Hebrews 5:7 - Bogtag we ye Tefoy

⁷ Yodwe ye chil mel Jesus wol talop le ngo yema tetawul, ngo ye tetang luwul yal memapel, mo dodongor ngal Deus le iy mele yebe yoh le yebe hadora mo irel maes. Yal luglug mo yal hatetalo mele Deus yela taelenga mapel kowe yal iyang.

Hebrews 5:7 ပူးပေါင်းရင်းမြစ်များ

Matthew 27:46

Molwe yela suluw kolok, ngo Jesus sa tawulagililoh le ye sor bo, “Eli, Eli, lema sabachthani?” Fal mele ila ye sor bo, “Yai Deus, yai Deus, meda mele hosa ttahcheyeyloh iyang?”

Matthew 27:50

Yesa wol ttawul loh Jesus ngo ye chuyloh yal ngas.

Mark 15:34

Molwe yela suluw kolok ngo Jesus sa tawulagliloh le ye sor bo, “Eloi, Eloi, lema sabachthani?” Fael mele ila ye sor bo, “Yai Deus, yai Deus, meda mele hosa ttahcheyey loh iyang?”

Mark 15:37

Jesus ye ttawul loh ngo sa chuyloh yal ngas.

Luke 23:46

Jesus sa ttawul loh le ye sor bo, “Temay, isa tehach kofay ngalug!” Ye sor molwe iwe ngo sa mes.

John 1:14

Pedal Hapatpat le ila yesa mel bo yarmat le ye ssogol haradiya mo katos iwe sa budoh mel luwuluch. Siya wiri falmay la yal le mala Tamal ye fang ngali bo mil mala iy chog Lol.

John 11:35

Iwe ngo Jesus yesa tang.

John 11:42

Ngang igula le pangal yad ngo homa talenga yaloy, ngo ikapta mele bo fael mala rechoka re ppaoy iga rebe chepar le gel mele ho fangdoh ngang.”

John 17:1

Wol miril yael Jesus sor mele ngo yesa kaledah wol laeng ngo yesa sor bo, “Temay Deus, yesa hola awa we. Fang ssor ngal mala Lom bo mala Lom yebe fang ssor ngalug.

Romans 8:3

Mekla ye temmal ngal Hatobtob le bo yebe foru, le fael meka halongoch le ye tayikel, ila Deus yesa foru. Yesa sor bo yebe mes kkelel molfid mo uwoch yarmat, irel yal fangdiy molwe spegil Lol we ye budoh le iy ye igegel chog meka halongoch yarmat le si toa hamolfid bo yebe hachuyaloh molfid.

Galatians 4:4

Ngo ligdi bo yela hola yodla ye faesul tugul ngo Deus sa fangdoh mala spegil Lol. Ye subdoh le semal yarmat mala sil, iwe ngo iy ye mel fael Hatobtob we yar Jews,

1 Timothy 3:16

Tor semal le yebe yoh le yebe sor sew formel irel mele yesa tugul depach iyang: Ye llahdoh bo yarmat, ngo Espritu Santus mele ye kawraloh le ye bung, ngo angelus kowe mele re wiri. Re foloyu kofal ngalir chol sere mo sere lam, ngo yarmetael faileng le re chepar irel, iwe ngo rehasidah wol laeng.

Hebrews 10:10

Fael mala Jesus Kristus ye foru mala depel Deus, mele gich siya tal mo irel molfid iyang. Irel maligach la yesa tapeli mala holongol iyang fael sew, le tayor fael sew le yebe chil tefael ngali.

Hebrews 10:5

Iye fael molwe Kristus ye kangalu Deus imol molwe ye bele bidiy lal faileng le we ye sor bo: “Gel ila hote dipli maligach mo kkefang, ngo sew holong mele hosa hafle, bo holngoy.

Hebrews 11:7

Tugulul ladep mele ye foru bo Noah yebe taelenga yalol Deus irel molwe ye hadpa ngali le yebe weldoh le iy ye tuwiri. Ye taelenga molwe yalol Deus iwe ye sala fatleha seyay boat, we iy mo chol haleng we yal ngo rela molow iyang. Ila fal we re talop rela lofdifidloh ngo Noah ye la fel mo irel Deus le fael tugulul ladep we yal.

Hebrews 12:28

Sibe kangalu Deus bo sa hachigchig bo yesa fang ngalgich lamliyach le ye towe yoh le yebe magud. Sibe metpengag irel Deus, iwe ngo si hasrowu le sibe dabey igegel mala yebe fel depal iyang. Sibe hasrowu luwul yal ssor

Hebrews 13:20

Deus yesa hamolowa tefaeli Samol Jesus mo irel maes. Iy ila semal re matmetael saf le ye tagiyet, le fael molwe ye tap maligach yal mes, we ila molwe yela tugul loh kofael bogtag we tor siyal iyang. Deus le iy mele ye lamli hopos yebe fang ngalugmi pangal mekla ha temmal iyang, bo hami habe foru mekla iy ye dipli; iwe ngo irel Jesus Kristus, ngo yebe foru ngalgich mekla ye fel depal iyang! Siya hapingpinga ngo si hasrowu Kristus pangal yad. Amen.

Hebrews 2:14

Rechoka yema ffesangur bo ir lol, ila ir yarmat le yor holongor mo cchar. Iwe ngo Jesus sala subdoh le ye wochog ir bo rebe hafedegloh chog le ir yarmat. Fael yael Jesus foru mele, ila mil mala ye bela mes ngo yebe hachuyaloh mala kkelel moniyan, le iy moniyan mele ye hasi mala kkelel maes.

1 John 4:3

Ngo semal le yebe sor bo Jesus ila te iye sengal ila ye tamel Espritu Santus uwol. Bo mala ye mel uwol ila ye budoh mo irel yeramtala ye hatohar ngal Kristus. Hami hasa faesul rongrong le yebe budoh. Iwe ngo igla ila yesa faesul mel lal faileng le.

2 John 1:7

Ye cholop rechokla rema kachepar le resa loh wol pangal loh talop le, ika rechoka yete tugul lal deper le Jesus Kristus ila ye sub bo yarmat. Tapel rechoka ila rema kachepar ngo re hatohar ngal Kristus.