Revelation 1:16 - Bogtag we ye Tefoy

¹⁶ Ye holu fisfos fis lal paol rela gilemra, ngo ye matwey mo lal mala yewal seyay saiden kowe rorure ngo metal le ye kkang. Iwe ngo werel woal mala metal ila ye wochog werel yaal llewlelyol.

Revelation 1:16 ပူးပေါင်းရင်းမြစ်များ

Matthew 17:2

Yodwe re chil kekal ngali ngo sa yusuwel loh molwe wol Jesus. Wol molwe metal sa wochog ddolol yaal, ngo molwe mengagol yesa kkel yal bbech ngo ye ttarfisfis.

Acts 26:13

Ha dedarloh lal yalap irel yodwe yesa wwel yaal, ho Tamol, iwe ngo isa wiri sew werloh le ye kkel tang werel yaal, le ye bidiy mo wol laeng yesa werloh luwulumem mo mal kala choluway.

Ephesians 6:17

Hasa hasi molow la Deus ye fang bo be mel le yami cholfach, ngo mala pedal yalol Deus, bele mel le seyay sayden le Espritu Santus ye fang ngalugmi.

Hebrews 4:12

Mala yalol Deus ila ye kkel le tor mele yebe piltag iyang, bo ye kkang mo imol seyay sayden kowe rorure ngo metal. Yema supiylong yee, la hola lobola ye chutengal ngas mo ngoel moiyang; lobola haholholol chi mo feral chi re chufengal mo iyang. Ye gola meka depach mo luluwal ka yach yarmat.

Revelation 1:20

Iye mele fael fis ka fisfos le ho wiri mo lal payi rele gilemra, iwe mo liliyel habulbul ka fusuw le hoal: fis ka fisfos ila ikala mele angelusel eklesia kala fusuw, iwe ngo liliyel habulbul ka fusuw mele iy eklesia kala fusuw.

Revelation 10:1

Iwe ngo isala woal wiri semal angelus tagiyet le yesa bidiy mo woal laeng. Sedep darmiy ye tebalililoh ngo ye mel sew lolyor wol mala chemal; woal mala metal ila ye wochog ddolol yaal, iwe ngo mekla pechel ila ye wochog ruwow bbulul yaef.

Revelation 12:1

Iwe ngo sa llah loh sew formel mo lal laeng le ye hamesseg. Ye mel semal fefel le ye mengag irel yaal, ngo ye su wol meram, ngo ye marmar irel seg mo rufeas fis.

Revelation 19:15

Ngo ye sidwey seyay saiden kowe ye kang mo lal mala yewal, le ila saiden la yebe lliy ngal fuluyel faileng le. Ye bele lamlir loh ngo ye bele wungdu grape kowe mo lal liliyel wungwungul chael grape la, le ila mele hagilel ssong la yael Deus le pangal ngo yema yoh irel.

Revelation 19:21

Yeramtawe ye dage woas we ye lir saldaw kowe layur ngal saiden we ye matwey mo lal yewal; ngo mael yeyal kowe resa hangi lepal mele be ret ngalir mo irel mokwe fodgor.

Revelation 2:1

Iwe ngo yesa kangaluyey bo, “Tefa babior le ngal angelusel eklesia la ye mel woal Ephesus le hobe sor bo: “Hapatpat le ila ye budoh mo irel yeramtawe ye holu fis we fisfos lal paol rewe gilemra, iwe ngo yema daer llepadpedal liliyel habulbul kowe fusuw we hoal.

Revelation 2:12

“Teftaf babior ngal angelusel eklesia la ye mel wol Pergamum le hobe sor bo: “Hapatpat le ila ye budoh mo irel yeramtawe ye hasi saiden we ye kang ngo rorure ngo metal.

Revelation 2:16

Ila habe tagul tang mekla molfidmi! Hare habe te taelenga ngo towol ssulay ngo ibele buyoy iremi le ibe fedeg ngalir rechokla irel saiden le ye buyoy mo lal mele yeway.

Revelation 3:1

“Teftaf babior ngal angelusel eklesia la ye mel woal Sardis le hobe sor bo: “Hapatpat le ila ye budoh mo irel yeramtawe ye mel fismol espritu kowe lol Deus mo fisfos fis irel. Igula mekla ha foforu: Iy gula bo hami ila ha yitli chog bo ha molow, ila mwo hasa faesul mes!