Zekaraya 8:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ E nẹ Ọrovwohwo tare: Mi che rhivwi kpo Zayọn, ke Me dia uherevie ri Jerusalẹm, ke se Jerusalẹm orho rẹ uyota, ugbenu rẹ Ọrovwohwo rẹ otuofovwi na, ugbenu ọfuanfọn.

Zekaraya 8:3 ပူးပေါင်းရင်းမြစ်များ

Une rẹ Ejiro 2:6

Me vwẹ ovie mẹ mu vwi Zayọn ugbenu ọfuanfon mẹ nure

Une rẹ Ejiro 48:1

Ọrovwohwo rhoro ọye ohwo re jiri gangan vwe evun re orere rẹ Ọghẹnẹ rẹ avwanre!

Ẹyano 29:45

Ke me cha dia ohri rẹ ihwo rẹ Izrẹl, ke me dia Ọghẹnẹ rayen.

Aizaya 1:21

Mavọ orere esiri na rhe rhi hirhe oma phihọ igberadja; ọ rọ vọnre vẹ uyota! Ọvwata rhuẹn phihọ jovwo ẹkẹvuọvo ọke nana kẹ izighẹ.

Aizaya 1:26

Ki mi rhoma vwẹ iguẹdjọ wẹn mu kerẹ ọke rẹ ẹsosuọ ediẹguare wẹn kirobo re epha notọrhe. Ukuko rọye ke che se we orere re ọvwata, orere re esiri na.

Aizaya 11:9

Ayen cha wan ohwohwo oma-a vwe ugbenu ọfuanfon mẹ-ẹ; kidie akpọ na cha vọn vẹ erianriẹn rẹ Ọrovwohwo kirobo rẹ ame vọn urhie na.

Aizaya 12:6

Kperi, so ine rẹ aghọghọ, E emotọ ri Zayọn, kidie Ọfuanfon Ọvuọvo rẹ Izrẹl na rọ uherevie rẹ ovwan na vwa rhurarho.

Aizaya 32:16

Osọsọ kọ cha dia evun re aghwa na ọvwata kọ cha dia udju rọ yọvwe emu.

Aizaya 60:14

Emọ re ihwo ri shenyẹ wẹ ke cha rhe ri shiguẹ te otọ kẹ wẹ, kugbe ihwo ejobi re je wẹ fia ki che shiguẹ vwẹ asan awọ wẹn, ke ayen che se we Orere rẹ Ọrovwohwo, Zayọn rẹ Ọfuanfon Ọvuọvo rẹ Izrẹl na.

Aizaya 65:25

Okpohrokpo vẹ ogodẹ ke cha re emu kugbe, ekpẹn kọ cha re ọdi kerẹ erhuẹn, ekpẹn kọ dia emu rẹ ọrọdekọ, ayen gbe woma-a eye ghwọrọ-ọ vwẹ enu rẹ ugbenu ọfuanfon Mẹ ọfa-a, eriyin Ọrovwohwo tare.

Aizaya 66:20

Ayen ke cha reyọ imoni wẹn nẹ ẹgborho na ejobi rhe kerẹ ẹkpẹvwẹ kẹ Ọrovwohwo, vwe enu re iyesi, kugbe ekpẹrẹ rẹ ofovwi, vwẹ enu re eranvwe, kugbe enu ri lama, iyesi rẹ eshare, vwo kpo ugbenu ọfuanfon Mẹ Jerusalẹm, eriyin Ọrovwohwo tare, kirobo rẹ ihwo rẹ Izrẹl reyọ ẹkpẹvwẹ rẹ ọka phihọ orọvwọ phẹphẹ vwọ cha uwevwi rẹ Ọrovwohwo na.

Aizaya 8:18

Nighe, Mẹvwẹ vẹ emọ rẹ Ọrovwohwo vwọ kẹ vwẹ na eka vẹ asaumwemwu ro nẹ obọ rẹ Ọrovwohwo rẹ ofovwi na rhe ke Izrẹl, Ọrovwohwo dia Ugbenu rẹ Zayọn.

Jerimaya 14:9

Die nẹrhẹ wọ họhọ ohwo gedegede kẹrẹ ogba ro se sivwẹ-ẹ? ye wẹ, E Ọrovwohwo, wọ hẹ ohri rẹ avwanre, a vwẹ odẹ wẹn se avwanre, wo jẹ avwanre vwo-o.

Jerimaya 26:18

Maika ri Mọreshẹt ọ mrarọ vwẹ ẹdẹ ri Hẹzikaya ovie ri Juda, ọ da ta kẹ ihwo ri Juda ejobi nẹ. Enẹ Ọrovwohwo rẹ otuofovwi tare, A cha gua Zayọn kerẹ udju, Jerusalẹm cha dia erhurhu rẹ umiovwo, Ugbenu rẹ uwevwi na je cha dia oghwaghwo ro kpenu.

Jerimaya 31:23

Enẹ Ọrovwohwo rẹ otuofovwi na tare, Ọghẹnẹ rẹ Izrẹl: Ayen cha rhoma ta eta nana vwẹ otọ ri Juda vẹ irere rọye ọke re me da vwẹ oyovwe rayen rhe nu: Ọrovwohwo bruba kẹ wẹ, E ẹdia rẹ ọvwata, E ugbenu ọfuanfọn!

Jerimaya 33:16

Vwẹ ẹdẹ yena Juda kọ rhọ Jerusalẹm kọ dia vwẹ egbẹrhẹnẹdẹ. Kẹ ọ na odẹ re che vwo se, Ọrovwohwo na ọvwata rẹ avwanre.

Izikiẹl 48:35

Okiriarie rẹ orere na kọ dia kubit uriorin ihwe gbẹ ẹrenre. Odẹ rẹ orere na kẹ etinẹ yanran kọ dia, Ọrovwohwo na hẹ etiyin.

Daniẹl 9:16

E Ọrovwohwo, kirobo rẹ uruemu esiri wẹn ejobi epha, gbe si ophu vẹ ivuemiovwo wẹn nẹ orere wẹn Jerusalẹm, ugbenu ọfuanfon wẹn, fikiridie vwẹ ẹkuoma rẹ umwemwu rẹ avwanre vẹ orukuruku rẹ esẹ rẹ avwanre, Jerusalẹm vẹ ihwo wẹn vwo hirhe phihọ ehwẹjẹ vwẹ ohri rẹ ihwo rẹ riariẹ avwanre phihọ.

Joẹl 3:17

Ọtiọye ku wa cha riẹn nẹ Mẹvwẹ Ọrovwohwo Ọghẹnẹ wẹn, rọ dia Zayọn, ugbenu ọfuanfon mẹ na. Jerusalẹm kọ cha fon erhorha gbe cha wanvrẹn bẹdẹ-ẹ.

Joẹl 3:21

Ki mi reihri rẹ ọbara rayen, Me cha hworhẹ ihwo rẹ abe-e, kidie Ọrovwohwo na re dia Zayọn.

Maika 4:1

Rẹ ẹdẹ na de che te vwẹ ukuko rọye ugbenu rẹ uwevwi rẹ Ọrovwohwo na ko che muvi kerẹ ugbenu ro Me kpenu ejobi, ka cha kparo kpenu nọ imigbenu na ejobi; ihwo ki che rhurie ruọ.

Zẹfanaya 3:13

Ayen otu ri chekọ vwẹ Izrẹl, gbi che ru oru chọ-ọ ayen gbe cha vwọrọ efia-an, eyẹ a gbe cha mrẹ ẹrẹnvwe rọ vwọrefia vwẹ unu raye-en. Kidie ayen che sun igegede rayen ayen ki shevwerhe te otọ, ohwo ọvuọvo gbe vwẹ oshọ mu aye-en.

Zekaraya 1:16

Ọtiọye na, e nẹ Ọrovwohwo tare, mi rhivwi rhe Jerusalẹm vẹ arodọvwẹ; a cha bọn uwevwi Mẹ phihọ, Ọrovwohwo rẹ otuofovwi na tare, ka cha riẹn ufi rẹ ovwanvwọn wan Jerusalẹm vrẹn.

Zekaraya 12:6

Vwẹ ẹdẹ yena ki mi ru orua ri Juda họhọ ochẹ rọ vwara vwẹ uherevie rẹ erhanre, họhọ urhukpẹ rọ la vwe ohri rẹ ekrẹbe; ayen ke guọghọ ihwo re yariẹ obọrhe vẹ obọhwẹre ejobi phihọ yẹ a je dia Jerusalẹm kirobo rọ epha jovwo .

Zekaraya 14:10

Otọ na ejobi ko che shaton nẹ Ọrha re te Rimmọn vwẹ obọrhe ọnre vwi Jerusalẹm. Ẹkẹvuọvo Jerusalẹm ko che kpenu vwẹ ẹdia rọye nẹ Unurhoro re Bẹnjamin re te asan rẹ unurhoro rẹ awanre na epha, re te Unurhoro rẹ Akako, nẹ ohẹrhẹ ri Hananel re te okọ re de mie wain rẹ ovie.

Zekaraya 8:16

Enana he emu wo che ru, Wa ta uyota kẹ ohwohwo, wo bru orhiẹn rẹ uyota vẹ ọ rẹ ufuoma vwẹ inurhorọ rẹ ovwan,

Zekaraya 8:19

E nẹ Ọrovwohwo rẹ otuofovwi tare Owenẹ owẹvwe rẹ echiro rẹ emeranvwe rẹne, re fi ọriyori, vẹ ọrighwrẹ, re te ọrihwe, cha dia vwẹ uwevwi ri Juda ọke rẹ oghọghọ vẹ omavwerhe kugbe orẹ rẹ omavwerhe, ọtiọye na gba guọnọ uyota vẹ ufuoma.

Iyẹnrẹ Esiri ri Jọn 1:14

Ota na de rhi hirhe phihọ ohwo ọ da rhe dia ohri rẹ avwanre, ọ vọnre vẹ ẹserọphẹ vẹ uyota; avwanre da mrẹ urinrin rọye ọ tiẹ urinrin rẹ Ọmọ ọvuọvo na ro nẹ obọ rẹ Ọsẹ na rhe.

Iyẹnrẹ Esiri ri Jọn 14:23

Jesu da kpahe kẹ, Ọ da dianẹ ohwo guọnọ ovwẹ, ko sẹro rẹ ota mẹ, Ọsẹ mẹ kọ guọnọ avwanre ki bro rhe avwanre vẹ ọye ke gba dia uwevwi.

2 Kọrẹnt 6:16

Didi ẹrhọvwọkugbe uwevwi rẹ ẹga rẹ Ọghẹnẹ vẹ ọ rẹ ẹdjọ vwo kugbe? Kidie avwanre hẹ uwevwi rẹ ẹga rẹ Ọghẹnẹ ri bẹdẹ na; kirobo rẹ Ọghẹnẹ tare, Ke me dia evun rẹ ayen ke me yan vwẹ ohri rẹ ayen, ke me dia Ọghẹnẹ rayen, ayen ke dia ihwo mẹ.

Kolose 2:9

Kidie vwẹ evun rọye ọvonvọ rẹ Ọghẹnẹ ejobi da gba.

Ẹvwọphia 21:10

Vwẹ obo Erhi na o de mu uvwe yanran kpo obo ugbenu rode ro kpenu, ọ da vwẹ Jerusalẹm orere ọfuanfon na nẹ vwẹ ro wotọ nẹ obọ rẹ Ọghẹnẹ cha vwẹ obo odjuvwu,

Ẹvwọphia 21:27

Ẹkẹvuọvo obo ri jẹfuọn cha sa vwẹriẹ-ẹ, eyẹ ohwo kohwo ro gbe ẹgua eyẹ ofian, ẹkẹvuọvo jokpa rẹ ayen otu re si phihọ ọbe rẹ arhọ rẹ Omogodẹ na.

Ẹvwọphia 21:3

mi de nyo urhuru rode ọvo ro nẹ obo ekete na rhe tanẹ, Nighe, Ọghẹnẹ rhe bọn uwevwi rọye kugbe ihwo rẹ akpọ. Kọ nene ayen dia, ayen ke dia ihwo rọye, okpuyovwi rẹ Ọghẹnẹ ko bru ayen rhe dia;