Zekaraya 8:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Enana he emu wo che ru, Wa ta uyota kẹ ohwohwo, wo bru orhiẹn rẹ uyota vẹ ọ rẹ ufuoma vwẹ inurhorọ rẹ ovwan,

Zekaraya 8:16 ပူးပေါင်းရင်းမြစ်များ

Une rẹ Ejiro 15:2

Ohwo ro vwo abe-e, ro ruẹ obo ri shehọ, rọ ta uyota nẹ otọ rẹ udu rọye cha,

Une rẹ Ejiro 34:15

Ẹro rẹ Ọrovwohwo re nẹ ọvwata, erhọn rọye rhie phihọ kẹ oviẹ rayen.

Isẹ 12:17

Ohwo rọ ta uyota ọye ri se oseri rẹ uyota, ẹkẹvuọvo ọvwọron efian ophiẹvwẹ ọye oguẹ.

Isẹ 12:19

Ugbunu rọ ta uyota cha dia bẹdẹ, ẹkẹvuọvo ẹrẹnvwe rọ vwọrọn efian ọmọke krẹn ọye ọ dia.

Aizaya 9:7

Obuebu rẹ isuesun rọye vẹ ufuoma rọye se vwo oba-a vwe enu rẹ ekete ri Devid, kugbe enu rẹ uvie rọye, rọ tọn phihọ, rọ yọnrọn vwẹ ọsoso vẹ ọvwata ne ọke nana yanran rhiri bẹdẹ. Oruru rẹ Ọrovwohwo rẹ otuofovwi na yi ri ru ọna.

Jerimaya 22:3

Enẹ Ọrovwohwo tare: Ru obo ri shehọ vẹ ọsoso, sivwi ohwo re shenyẹ nẹ abọ rẹ ohwo ro shenyẹ na. Wo rue oruchọ eyẹ wọ ji gbe ozighi kẹ ọrhorha-a, ọmọphrori-i vwi-i, kugbe ayeuku-u, wo ji sun ọbara rẹ ọvwata vwẹ etinẹ na-a.

Izikiẹl 18:8

o momo igho kẹ ohwo o de suo-o, eyẹ ọ vwẹ igho obuebu vwọ kpahọ-ọ, rọ siobọ rọye nẹ imwemwu, ro de brorhiẹ rẹ ọsoso vwẹ uvwre rẹ ihwo ivẹ,

Izikiẹl 45:9

E nẹ Ọrovwohwo Ọghẹnẹ tare: Oteri, E isun rẹ Izrẹl! Ku ogbarogba vẹ oshenyẹ kufia, ru ọsoso vẹ ọvwata; we gbi keke ihwo mẹ nẹ otọ raye-en, eriyin Ọrovwohwo Ọghẹnẹ tare.

Livitikọs 19:11

We cho uji-i, ovwan je phiẹn ohwo-o, ovwan vwọrọ efian kohwo ohwo-o

Emọs 5:15

Tuoma rẹ umwemwu, guọnọ emu esiri, wọ bro omamọ orhiẹn vwẹ anurhoro, ọke ọvo Ọrovwohwo, Ọghẹnẹ rẹ otuofovwi na, kọ sa re ehrọre rẹ umuku ri Josẹf ro chekọ na.

Emọs 5:24

Ẹkẹvuọvo we gbe jẹ orhiẹbrọ rẹ uyota djẹ kerẹ ọkẹre re ame, rẹ ọvwata dia kerẹ urhie rọ djẹ rara.

Maika 6:12

Edafe rẹ ovwan vọnre vẹ ozighi; ihwo rẹ dia evun rẹ orere na vwọrọ efian, ẹrenvwe rẹ unu rayen vọnre vẹ ophiẹvwe.

Maika 6:8

O dje kẹ wẹ nure, E ohwo na, obo ri yoma; kidie Ọrovwohwo tobọ guọnọ vwẹ obọ wẹ ru emu rọ dia ọsoso, guọnọ aruẹdọn, kugbe rere wọ rha vwẹ oma kpotọ yan nene Ọghẹnẹ wẹn?

Zẹfanaya 3:13

Ayen otu ri chekọ vwẹ Izrẹl, gbi che ru oru chọ-ọ ayen gbe cha vwọrọ efia-an, eyẹ a gbe cha mrẹ ẹrẹnvwe rọ vwọrefia vwẹ unu raye-en. Kidie ayen che sun igegede rayen ayen ki shevwerhe te otọ, ohwo ọvuọvo gbe vwẹ oshọ mu aye-en.

Zekaraya 7:9

E nẹ Ọrovwohwo rẹ otuofovwi tare, Eru omamọ rẹ ọrhiẹn, we ru uruemu esiri vẹ arodọvwẹ ke dohwo domoni rọye,

Zekaraya 8:19

E nẹ Ọrovwohwo rẹ otuofovwi tare Owenẹ owẹvwe rẹ echiro rẹ emeranvwe rẹne, re fi ọriyori, vẹ ọrighwrẹ, re te ọrihwe, cha dia vwẹ uwevwi ri Juda ọke rẹ oghọghọ vẹ omavwerhe kugbe orẹ rẹ omavwerhe, ọtiọye na gba guọnọ uyota vẹ ufuoma.

Zekaraya 8:3

E nẹ Ọrovwohwo tare: Mi che rhivwi kpo Zayọn, ke Me dia uherevie ri Jerusalẹm, ke se Jerusalẹm orho rẹ uyota, ugbenu rẹ Ọrovwohwo rẹ otuofovwi na, ugbenu ọfuanfọn.

Matiu 5:9

Ebruba kẹ ihwo rẹ kẹ ufuoma; kidie e che se ayen emọ rẹ Ọghẹnẹ.

Ẹfesọs 4:17

Asakiephana me rhọvwe ọnana me ke rha je dia oseri vwẹ evun rẹ Ọrovwohwo nẹ, ovwan rhe yerẹ kirobo rẹ ihwo ri Keferi ruẹ-ẹ, fiki rẹ ugheghẹ rẹ udu rayen.

Ẹfesọs 4:25

Fiki rẹ ọtiọye na, we de siobọ nẹ efian ẹvwọrọn nu, e gbe jẹn ohwo ọvuọvo ta uyota kẹ ọrivẹ rọye, kidie avwanre ejobi oma ọvo.

1 Tẹsalonaika 4:6

E jẹn ohwo ọvuọvo chọ urhi-i, e jo gbe oniọvo rọye kuẹ vwẹ ota nana-a, fikiridie Ọrovwohwo hẹ ọreihri rẹ imu nana ejobi, kirobo rẹ avwanre kpa okpa phihọ ovwan obọ na.

Ẹvwọphia 21:8

Ẹkẹvuọvo vwọ kẹ ọvwoshọ, ọ ro jẹ esegbuyota evwo, ọ ro gbe ẹgua, vwọ kẹ ozighẹ, ovwofanrhiẹ, ọmraro, ọgọedjọ, kugbe ọvwọrọn ofian, ughwẹ rayen kẹ ẹtẹrhe rẹ erhanre da tua vẹ ibiosio rẹ erhanre na, kọye hẹ ughwu rivẹ.