John 21:16 - Bogtag we ye Tefoy

¹⁶ Jesus sa wol kasiya tefaeli le ye sor bo, “Simon le gel lol John, ho hachangiyey?” Pedrus yesa hatefaeli ngo yesa sor bo, “Ngoa, ila sengal ho Samol, gel ho gola le ngang ihachangug.” Jesus yesa wol kangalu bo, “Hafalir saaf ka layi.”

John 21:16 ပူးပေါင်းရင်းမြစ်များ

Matthew 2:6

‘Gel haplom la Bethlehem le ho mel wol Judea, te gel mele ho hartal totol mo irel mekla haplomol tamol wol Judea; bele budoh semal mo irem le iy mele be lamalir ngo ye kekadarlahor yarmetal Israel ka layi.’”

Matthew 25:32

iwe ngo panger yarmetal sere mo sere lam, ngo re bele tteydoh imol. Iwe ngo bele hamhelar le rebe ruwow tteyal mo iyang, le be wochog yael semal chol matmetal mael kowe ma hamus fetangi saaf mo goats.

Matthew 26:72

Pedrus sa wol sor bo, “Ibe hatugulu le itugla mal la!”

Luke 19:10

Mala Layur Retalop ye budoh bo be merir ngo ye hadorar rechokla resa mwael loh.”

John 18:17

Fefel we irel hatemal yoror we yesa kasiya Pedrus bo, “Te wol gel semal mokwe redabeyel Jesus?” Iwe ngo Pedrus sa sor bo, “Yeb, te ngang.”

John 18:25

Pedrus ye chil su loboswe le ye rerangi, ngo tot rechokwe loboswe resa kasiya bo, “Te gel semal mokwe redabeyel mwal lay?” Iwe ngo Pedrus yete hawwele yal hapatpat ngalir le iy semal, iwe yesa sor bo, “Yeb, te ngang.”

John 21:17

Yela molwe hasluwal ngo Jesus yesa wol kasiya bo, “Simon le gel lol John, ho hachangiyey?” Yesa tayikof depel Pedrus irel molwe sa fael suluw yael Jesus kasiya bo, “Ho hachangiyey?” Iwe yesa kangalu bo, “Samol, pangal formel ngo gel ho gola; ho gola le ihachangug!” Iwe ngo Jesus yesa wol kangalu bo, “Hafalir saaf ka layi.

Acts 20:28

Ila ha hafallugmi ngo hasa hafalir rechokla Espritu Santus sa fang ngalugmi bo habe hafalir. Ha metalgi eklesia la yael Deus, le yesa foru bo spegil yal irel maligach we ye mes molwe Lol iyang.

Hebrews 13:20

Deus yesa hamolowa tefaeli Samol Jesus mo irel maes. Iy ila semal re matmetael saf le ye tagiyet, le fael molwe ye tap maligach yal mes, we ila molwe yela tugul loh kofael bogtag we tor siyal iyang. Deus le iy mele ye lamli hopos yebe fang ngalugmi pangal mekla ha temmal iyang, bo hami habe foru mekla iy ye dipli; iwe ngo irel Jesus Kristus, ngo yebe foru ngalgich mekla ye fel depal iyang! Siya hapingpinga ngo si hasrowu Kristus pangal yad. Amen.

1 Peter 2:25

Hasa wochog saaf kowe resa mwael. Iwe ngo Deus yesa hatefalugmi doh igla bo habe dabey Kristus le iy mele Rematmetael Saaf we ye kekefaeli mekla ngulmi.

1 Peter 5:2

bo habe hammal eklesia kala yami le yebe wochog yael semal re matmetal saaf hammal saaf kala lol le Deus ye fang ngali. Ha hammaler le be fel wey mo lal dipmi. Ha foru yengang la yami le te mil mala be yor palimi, bo mil mala ha dipli le habe foru.

Revelation 7:17

bo mil mala Saaf we ye mel lochochol chiya we liliyer tamol ila iy mele yebe mel bo re matmeter, ngo iy mele yebe palirloh irel chael la ye fefang molow. Iwe ngo Deus ye bele hachuya loh mekla chaell meter.”