Zekaraya 8:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ E nẹ Ọrovwohwo rẹ otuofovwi tare. O da dianẹ ọ dia emuigbunu vwẹ aro rẹ imihwo ri chekọ vwẹ edẹ nana, ọ jẹ dia emuigbunu vwẹ aro Mẹ, Ọrovwohwo rẹ otuofovwi tarọ?

Zekaraya 8:6 ပူးပေါင်းရင်းမြစ်များ

Jẹnẹsis 18:14

O vwo emuọvo rọ bẹn kẹ Ọrovwohwo? Ọke ri mi seri na ke Me cha rhoma bru we rhe, vwẹ asan evwru na, Sera ko che vwiẹ ọmọshare.

Ivie rẹ Ivẹ 7:2

Etiyin onotu rẹ ovie na vwẹ oma rẹrẹ da kpahe kẹ ohwo rẹ Ọghẹnẹ na, Ọ da dianẹ ekpuyovwi rẹ Ọrovwohwo de muobọ bru evakpo phihọ odjuvwu dede ọ ro wọ ta na phia? Ẹkẹvuọvo ọ da ta, Wọ cha vwẹ ẹro wẹn mrẹ, ẹkẹvuọvo wọ cha sa re vwọ-ọ.

Une rẹ Ejiro 118:23

Ọnana uruemu rẹ Ọrovwohwo na; ọ da dia igbunu vwẹ ẹro rẹ avwanre.

Jerimaya 32:17

E Ọrovwohwo Ọghẹnẹ! Wọwẹ vwẹ ogangan wẹn rode na vẹ ẹgba rẹ obọ wẹn ma odjuvwu vẹ akpọ na! Emu ọvuọvo bẹn kẹ wẹ-ẹ.

Jerimaya 32:27

Nighe, Mẹvwẹ Ọrovwohwo na, Ọghẹnẹ rẹ ihwo ejobi; o vwo emu ọvo rọ ganọ kẹ vwẹ?

Matiu 19:26

Ri Jesu vwo ni ayen ọ da ta kẹ ayen nẹ, Ihwo ọye ona bẹn kẹ; ẹkẹvuọvo ọ sa bẹn kẹ Ọghẹnẹ-ẹ.

Iyẹnrẹ Esiri ri Luk 1:20

Nighe, kẹ etinẹ yanran ku wo diunu, wọ gbe sa ta ota-a, bẹsiẹ rẹ imu nana che vwo ru, fikiridie wo se ota mẹ gbuyota-a, ri che ru gba vwẹ ọke rayen.

Iyẹnrẹ Esiri ri Luk 1:37

Kidie o vwo emu ọvuọvo rọ bẹn kẹ Ọghẹnẹ-ẹ.

Iyẹnrẹ Esiri ri Luk 18:27

Ẹkẹvuọvo ọ da ta, obo re bẹn kẹ ohwo ọ bẹn kẹ Ọghẹnẹ-ẹ.