1 Timothy 3:2 - Bogtag we ye Tefoy

² Semal le yebe mel bo semal tamol eklesia, ila ngo yebe semal yarmat le towe yor derel ngo yebe semal chog ril, ngo yebe repiy ngo ye gola mele yebe foru, ngo ye momay wegdegel, ngo yebe yoh le yebe foloy, ngo yebe mwechael le rebe budoh wasola irel imal.

1 Timothy 3:2 ပူးပေါင်းရင်းမြစ်များ

Luke 1:6

Rorumal ngo ye fel yar popoa sew mo fael metal Deus ngo re talenga pangal hatobtob kowe yael Samol mo foloy kowe yal.

Luke 2:36

Ye mel semal profeta fefel le sa yulolap le Anna idal le sa mes mala ril. Iy lol Phanuel we yeramtal haleng we yael Asher. Ye hal fisuw raeg yal riri ngo yesa mes mala ril ngo yela yodle ngo sa walig mo faw lepal ragel. Tor fael sew le ye ligdi Templum we. Llobong mo llerael ngo yema kekasrowu Deus irel yal ma mapel mo yal ma supiy hal.

Romans 12:13

Ha fang hammaler mekla wol bismi le resa hafohoy, ngo ha sugu imw kala yimmi ngalir wasola.

Philippians 2:15

ila ngo habe mel bo lol Deus le ha fel ngo tor dermi mo lal faileng le ye ssogol rechokla re tayikof ngo re toa hamolfid. Habe wochog fis kala ye werloh lal laeng le habe werloh luwullur,

1 Timothy 3:12

Semal le yebe mel bo semal chol yengangel eklesia, ila ye tugul le be semal chog ril, ngo yebe yoh hammalel mekla lol mo chol imwol irel.

1 Timothy 3:8

Rechokla rebe ma yengang irel eklesia ila sibis yarmat le yebe wol momay wegdegir, ngo rebe ma katos, ngo re towe ma hacholopa lemer wine, ngo re towe ma chahewal salpiy.

1 Timothy 4:3

Tappel rechokla ila senger ila rema foloyu le ye tayikof la sibe riri, ngo ye wol tayikof la sibe mongoy kattot mongoy. Iwe ngo Deus ye foru mongoy kala bo rechokla resa chepar ngo resa gola mekla ye katos rebe hangi, le wol miril yar kangalu Deus yal hachigchig.

1 Timothy 5:10

ngo ye momay wegdegel: Be semal fefel le yebe ma hamaler mekla lol ngo yema mechal le yebe budoh wasola irel mala imwal, ngo yema faor yengang kala ye tottol bo yaglir Kristiano kala choluwal, ngo yema tipingir rechokla re hafohoy, ngo yema yedamgel bo yebe ma foru chog mekla ye momay.

1 Timothy 5:22

Ho towe nngat le hobe yetedah pom uwol semal hobe mapela bo yebe yangtali yengang la yael Samol. Ho towe dabey molfid kala yarmat rema foru. Hobe mel le hobe taldag.

1 Timothy 5:9

Ho towe tefadiy idel semal fefel le yesa mes ril lal babior la ye mel ider fefel kala yesa mes rir iyang igle ye ted ligdi weleg lepal ragel. Iwe ngo be hal fael sew chog yal riri,

2 Timothy 2:24

Yael Samol boy ila towe ma fedegel hapatpat. Yebe momay yal hagiyeg ngalir pangal yarmat. Ye bela mel le semal chol foloy le ye momay, ngo ye momay wegdegel.

Titus 2:2

Hobe kangalur rechokla resa mal bo rebe mel le re tal ngo ye fel yar luluwal ngo rebe ma supiy yar luluwal, mo irel mekla ye tabung ngo re kkel irel yar tugul mo yar hachangcheng mo yar yedamgel.

Hebrews 13:2

Ha luluwaley bo habe ma hakula ngalir wasola ngo ha fesangurloh lubugtami. Yor sibis we re foru mele re sala hakula ngalir angelus, ngo re fesangurloh lubugter ngo re togla le sibis angelus mokwe.

Hebrews 3:14

Bo gich chilal Kristus igle gich si yedamgel yee, la hola mala haygugul loh irel luglug le si mel iyang, le be wochog molwe si mel iyang irel yadwe chapdageldah.

1 Peter 4:7

Mala haigugul loh pangal faormel ila yesa harep. Ha mel le yebe pos yami mel ngo ha faesul hafelfel bo yebe yoh le habe ma mepel.

1 Peter 4:9

Ha sugu yimmi ngal semal mo semal le yebe fel wey mo lal dipmi.

1 Peter 5:8

Ha llugu dipmi! Bo Satan ila ye wochog semal raywong kowe irel yal popaoy fedal le ye memeri fedaley chog semal le yebe lliy sa hangiloh.