1 John 2:14 - Bogtag we ye Tefoy

¹⁴ Iy teftafwey babior iremi re wol layi, le fael mala hami hasa gola mala Temach. Iy teftaf ngalugmi hami tamtam, le fael mala hami ha gola yeramtawe ye faesul mel irel yodwe chapdagel dah chog. Iy teftaf ngalugmi hami tarmal, le fael mala ha kel; le yesa mel pedal mala yalol Deus lal dipmi, ngo hasa hachuyaloh mala kelel Moniyan.

1 John 2:14 ပူးပေါင်းရင်းမြစ်များ

John 15:7

Hare habe mel irey ngo ha itol meka yaloy lal yami luluwal, ila ngo te tugul mele ha dipli habe dongor ngo be yoh ngalugmi.

John 5:38

Ila fal le hate yetolong mala ye kapta lal yami luluwal bo ha te chepar ngal yeramtala iy yesa fangdoh.

John 8:31

Iwe ngo Jesus sa kangalur rechokwe resa chepar irel bo, “Hare habe dabey foloy ka yai ila ngo ye tugul le hami redabeyey;

John 8:37

Ngang igula bo hami chol daowe yael Abraham. Iwe ngo hami ha luluwaley le habe limeseyeyloh bo fael mala ha te dipli foloy ka yai.

Ephesians 6:10

Hartael mala ibe sor ila iye sengal: ha foru bo habe kkel irel mala kkamlal Samol irel mala hasa sew chog mo Samol.

Philippians 4:13

Te tugul mele ye weldoh ngo yebe mmal ngaliyey irel mala kkeley le Kristus sa fang ngaliyey.

Colossians 1:11

Iy memapel bo Deus yebe foru bo habe kkel irel mala kkamlal le ye falmay bo hare be yoh le habe yedamgel luwul yami malulu irel pangal formel.

Colossians 3:16

Mala yalol Kristus le ye hartael mmal yebe mel lal yami luluwal. Ha haskuna ngo ha hamdefa fengalugmi luwul repiy. Hasa ton le kofael Deus, le habe yawli ton kowe ye santus mo tonnel eklesia bo habe kangalu Deus yal hachigchig le be ila wey mo lal dipmi.

2 Timothy 2:1

Iwe ngo gel layi hobe hakkelag irel hachangcheng la yach irel yach sew chog mo Kristus Jesus.

Hebrews 8:10

Ila iye bogtag le ibele foru ngalir meka yarmetael Israel lal ral ka bele budoh, yalol Samol yal sor: ibele yetolong hatobtob ka yai lal yar luluwal, ngo iy tefalong lal mekla buler. Iy bele mel bo yar Deus ngo ir re bele mel bo layi yarmat.

1 John 1:1

Hasa teftafwey babior iremi la kofal Pedal Hapatpat we yema fang Molow le yodwe chapdagel dah chog ngo ye faesul mel. Hamem hasa spegil rongrong ngo ha wiri ngal metmem, ngoa, hasa wiri ngo ha yangsi ngal pomem.

1 John 1:10

Hare sibe sor le site molfid, ila ngo ye hafedeg ngal chog mala si sor bo Deus ye kachepar, ngo pedal mala yalol Deus le ye katos ila ye tamel irech.

1 John 2:13

Iy teftafwey babior iremi hamiytamtam, le fael mala hami ha gola yeramtawe ye faesul mel irel yodwe chapdagel dah chog. Iy teftafwey babior iremi hami tarmal, le fael mala hami hasa hachuyaloh mala kelel Moniyan.

2 John 1:2

bo fael mala, katos ila ye mel irech ngo yebe mel irech le tor siyal.

3 John 1:3

Ngang ye kel yai rraey irel yodwe tot Kristiano kowe bisich re budoh ngo re kangaluyey lepal tugulul ladep la yam irel mala ye katos — le tapel chog yam ma faesul dabey mala ye katos.

Revelation 2:3

Ngang igula le hami hate ppoloh mo irel yami yedamgel luwul hafohoy bo yagilyey.

Revelation 2:7

“Hare yor taelengmi ngo hasa taelenga mekla Espritu Santus ye kekangalur eklesia kala! “Rechokla rebe kel ila ibe fang keler bo rebe mongoy mo irel uwal iral molow we ye tumul mo lal milay we yael Deus.