Zekaraya 7:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ rẹ ayen je nọ irherẹn rẹ uwevwi rẹ Ọrovwohwo rẹ otuofovwi vẹ emraro na, Mi ji muomahọ ji chiri owẹnvwe vwẹ emeranvwe riyori, kirobo mi ruru vwẹ ikpe buebu ye?

Zekaraya 7:3 ပူးပေါင်းရင်းမြစ်များ

Ezra 3:10

Ọke rẹ ihwo na re bọn uwevwi na vwo mu uchivwo rẹ uwevwi rẹ Ọrovwohwo na vi nu, irherẹn na vẹ iwun rayen da rhe vẹ owanre, kugbe ihwo ri Livae na, emọ rẹ Asaf, vẹ imikiri, rere e vwo jiri Ọrovwohwo, kirobo ri Devid ovie rẹ Izrẹl djeri.

Aghwoghwo 3:4

ọke ra vwọ viẹ, vẹ ọke ra vwọ hwẹ, ọke re vwo muomahọ, vẹ ọke ra vwọ heha;

Hosia 4:6

A guọghọ ihwo mẹ fiki rẹ jẹriẹn fikiridie wọ sen erianriẹn, Me sen we nẹ wọ gbe dia orherẹn mẹ-ẹ. Ọtiobo rẹ urhi rẹ Ọghẹnẹ wẹn vwọ chọro owẹ ẹro na, emọ wẹn ke je chọro ovwẹ ẹro rhe.

Joẹl 2:17

Vwẹ uvwre rẹ umukpe na vẹ agbada na gbe jẹn irherẹn na, ri gbe odibo kẹ Ọrovwohwo na, viẹ re ta, Jẹn ihwo wẹn vwo, E Ọrovwohwo, wo jẹn a vwẹ ireuku wẹn jehwẹ-ẹ vwo bru ohare vwẹ ohri rẹ ẹgborho na-a. Die ayen cha vwọ ta vwẹ ohri rẹ ihwo na nẹ, Tivọ Ọghẹnẹ rayen epha?

Hegae 2:11

E nẹ Ọrovwohwo rẹ otuofovwi na tare. Nọ irherẹn na re ayen kpahe phihọ enanọ nana.

Zekaraya 7:4

Etiyin ota rẹ Ọrovwohwo rẹ otuofovwi na de bru uvwe rhe;

Zekaraya 7:5

Ta ke ihwo rẹ otọ na ejobi kugbe irherẹn na, Ọke re ovwan vwo chiri owẹnvwe ji muomahọ vwe emeranvwe riyori veẹ ọrighwrẹ, vwẹ ikpe ujorha gbe ihwe nana, mẹvwẹ ovwan chiro kẹ?

Zekaraya 8:19

E nẹ Ọrovwohwo rẹ otuofovwi tare Owenẹ owẹvwe rẹ echiro rẹ emeranvwe rẹne, re fi ọriyori, vẹ ọrighwrẹ, re te ọrihwe, cha dia vwẹ uwevwi ri Juda ọke rẹ oghọghọ vẹ omavwerhe kugbe orẹ rẹ omavwerhe, ọtiọye na gba guọnọ uyota vẹ ufuoma.

Malakae 2:7

Kidie ẹbẹrunu rẹ orherẹn ọye re sẹro rẹ erianriẹn, ihwo ke guọnọ uyono nẹ unu rọye cha, kidie ọyinkọ rẹ Ọrovwohwo rẹ otuofovwi na o ruẹ.

Matiu 9:15

Jesu da ta kẹ ayen nẹ, Kẹ ikopha se chiri owẹvwe vwẹ ọke rẹ ọpha na vẹ ayen da herọ? Ẹkẹvuọvo ọke cha ra da vwẹ opha na yanran kẹsiẹye owẹvwe ki rhi hwe ayen.

1 Kọrẹnt 7:5

Wa vwẹ ovwerhẹ vwọrọn ohwohwo ahare-e jokpa nẹ ovwan rhọvwe kugbe vwẹ ọmọke, rere wa sa vwẹ oma rẹ ovwan vwọ kẹ ẹrhovwo ẹnẹ; tavwe we ki rhi kuoma gbe, re Idẹbono jẹ ovwan ẹdavwọ fiki ri jẹ oma echiro rẹ ovwan.

Urhi Rivẹ 33:10

Ayen che yono Jekọp iji wẹn, Izrẹl kẹ urhi wẹn; ayen che phi insẹns phihọ obaro wẹn te ọsoso rẹ izobo ra torhẹre phihọ enu rẹ agbada wẹn.