephesus mo Smyrna mo Pergamum mo Thyatira mo Sardis mo Philadelphia iwe mo Laodicea.”

Revelation 1:17

Yodla iwiri chog ngo isa ppediyey diy wototol mo lengchel mekla pechel le iy sa wochog semal maes. Iwe ngo iy yesa yetedah rel paol rewe gilemra uwoy ngo yesa sor bo, “Ho towe motog! Ngang mele chapdagel dah ngo ngang mele haygugul loh.

Revelation 1:4

Babior le ila ye budoh mo irey ngang John le yai ngal eklesia kala fusuw le ye mel wol Asia: Deus le ye mel igla, ngo ye mel igawe, ngo yebe chil budoh, iwe mo espritu kala fismol le re mel imol mala liliyel Deus rebe fang haradiya mo hopos ngalugmi.

Revelation 11:17

le re sor bo: “Samol Deus le ho hartael tagiyet, le ho mel igla ngo ho faesul mel! Habe kangalug yam hachigchig irel yam hasi mala kelem le ye tagiyet ho sala lamli faileng le!

Revelation 15:3

ngo re totona ton kowe yael Moses we iy yael Deus re hagloy, iwe mo ton we yael Fadiyel Saaf we le re sor bo: “Samol Deus le pangal ngo ma yoh irem, tusurem irel kamdidiyel wegdeg kala yam! Gel mele Kingel pangal lam, le ye fel ngo ye katos pangal yam wegdeg!

Revelation 16:14

Rechokla ila sibis moniyan le rema ffaor kemal. Moniyan ka solmol re loh irer panger king ka lal faileng le, bo rebe hateyili fengalir bo rebe fedeg woal ralla Rall Deus le pangal ngo ma yoh irel.

Revelation 16:7

Iwe ngo isa rongrong lliyalol semal yarmat mo irel altar we le ye sor bo, “Samol Deus le pangal ngo ma yoh irem! Ye katos ngo ye fel mekla homa hatugulu!”

Revelation 19:15

Ngo ye sidwey seyay saiden kowe ye kang mo lal mala yewal, le ila saiden la yebe lliy ngal fuluyel faileng le. Ye bele lamlir loh ngo ye bele wungdu grape kowe mo lal liliyel wungwungul chael grape la, le ila mele hagilel ssong la yael Deus le pangal ngo yema yoh irel.

Revelation 19:6

Iwe ngo isa rongrong yalol yarmat le re cholop ngo ye wochog ssebral chael kowe ye bibidiy mo wol tayit, ngo ye wochog ngungul parr. Isa rongrong yar sor bo, “Hapingpinga Deus! Bo iy Samol la yach le ye pangal ngo yema yoh irel le iy semal King!

Revelation 2:8

“Teftaf babior ngal angelusel eklesia la ye mel woal Smyrna le hobe sor bo: “Hapatpat le ila ye budoh mo irel yeramtawe iy mele chapdagel dah ngo iy mele haygugul loh, ngo iy molwe ye mes ngo ye wol molow tefael.

Revelation 21:22

Tor templum le iwiri mo lal haplom we, bo templum la iyang ila Samol Deus le pangal ngo ma yoh irel mo Fadiyel Saaf we.

Revelation 21:6

Iwe ngo sa sor bo, “Yesa moll! Ngang mele metamol, ngo ngang mele hartal, ngang mele chapdagel dah mo haygugul loh. Te tugul semal le ye batbat ngo ibe fang lemal chael le tor paliyal mo irel chael la yema fang molow.

Revelation 22:13

Ngang mele metamol, ngo ngang mele hartal, ngang mele chapdagel, mo haygugul loh.”

Revelation 4:8

Iwe ngo be semal ir angelus kowe famal ngo wolre paol le igegel paol mael yeyal kowe, ngo pangal loh wol mokwe payur mo fael mekla payur ngo yor meter iyang. Ngo lerrael mo llubong ngo re tema ppoloh mo irel yewawal ton le rema sor bo: “Santus, santus, santus, Samol Deus le pangal ngo ma yoh irel, ngo ye faesul mel igla, ngo ye mel igawe, ngo yebe chil budoh.”