Ephesians 2:20 - Bogtag we ye Tefoy

²⁰ Wol ila sangmi bo ha fetlagdah wol dayif we foruyer apostel mo profeta kowe, feas we ye palleng pelal mo irel dayif we ila iy Kristus Jesus.

Ephesians 2:20 ပူးပေါင်းရင်းမြစ်များ

Matthew 16:18

Ila ibe kangalug ho Pedrus: gel sew porow, ngo woal porow la mele ibe hasuy halesiya la yai iyang. Ngo towe yoh le be kkel maes mo imol.

Matthew 21:42

Jesus sa kangalur bo, “Ha ted yawli mwo molwe Babior we ye Santus ye sor? ‘Feas we sallap kowe re ppedaloh bo tor pelal, ila feas la sala mel le ye hartal palleng pelal. Mele ila Samol mele ye foru le be iye sengal; ye foru le tor hapagol yal kamdidiy!’”

1 Corinthians 12:28

Deus yesa hatugulu ragregel yarmat mo lal eklesia. Metamol ngo apostel, ngo harwowal ngo sa profeta, yela hasuluwal ngo sa chol foloy, iwe ngo sa rechokla rema ffaor kkemal, iwe ngo sa rechokla yor kkeler le rebe hachuya yar yarmat tomay hare re tipingir yarmat, hare re haddarlahor yarmat, hare rechokla rema hapatpat irel semat hapatpat le ye wel.

Galatians 2:9

James, Pedrus mo John, we medalbo ir mele metael yalor yarmetael eklesia, ngo re gola le Deus mele ye fang ngalyey yengang le bo ibe foru. Iwe resa yichpoy ngalugmem mo Barnabas, le re kkewar ngalugmem bo pangamem ngo hamem chog choal sew yengang. Ye sala sew chog yamem luluwal le ngang mo Barnabas ha bele yengang luwulur Gentiles ngo ir re bele yengang luwulur Jews.

Ephesians 3:5

Muswe ngo yarmat re togla kofael mele bo ye llebag. Ngo ligdi bo Deus sa kawraloh igla mo irel Espritu Santus ngalir apostel mo profeta kowe re santus.

Colossians 2:7

Habe haluglugu dipmi irel Kristus, iwe ngo hasa yetedah chog dipmi uwol irel yami memel, ngo ha hakkela chog yami tugul, le be wochog molwe hami hasa kkay. Habe kangalu Deus lepal yal hachigchig.

1 Peter 2:6

Bo iwe babior we ye santus ye sor bo, “Isa duwley feas la ye hartael paleng pelal isa itol wol Zion; ngo te tugul semal le yebe chepar irel, ngo towe yeyewal depal.”

Revelation 21:14

Mala pegil yororol haplom la ila re fatleha dah wol seg mo rufeas feas kowe ye palingling, ngo be wol sefaes feas kala ngo ye teftaf idel semal apostel kowe seg mo rumael we re dabeyel Fadiyel Saaf we iyang.