Luke 11:42 - Bogtag we ye Tefoy

⁴² “Be kkel tayikofel lal dipmi Pharisees! Hama tape maligach ngal Deus sugfed mo irel delal mongoy le tappel mint mo rue mo metmetal delal mongoy kala tot iwe ngo ha tolpagliloh ikla ye fel iwe mo hachangchengel Deus. Habe ma foru meka ngo halachog ila ha towe tahcheloh ikla tot.

Luke 11:42 ပူးပေါင်းရင်းမြစ်များ

Matthew 23:13

“Ifa lepal tayikof le yebe holahmi hami mekla sensel Hatobtob we, mo hami Pharisees kala ye foriyeg yawmi! Bo hasa pilta tangir yarmat hatmal mala Lamliyel Laeng, le hami ngo ha towe bulong iyang, iwe ngo hate tahcher rechokla re yeyedamgel, bo rebe bulong iyang!

Matthew 23:23

“Ifa lepal hafohoy la be holahmi hami mekla sensel Hatobtob we mo Pharisees kala ye foriyeg yawmi! Hama tap maligach ngal Deus kassugfed chog mo irel meka delal mongoy le tappel mint, dill, mo cumin, iwe ngo ha tahchaloh foloy kala ye paleng pelal mo irel Hatobtob le, le tappel tugulul ladep, ffahol ladep, mo katos. Habe dabey foloy ka ngo ligdi bo ha towe tahchaloh ikla tot.

Matthew 23:27

“Ifa lepal tayikof le be holahmi hami mekla sensel Hatobtob we, mo Pharisees kala ye foriyeg yawmi! Ha wochog pekowe ye pen bbech sala momay mekla lugul, ngo mekla lal ila ye ssogol chi mo mekla sa mongongow.

Luke 18:12

Be sew wik ngo ma rural le iy ma supiy helay ngo iy ma fang ngalug sugfed mo irel salpiy ka ma yoh ngalyey.’

John 5:42

Ngang igula igegmi ngo iwol gola le tor changel Deus mo lal yami luluwal.

1 John 4:20

Iwe ngo hare semal be sor bo ye hachangi Deus, ngo ye hafobdiri bisil, ila ngo iy ila ye machoh yewal. Bo towe yoh le yebe hachangi Deus le ye tuwiri, ngo yete hachangi mala bisil le ye wiri.