Zekaraya 8:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ ke Me reyọ ayen rhe vwọ dia uherevie ri Jerusalẹm ayen ke dia ihwo Mẹ ke Me je dia Ọghẹnẹ rayen, vwẹ uyota vẹ ọsoso.

Zekaraya 8:8 ပူးပေါင်းရင်းမြစ်များ

Jẹnẹsis 17:8

Ke Me vwọ kẹ wẹ kugbe uvwiẹ wẹn rọ cha obuko wẹ, otọ nana rẹ ovwan da ọrharha na, otọ ri Kenan ejobi, kọ dia ẹkẹn uku wẹn bẹdẹ, ke Me dia Ọghẹnẹ rayen.

Jerimaya 11:4

ri mi ji iji kẹ esẹ rẹ ovwan re me vwọ reyọ ayen nẹ otọ rẹ Ijipt cha, nẹ erhanre rẹ utehru, ta nẹ, Kerhọn rẹ urhuru mẹ, re we ru obọ me ta kẹ ovwan, kẹ ovwan dia ihwo mẹ, ke me je dia Ọghẹnẹ rẹ ovwan,

Jerimaya 23:8

ẹkẹvuọvo kirobo rẹ Ọrovwohwo herọ rọ reyọ uvwiẹ rẹ uwevwi rẹ Izrẹl ji sun ayen nẹ orho rẹ obọhwẹre ọnre rhe kugbe irho rọ djẹ ayen ra ejobi na. Ayen ke dia otọ rẹ obọ rayen.

Jerimaya 24:7

Me kẹ ayen udu rẹ ayen vwọ riẹn nẹ mẹvwẹ Ọrovwohwo na; ayen cha dia ihwo mẹ ke me dia Ọghẹnẹ rayen, kidie ayen cha vwẹ udu rayen ejobi rhivwi bru uvwe rhe.

Jerimaya 30:22

Ku wa dia ihwo mẹ, ke me dia Ọghẹnẹ rẹ ovwan.

Jerimaya 31:1

Vwẹ ọke yena, eriyin Ọrovwohwo tare, ke me cha dia Ọghẹnẹ rẹ uvwiẹ rẹ Izrẹl ejobi, ayen ke cha dia ihwo mẹ.

Jerimaya 31:33

Ẹkẹvuọvo ọnana hẹ ọphọ re me vẹ uwevwi rẹ Izrẹl cha re, ọke yena da wan nu, eriyin Ọrovwohwo tare: Ki mi che phi urhi mẹ phihọ evun rayen, mi ji che siọ phihọ udu rayen; ke me dia Ọghẹnẹ rayen, ayen ke dia ihwo mẹ.

Jerimaya 32:41

Me cha ghọghọ vwẹ emu esiri ri mi ru kẹ ayen, ke me kọn ayen phihọ evun rẹ otọ nana vwẹ esegbuyota, kugbe udu vẹ ẹnwẹn mẹ ejobi.

Jerimaya 4:2

Wo de duvwu iyori, kirobo rẹ Ọrovwohwo herọ na, vwẹ evun rẹ uyota, vẹ ọsoso kugbe ọvwata, irere na ejobi ki vwo ebruba vwẹ oma rọyen, vwẹ oma rọye kọye ayen de vwo urinrin.

Izikiẹl 11:20

rere ayen vwọ yan vwẹ iji mẹ rere ayen sẹro rẹ irhi mẹ rere ayen mu ọghọ kẹ ayen, ayen kẹ dia ihwo mẹ, ke Me dia Ọghẹnẹ rayen.

Izikiẹl 36:28

Ku wọ cha dia otọ re me vwọ kẹ esẹ wẹn; ku wọ dia ihwo mẹ, ke me dia Ọghẹnẹ wẹn.

Izikiẹl 36:33

E nẹ Ọrovwohwo Ọghẹnẹ tare: Vwẹ ẹdẹ re me da cha hworhẹ owẹ nẹ orukuruku wẹn, ke me cha nẹrhẹ ihwo rhe dia evun rẹ irere wẹn, asan re guọghọ te otọ jovwo ka rhoma bọn ayen.

Izikiẹl 37:25

Ayen ke dia otọ na rẹ esẹ rẹ ovwan diare re me vwọ kẹ odibo mẹ Jekọp, te ayen te emọ rayen kugbe uvwiẹ rayen ke dia etiyin bẹde; Devid odibo mẹ kọ dia osun rayen bẹdẹ.

Izikiẹl 37:27

Ẹdia mẹ kẹ ohri rẹ ayen ọ dia, ke me dia Ọghẹnẹ rayen, ayen ke dia ihwo me.

Hosia 11:11

Ayen cha vẹ ophariẹ kerẹ emephran ri nẹ Ijipt cha, kerẹ ilekuku ri nẹ Asiria cha, ke me vwẹ ayen rhivwi kpo iwevwi rayen, eriyin Ọrovwohwo tare.

Joẹl 3:20

Ẹkẹvuọvo ka dia Juda bẹdẹ, Jerusalẹm nẹ uvwiẹ re te uvwiẹ

Livitikọs 26:12

Ke Me cha yan vwẹ ohri rẹ ovwan, Me Me rha dia Ọghẹnẹ rẹ ovwan, ovwan ke dia ihwo mẹ.

Zekaraya 10:10

Mi che si ayen nẹ otọ rẹ Ijipt rhe uwevwi, koko ayen ne Asiria rhe, Me Me vwẹ ayen rhe otọ rẹ Giliad vẹ otọ ri Lebanọn, bẹsiẹ re asan vwo jẹ ayen ẹgba.

Zekaraya 10:6

Me cha kẹ uwevwi ri Juda ogangan, mi ji che sivwi uwevwi ri Josẹf. Me cha ghwẹ ayen hirhe rhe fikiridie mi ni aruẹdọn rayen, ayen ke cha dia kerẹsiẹ rẹ a mrẹ nẹ Me je sen ayen dẹvo-o; kidie mẹvwẹ hẹ Ọrovwohwo Ọghẹnẹ rayen mi che nyo kẹ ayen.

Zekaraya 13:9

Ki mi che phi ẹkẹn rerha nana phihọ erhanre, re ruo fon kirobo re ru idọnọ fuan ye, ka davwe ayen kirobo ra davwe oro na. Ayen se odẹ Mẹ, ki mi nyo ke ayen. Ke Me ta nẹ, Ayen ihwo mẹ, Kẹ ayen ta nẹ, Ọrovwohwo na Ọghẹnẹ Mẹ.

Zekaraya 2:11

Ẹgborho buebu che kuoma rayen gbe Ọrovwohwo vwẹ ẹdẹ yena, ke cha dia ihwo Mẹ; ke Me dia uherevie wẹn ko wọ riẹn nẹ Ọrovwohwo rẹ otuofovwi na re cha vwe ji uvwe bru uwe rhe.

Ẹvwọphia 21:3

mi de nyo urhuru rode ọvo ro nẹ obo ekete na rhe tanẹ, Nighe, Ọghẹnẹ rhe bọn uwevwi rọye kugbe ihwo rẹ akpọ. Kọ nene ayen dia, ayen ke dia ihwo rọye, okpuyovwi rẹ Ọghẹnẹ ko bru ayen rhe dia;

Ẹvwọphia 21:7

Ọ ro phi kparobọ kọ reuku nana, ke me dia Ọghẹnẹ rọye kọ dia ọmọ mẹ.