Zekaraya 9:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Rhivwi kpo odjahọ wẹn, E ihwo re he uwodi ri iphiẹrohọ; nonẹ mi ghwoghwori nẹ mi ru ovwan akuava.

Zekaraya 9:12 ပူးပေါင်းရင်းမြစ်များ

ỌBE RẸ JOB 42:10

Ọrovwohwo da rhoma reyọ ughwẹ rẹ Job vwọ kẹ, oke ro vwọ nẹ ẹrhovwo kẹ igbeyan rọye nu; Ọrovwohwo da rhoma vwọ kẹ Job ọhwọhwọ ivẹ nọ uche ro vwori jovwo.

Aizaya 24:22

Ka ghwẹ ayen ejobi koko kerẹ ihwo ra kanre phihọ evun rẹ ọgọdọ; ka kanre ayen phihọ uwodi ẹdẹ buebu da wan nu ke hwe ayen.

Aizaya 38:18

Kidie ushi sa kpẹvwẹ owẹ-ẹ, orivwi se jiri uwe-e, ihwo ri kpo obo ukpotọ nure se vwẹ iphiẹrohọ vwẹ esegbuyota wẹ-ẹn.

Aizaya 40:2

Ta ota dẹndẹn kẹ Jerusalẹm, ru wo kperi kẹ tanẹ ofovwi rọye rere, nẹ a vwẹ orukuruku rọye ghovwo, nẹ ọ reyọ osa mie Ọrovwohwo ọhwọhwọ ivẹ fiki rẹ umwemwu rọye.

Aizaya 49:9

rọ ta ke ihwo re he uwodi na nẹ, Yan phia, vwọ kẹ ihwo re hẹ ebri na, Vwẹ oma phia. Ayen cha re emu yan vwẹ oma re idjerhe na, vwe enu rẹ igbenu phrẹphrẹphrẹ na ejobi kẹ etiyin egbri cha dia,

Aizaya 52:2

Phorho iwurhie nẹ oma wẹn, vrẹn; E oghuvwu Jerusalẹm; rhan ọghrọrọ nẹ ohọre wẹn, E oghuvwu ọmọtẹ ri Zayọn.

Aizaya 61:7

Vwẹ ẹdia re omaẹvuọ wẹn ku wo vwo ẹkẹn ivẹ, vwe ẹdia re oma ẹphọphọ ku wọ ghọghọ vwẹ ẹkẹn ute wẹn, fiki rẹ ọtiọye na vwẹ evun rẹ otọ wẹn ku wo ẹkẹn ive, ọwẹn kọ dia aghọghọ re rara.

Jerimaya 14:8

E wẹ iphiẹrohọ rẹ Izrẹl, wẹ osivwi rọye vwẹ ọke rẹ ukpokpogho, die nẹrhẹ wọ họhọ ọrhorha vwẹ otọ na, vwọ họhọ ọyoyan rọ vwẹriẹre nẹ ọye vwerhẹ asọn ọvo?

Jerimaya 16:19

E Ọrovwohwo, ogagan mẹ vẹ odjahọ mẹ, adjẹrhọ mẹ vwẹ ẹdẹ rẹ ukpokpogho, wọwẹ ẹgborho na ejobi che bre cha nẹ oba re akpo rhe tanẹ: Esẹ rẹ avwanre reuku rẹ emu ọvuọvo-o jokpa rẹ efian ọvo, erharhe rẹ emu ri fi erere-e?

Jerimaya 17:13

E Ọrovwohwo, iphiẹrohọ rẹ Izrẹl, otu re sen wẹ ejobi oma cha vo ayen, otu ri kurhẹriẹ ju we vwo ke si ayen phihọ akpo na, kidie ayen siẹn Ọrovwohwo na, ẹtẹrhe rẹ ame rẹ urhuarhọ.

Jerimaya 31:17

Iphiẹrohọ herọ kẹ we vwẹ obaro, eriyin Ọrovwohwo tare, emọ wẹn ji che rhivwi rhe orho rayen.

Jerimaya 31:6

Kidie ẹdẹ hero rẹ erhẹrotọ che vwo se vwẹ orere rẹ ugbenu rẹ Ifrem: Vrẹn, re e yeri kpo Zayọn, bru Ọrovwohwo Ọghẹnẹ rẹ avwanre.

Jerimaya 50:28

Kerhọn! ayen djẹ vabọ nẹ otọ ri Babilọn, re ghwoghwo ihriẹriọ rẹ Ọrovwohwo Ọghẹnẹ rẹ avwanre na vwi Zayọn, ihriẹriọ fiki rẹ uwevwi rọye.

Jerimaya 51:10

Ọrovwohwo vwẹ ase rẹ avwanre rhire, mọ, re ghwoghwo vwi Zayọn iruo rẹ Ọrovwohwo Ọghẹnẹ rẹ avwanre na.

Izikiẹl 37:11

Etiyin ọ da ta kẹ vwẹ, Ọmọ rẹ ohwo, ibeku nana hẹ uwevwi rẹ Izrẹl ejobi. Nighere, ayen ta nẹ, Ibeku rẹ avwanre yamu, iphiẹrohọ rẹ avwanre reri, e bru avwanre kufia.

Hosia 2:15

Etiyin ke me vwẹ ogba ri vain rọye vwọ kẹ, ki mi ru iyara rẹ Akọ ẹchẹ rẹ iphiẹrohọ. Etiyin ọ de che nyo kerẹ ọke rọ vwọ hẹ emeghene, kerẹ ọke rọ vwo vrẹn nẹ otọ rẹ Ijipt rhe.

Joẹl 3:16

Ọrovwohwo de do nẹ Zayọn rhe, urhuru rọye da mra nẹ Jerusalẹm rhe, odjuvwu vẹ akpọ na de mu kpogho Ẹkẹvuọvo Ọrovwohwo hẹ odjahọ kẹ ihwo rọye, ogba ọgangan kẹ ihwo rẹ Izrẹl.

Maika 4:8

Ji te owẹ, E ọguan rẹ igegede na, ugbenu rẹ ọmọtẹ ri Zayọn, wẹ ọye o che bru rhe, isuesun rẹ awanre na cha rhe, uvie rẹ ọmọtẹ ri Jerusalẹm.

Nahum 1:7

Ọrovwohwo na yoma, asan odjahọ vwẹ ẹdẹ rẹ ukpokpogho; ọ riẹn ihwo re djẹ sioma nu vwẹ evun rọye.

Hibru 6:18

rere vwi fiki rẹ emu nana ivẹ re sa rhẹriẹ-ẹ na, kidie ọ pha bẹnbẹn kẹ Ọghẹnẹ rọ vwọ vwọrọn ofian, kẹ arueyivwo yena avwanre vwọ djẹ sioma nu vwẹ iphiẹrohọ rọ vwọ kẹ avwanre na.

Hibru 6:19

Kọye hẹ ọtan rẹ avwanre churu erhi rẹ avwanre mu ro vwo je bo, iphiẹrohọ rọ sa ro obo ẹtan rẹ ẹshẹ na rọ hẹ obuko rẹ oga na,