Philippians 2:6 - Bogtag we ye Tefoy

⁶ Pangal yad ngo ye mel chog le iy Deus, ngo ligdi bo yete hakkela le iy yebe hafedeg ngal Deus.

Philippians 2:6 ပူးပေါင်းရင်းမြစ်များ

Matthew 1:23

“Fefel we ye birgo ila bele siyal le yebe dimolowagili semal yalwich mal le rebe ffesangu ngali bo Immanuel” (fal yidle ila, “Deus ye mel irech”).

John 1:18

Ted yor mwo semal le ye wiri Deus. Mala chog Lol le ye hafedeg ngal Deus ngo ye mel irel mala Temal, mele ye haglal ngalir yarmat Deus.

John 10:30

Ngang mo mala Temay ila ha sew chog.”

John 10:33

Resa hatefaeli ngo resa sor bo, “Ha te luluwaley le habe hacchufug le fael mekla ye momay le hosa foru. Ha luluwaley le ha bele hacchufug le fael mala hosa hapatpat tayikof irel Deus. Gel chog semal yarmat ngo ho sala forgugloh bo gel Deus!”

John 10:38

Ngo hare iy ma foru meka, ila ngo heramwo ha te chepar irey, ngo hasa chepar irel meka iy ma foru, bo habe gola le mala Temay ila ye mel irey ngo ngang iy mel irel.”

John 14:28

Hasa rongrong yai kangalugmi bo, ‘Ngang ibele loh ngo ibe chil tefaeldoh iremi. Hare ha hachangiyey ngo habe rraey irel mala ngang ibele loh irel mala Temay, bo iy ila ye tagiyet mo imoy.

John 14:9

Jesus sa hatefaeli ngo sa sor bo, “Philip, sa sulay yai paoy ngalugmi ngo ha ted golayey chog? Semal le ye wiryey, ila ngo yesa wiri mala Temay. Ila ngo meda mele hola sor bo, ‘Kewar ngalugmem mala Tamom’ iyang?

John 17:5

Deus Temay! Fang ssorol mele Lom mo irel lobola ho mel iyang, le be wochog ssor we ho fang ngali imol yodwe be subdoh faileng le.

John 20:28

Thomas sa hatefaeli le yesa sor bo, “Yai Samol ngo yai Deus!”

John 5:18

Hapatpat we Jesus ye sor mele sa kkel deper tamol kowe yar Jews bo rebe limeseloh iyang. Te mil chog molwe ye hetawsi molwe Hatobtobol Sabbath bo wol mil molwe ye sor bo Deus ila spegil Temal. Mele sa foru ila ye wochog molwe iy yesa hafedeg ngal Deus.

John 5:23

bo fael mala pangal yarmat ngo rebe hasrowu mala Lol le be wochog yar ma hasrowu mala Temal. Iwe ngo semal le be te hassaro mala Lol, ila ngo yete hassaro mala Temal le ye fangdiy iy.

Romans 9:5

Ir re chapdoh mo irer patriyarka kowe. Iwe ngo Kristus, irel yal mel le iy semal yarmat, ila wol iy semal chol daola yar. Sibe hapingpinga Deus le ye lamli pangal formel, pangal yadol! Amen.

2 Corinthians 4:4

Rete chepar bo luluwal kala yar ila ye mel luwul ruchupung irel yalus la ye tayikof le ye mel lal faileng le. Yesa foru le re towe wiri teram la ye werdiy uwor. Ila teram la ye budoh mo irel Hapatpat Momay we kofael falmay la yael Kristus le iy ye hafedeg ngal chog Deus.

2 Corinthians 8:9

Ha gola lepal kkelel hachangcheng la yael Samol la yach Jesus Kristus. Ye falmay ngo sala foru le yebe hafohoy bo yaglugmi. Ye hafohoy bo yagel mala Deus yebe holbuwahmi.

1 Timothy 1:17

Ngal King la ye be mel le tor siyal ngo tor fael sew le yebe mes ngo si tema wiri, ngo iy chog Deus, sibe hasrowu ngo ye falmay le tor siyal! Amen.

1 Timothy 3:16

Tor semal le yebe yoh le yebe sor sew formel irel mele yesa tugul depach iyang: Ye llahdoh bo yarmat, ngo Espritu Santus mele ye kawraloh le ye bung, ngo angelus kowe mele re wiri. Re foloyu kofal ngalir chol sere mo sere lam, ngo yarmetael faileng le re chepar irel, iwe ngo rehasidah wol laeng.

Titus 2:13

irel yach wiwidi Ralla ye momay le sa luglug depach iyang. Ila yodla be llah falmay la yael Deus le yach le ye hartael tagiyet mo Jesus Kristus le yach Demer.

Hebrews 1:3

Iy Jesus ye kawraloh termal falmay la yael Deus. Ngo iy ila ye hafedeg ngal chog Deus, ngo ye kekamale pangal formel irel kkamelal mala yalol. La wol miril yal hachuya fael yar molfid re talop, ngo ye sala marodiy mo woal laeng rela gilemra irel Deus, le ye hartael tagiyet.

Hebrews 1:6

Ngo yodwe Deus ye bele fangdiy molwe mol Lol woal talop le ngo yesa sor bo, “Panger angelus ka yusuwel Deus ngo rebe hasrowu mele Lol.”

Hebrews 1:8

Iwe ngo la irel kofael molwe Lol ngo Deus ye sor bo: “Mala Lamliyem ho Deus ila yebe mel le towe yor siyal! Ho lamlir meka lom le ye fel.

Hebrews 13:8

Jesus Kristus ila ye hafedeg chog wululul lalow, mo igla, mo pangal yad.

Revelation 21:6

Iwe ngo sa sor bo, “Yesa moll! Ngang mele metamol, ngo ngang mele hartal, ngang mele chapdagel dah mo haygugul loh. Te tugul semal le ye batbat ngo ibe fang lemal chael le tor paliyal mo irel chael la yema fang molow.