Philippians 4:7 - Bogtag we ye Tefoy

⁷ Iwe ngo hopos la yael Deus le gich yarmat si temedaf iyang, mele be hafali chog lal dipmi mo yami luluwal be mel chog irel Kristus Jesus.

Philippians 4:7 ပူးပေါင်းရင်းမြစ်များ

Luke 1:79

le ye bele werdiy mo wol laeng le yebe werloh uwor rechokla re mel luwul rochopung ngo resa harpal mes bo yebe maldi yalap la yebe hasgichloh luwul falmay.”

Luke 2:14

“Habe hasrowug ho Deus le ho mel wol laeng le ho Hartal Tagiyet, ngo hopos wol talop ngalir rechokla ye fel depel Deus ngalir!”

John 14:27

“Isa ligid ngalugmi hopos. Hopos le yai iye isa fang ngalugmi. Ite fang le ye wochog yar yarmetal faileng le ma fang. Ila ha towe merah, ngo ha towe rusmes, ngo ha towe motog.

John 16:33

Isa kangalugmi mele bo hare be yoh ngalugmi hopos le fael mala hami hasa mel irel le siya rol sew chog. Yarmetal faileng le rebe hafohoyu fedalehmi, iwe ngo hami hasa hakkela dipmi! Bo ngang ila isa lamliloh faileng le!”

Romans 1:7

Ila fael yai teftaf babior ngalugmi pangmi ikla ha mel wol Roma, le Deus ye hachangugmi, ngo ye ffesangugmi bo hami spegil lol: Deus le Temach mo Jesus Kristus le samol rebe fang ngalugmi haradiya mo hopos.

Romans 14:17

Bo mala Lamliyel Deus ila te kofael mongoy mo yul, bo kofael yach fel mo irel Deus, mo hopos mo rraey la Espritu Santus ye fang.

Romans 15:13

Deus le iy mele halpal ladep yebe fang ngalugmi rraey mo hopos irel tugulul ladep la yami irel. Bo hare yami yyalyal ila yebe tabtobloh chog yal kekkel loh irel mala kkelel Espritu Santus.

Romans 5:1

Igla le siya fel mo irel Deus irel tugulul ladep, ila siya pos mo irel Deus irel Samol we yach Jesus Kristus.

Romans 8:6

Hare habe foru le mekla halongmi mele yebe lamli yami luluwal, ila ngo maes mele yebe yoh ngalugmi. Iwe ngo hare Espritu Santus mele yebe lamli yami luluwal, ila ngo molow mo hopos mele be yoh ngalugmi.

2 Corinthians 10:5

hama hatawsi pangal hapatpat kala ye tagiyet le yema hapaliyel ngal ikla yarmat resa gola le kofael Deus. Hama yusuwili yar yarmat luluwal bo rebe taelenga yalol Kristus.

2 Corinthians 13:11

Hami rewol bisiy, sa ila! Ha yedamgel habe rol fel ngo hasa taelenga mokwe isa sor. Ngo hasa hasewachog yami luluwal ngo ha mel luwul hopos. Ngo Deus la yema fang hachangcheng mo hopos yebe mel iremi.

Galatians 5:22

Ngo ligdi bo Espritu Santus mele yema fang hachangcheng, rraey, hopos, malulu, momayel hagiyeg, momay mo tugulul ladep.

Ephesians 3:19

Ila sengal, be yoh le habe gola hachangcheng la yal — towe yoh le habe gola lepal yal hachangugmi. Habe gola hachangcheng la yael Deus ila ngo habe wochog mala igegel Deus.

Philippians 1:1

Babior le ila ye budoh mo irel Paulus mo Timothy, le ir lol Kristus Jesus boy — Ngalir panger mekla lol Deus woal Philippi mo mekla yarmetael eklesia, mo ikla rema tipingi eklesia le resa sew chog mo Kristus Jesus.

Philippians 1:2

Deus le Temach mo Samol Jesus Kristus rebe fang ngalugmi haradia mo hopos.

Philippians 4:19

Deus la ye mmal irel pangal formel be fang ngalugmi mo irel Kristus Jesus pangal mekla ha hafohoy iyang.

Philippians 4:21

Ibe fang yai habong ngalir panger mekla lol le Kristus Jesus ye lamlir. Mokwe wol bisich le re mel irey iga, re fangwey yar habong iremi.

Philippians 4:9

Ha wegdegli mekla hasa gola le ye yoh ngalugmi mo irey, le ha kai mo irel yai hapatpat mo irel yai wegdeg. Ila ngo Deus la ma fang hopos be mel iremi.

Colossians 3:15

Hopos la Kristus yema fang ila yebe tupungugmi bo habe gola mele habe foru, iye hopos we Deus ye ffesangugmiloh iyang bo ha bela mel le hasa sew chog holong. Ila habe kangalu Deus yal hachigchig.

2 Thessalonians 3:16

Samol le iy mele chapil hopos yebe fang ngalugmi hopos pangal yad. Samol yebe mel iremi pangmiloh.

Hebrews 13:20

Deus yesa hamolowa tefaeli Samol Jesus mo irel maes. Iy ila semal re matmetael saf le ye tagiyet, le fael molwe ye tap maligach yal mes, we ila molwe yela tugul loh kofael bogtag we tor siyal iyang. Deus le iy mele ye lamli hopos yebe fang ngalugmi pangal mekla ha temmal iyang, bo hami habe foru mekla iy ye dipli; iwe ngo irel Jesus Kristus, ngo yebe foru ngalgich mekla ye fel depal iyang! Siya hapingpinga ngo si hasrowu Kristus pangal yad. Amen.

Jude 1:1

Babior le ila ye budoh mo irel Jude le iy lol Jesus Kristus boy ngo iy bisil James le yal — Ngalir rechokla Deus sa ffesangur le re mel luwul hachangcheng la yael Deus le Temach ngo Jesus Kristus ye kekafalir:

Revelation 1:4

Babior le ila ye budoh mo irey ngang John le yai ngal eklesia kala fusuw le ye mel wol Asia: Deus le ye mel igla, ngo ye mel igawe, ngo yebe chil budoh, iwe mo espritu kala fismol le re mel imol mala liliyel Deus rebe fang haradiya mo hopos ngalugmi.

Revelation 2:17

“Hare yor taelengmi ngo hasa taelenga mekla Espritu Santus ye kangalur eklesia kala! “Rechokla ye kel yar tugul, ila ibele fang ngalir tot mo irel manna kowe ye llebag. Ibe wol fang ngal semal mo semal ir kasefaes feas le ye bbech le ye teftaf sew yid le ye tefoy uwol le tor semal le ye gola bo halachog yeramtala ye hasi feas la mele ye gola.