Zekaraya 7:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ọke ra vwọ dia Jerusalẹm ro vwo vwo erhuvwu, re irere rọye vwọ gba yariẹ phihọ, re vwo yere obọhwẹre ọnre vẹ igo rọye, enana dia eta rẹ Ọrovwohwo wan oma rẹ emraro rẹsosuọ ta-a?

Zekaraya 7:7 ပူးပေါင်းရင်းမြစ်များ

Aizaya 55:3

Rhie erhọn wẹn, ri wo bru vwe rhe; nyo, re erhi wẹn vwọ rhọ; ke Me vẹ owẹ re ọphọ re rara, omamọ rẹ uvi rẹ ẹguọnọ ro jẹrhẹriẹ ri mi vwo kẹ Devid.

Jerimaya 13:19

Irere ri Nẹgẹb na, a karẹ ẹchẹ gbe ayen o gbi vwo ohwo ro rhiẹ aye-en; E mu Juda ejobi kpo ighuvwu, ayen ejobi tototo kpo ighuvwu.

Jerimaya 17:26

Ihwo che nẹ irere ri Juda vẹ asan re yariẹ Jerusalẹm phihọ, nẹ otọ ri Bẹnjamin, nẹ Shefela, nẹ orere rẹ ugbenu, ji nẹ Nẹgẹb rhe, re ghwa izobo rẹ ẹtorhẹ kugbe izobo cha, izobo rẹ ọka kugbe adjija, ke vwẹ ẹkpẹvwẹ rhe uwevwi rẹ Ọrovwohwo na.

Jerimaya 22:21

Me ta kẹ wẹ vwẹ evun rẹ oyovwe wẹn, ẹkẹvuọvo wọ tare, Me cha kerhọ-ọn, Ọnana uruemu wẹn nẹ emọ rhe, nẹ wo nyo urhuru mẹ-ẹ.

Jerimaya 32:44

A cha vwẹ igho de idju vwọ vwobọ ọbe rẹ eshashẹ ka ghwẹ obọ phihọ ji se oseri kpahọ vwẹ otọ ri Benjamin, vwẹ asan re yariẹ Jerusalẹm phihọ kugbe irere ri Juda, vwẹ irere rẹ obọ igbenu na, vwẹ irere re obi Shefela, kugbe evun rẹ irere rẹ obi Nẹgẹb na; kidie me cha vwẹ oyovwe rayen rhivwi rhe ayen, eriyin Ọrovwohwo tare.

Jerimaya 33:13

Vwẹ irere rẹ obenu rẹ ugbenu na, vwẹ irere ri Shefela na, vẹ evun rẹ irere ri Nẹgẹb na, vwẹ otọ ri Benjamin na, vwẹ asan rẹ yariẹ Jerusalẹm, kugbe evun rẹ irere ri Juda, igegede je cha rhoma yan nẹ obọ rẹ ohwo ro kere ayen, eriyin Ọrovwohwo tare.

Jerimaya 44:4

Dede na mi dje idibo mẹ emraro na ejejo bru ovwan rhe tanẹ, E, we ruẹ emuẹgha nana ro tu vwe oma na-a!

Jerimaya 7:23

Ẹkẹvuọvo urhi nana me vwọ kẹ ayen, Nyo urhuru mẹ, ke me dia Ọghẹnẹ kẹ ovwan, ovwan ke dia ihwo mẹ, rere wa yan vwẹ idjerhe ejobi ri mi dje kẹ ovwan rere o vwo yovwi kẹ ovwan.

Jerimaya 7:5

Kidie ovwan de ghine rhuẹrẹ idjerhe rẹ ovwan vẹ eyere rẹ ovwan phihọ rẹ ovwan de ghine ru ọsoso kẹ ohwohwo,

Zekaraya 7:12

Ayen de ru udu rayen gangan kerẹ oragha ayen de rhe nyo urhi vẹ eta rẹ Ọrovwohwo rẹ otuofovwi na rọ wan oma rẹ Erhi rọye vwo ji emraro rẹsosuọ na. Eriyin na ophu rode de nẹ obọ rẹ Ọrovwohwo rẹ otuofovwi na rhe.

Zekaraya 7:6

Ọke rẹ ovwan vwọ re rẹ ovwan vwọ da ye, e dia oma rẹ ovwan ovọ ovwan re da kẹ-ẹ?

Zekaraya 7:8

Ota rẹ Ọrovwohwo de bru Zekaraya, ta ne,

Urhi Rivẹ 34:3

ubrakpọ ri Nẹgẹb na, kugbe Uphẹphẹ na, rọ dia iyara ri Jeriko orere rẹ iriẹ na, re te Zua.