Zekaraya 7:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Me da vwẹ odju rẹ ovwre vwo hra ayen ro ohri rẹ ẹgborho rẹ ayen riẹnre-e kọye otọ rẹ ayen nuru da rhe dia ofefe, ọtiọye na ohwo rha yanrhe yankpo vwọ-ọ, otọ esiri na da rhe dia ofefe.

Zekaraya 7:14 ပူးပေါင်းရင်းမြစ်များ

2 Ikun rẹ Ivie 36:21

rere ota rẹ Ọrovwohwo wan unu ri Jẹrimaya ta vwọ sẹ, bẹsiẹ rẹ otọ na cha vwọ ghọghọ vwẹ edidjana rọye. Uche ẹdẹ ejobi ra kua no krite ọye ayen yọnrọn edidjana na te, bẹsiẹ rẹ ikpe ujorha gbẹ ihwe vwọ gba.

Une rẹ Ejiro 58:9

Ro phẹre nẹ ẹrhorho rẹ itaso eriyin ẹrhorhọ re inwe na epha vwẹ oma wẹn, ọ diare wọnwọn eyẹ ọ muẹ la, jo hwerhe ayen yanran!

Aizaya 17:13

Irere na do kerẹ edo rẹ ame rode, ẹkẹvuọvo kọ ghwọ ku ayen, kẹ ayen djẹ yanran shesheri, kọ djẹ kerẹ iphopho rọ hẹ enu rẹ ugbenu rẹ odju muẹ yanran, kerẹ odemu ro djuẹ iwurhie kpenu vwẹ obaro rẹ ogiribo.

Aizaya 21:1

Aruemrẹ kpahe aghwa rọ obọ urhie. Kirobo rẹ ogoribo djuẹ vwẹ obi Nẹgẹb, ọ djuẹ nẹ obo aton cha, nẹ otọ ro mu oshọ rhe.

Aizaya 60:15

Kirobo ra sen wẹ re tuoma wẹ jovwo na, re ohwo ọvuọvo wan wẹ vrẹn jovwo-o na, ki Mi ru we rhuarho bẹdẹ, aghọghọ nẹ oge re te oge.

Aizaya 66:15

Kidie nighere, Ọrovwohwo cha rhe vwẹ evun rẹ erhanre, ekpẹrẹ rẹ ofovwi rọye kerẹ odju rẹ ogiribo, rọ cha hwa osa rẹ ivuemiovwo rọye vwẹ ophu, ekan eharhọ rọye kerẹ ẹkuerlianre.

Jerimaya 12:10

Isuigegede guọghọ ogba ri vain mẹ ayen chiyi ẹkẹn mẹ muotọ, ẹkẹn oyoyovwi mẹ na hirhe phihọ aghwa ofefe.

Jerimaya 23:19

Nighe, ogiribo rẹ Ọrovwohwo! Ophu rọye ro otafe re, ọdju rode; ọ cha enu rẹ iriumwemwu na.

Jerimaya 30:23

Gbe ni ogiribo rẹ Ọrovwohwo! Ophu rọye duvwu phia re, odju rode na; O cha bẹrẹ ku uyovwi rẹ oruimwemwu.

Jerimaya 36:19

Isun na da ta kẹ Barọk, Re sioma nu, we vi Jerimaya, wo jẹn ohwo ọvuọvo riẹn asan rẹ ovwan epha-a.

Jerimaya 44:6

Vwẹ ọtiọye na ophu mẹ vẹ ivuemiovwo mẹ ko hwe ku irere ri Juda vẹ irhuvwu ri Jerusalẹm kọ je la mu ayen, ayen ke rhe dia ẹghwọrọ vẹ ofefe, ọtiobo rọ epha nonẹ na.

Jerimaya 5:15

Nighe, mi che ji orere nẹ ogboko rhe E uwevwi rẹ Izrẹl, eriyin Ọrovwohwo na tare. Orere na kri otọ re orere rẹ awanre oruẹ, orere ru wọ riẹn ephẹrẹ rọye-e, eyẹ wọ se nyo obo rẹ ayen ta-a.

Jerimaya 52:30

vwẹ ukpe ruje gbẹ erha ri Nebukadreza, Nebuzaradan olotu rẹ ohẹrhẹ na da ghwẹ ihwo ri Ju ujori ighwrẹ gbẹ ujuvẹ gbẹ iyori ighuvwu kpo; ihwo na ejobi da dia uriori ẹne gbẹ ujori esan.

Izikiẹl 12:19

rere wọ ta kpahe ihwo rẹ otọ na, Enẹ Ọrovwohwo Ọghẹnẹ ta kpahe ihwo re dia Jerusalẹm vwẹ otọ rẹ Izrẹl: Ayen cha re ikara rayen vẹ oshọemuo, ayen me da ame vẹ opharo emuophihọ, fikiridie a cha ghwẹ obo re hẹ otọ rọye ejobi no, fiki rẹ ogbarogba rẹ ihwo ejobi re dia evun rọye.

Izikiẹl 22:15

Ke me hra wẹ nene ẹgborho na me hra owẹ wan irho na, ki mi si inuhu nẹ uwe oma.

Izikiẹl 5:10

Fiki rẹ ọtiọye na esẹ ke cha re emọ rayen vwẹ uherevie ovwan, emọ ke cha re esẹ rayen; ke me cha vwẹ owẹ gu ẹdjọ, ọ rọ vẹ abọ rẹ ẹdjọ na ke me hra nene odju na ejobi.

Daniẹl 8:9

Vwẹ oma rẹ ighoro ọvo vwẹ usun rẹ ighoro ẹne na imighoro ọvo tutuno da tan no rhe, rọ rhe rho gangan kpo obotọ, kpo obaro ọnre, ro kpo obo otọ rẹ urinrin na.

Hosia 9:17

Ọghẹnẹ mẹ cha kpare ayen kufia, kidie ayen davwerhọn rọye-e; ayen ki che suosuo vwẹ ohri rẹ ẹgborho na.

Joẹl 2:3

Erhanre ra tua vwẹ obaro rẹ ayen, erhanre vwẹ obuko rẹ ayen Otọ na da họhọ udju rẹ Idẹn vwẹ obaro rẹ ayen, ẹkẹvuọvo a da rha vrẹn ovwan nu aghwa ofefe kọye ete, emuọvo cha va ayen abọ-ọ.

Livitikọs 26:22

Ki mi si obọ nẹ eranvwe re djoma vwẹ ohri re ovwan, ke ayen che mu emọ rẹ ovwan re, kugbe uchuru rẹ ovwan, ayen mi rhi ru ovwan havwe phihọ, idjerhe rẹ ovwan ejobi ki che gbe a rha mrẹ ohwo vwẹ aye-en.

Livitikọs 26:33

Ke Me cha hra ovwan ro irere na ejobi, eda re dje phihọ ako ejobi ke che yoro ayen phia fiki rẹ ovwan otọ na kọ cha dia ofefe, irere re ovwan ejobi ka kua ayen fiotọ.

Emọs 1:14

Vwẹ ọtiọye na ki mi che koko erhanre phihọ igbẹhẹ ri Rabah, kọ tọrhẹ ogba ọgangan rọye, re unuebo vwẹ ẹdẹ rẹ ofovwi, vẹ ọgbogho vwẹ ẹdẹ rẹ ogiribo;

Nahum 1:3

Ọrovwohwo na fobọ mu ophu-u yo vwo ẹgba rhuarho, Ọrovwohwo na ri brorhiẹ hwe ohwo rọ re abe. Idjerhe rọye ọ hẹ evun rẹ ogiribo vẹ urhie rọ họnra, egho rẹ obenu eye hẹ ekpẹn re tamu awọ rọye.

Habakọk 3:14

Wọ da vwẹ ugbẹn rẹ ọgba vwo duvwu uyovwi rẹ ọgba ofovwi na fi, re rhere kere ogiribo rhe hra vwẹ, rọ ghọghọ kerẹsiẹ ra da bẹbẹ mu ovwiọgbere rọ.

Zẹfanaya 3:6

Me nyavwe ẹgborho buebu kufia, ekuakua rẹ ofovwi rayen buebu ghwọrọ kufia; Me vwe irhuvwu rayen ejobi te otọ riae ọtiọye na ohwo ọvuọvo rha sa yan vwẹ aye-en, ẹgborho rayen ejobi rhi hirhe oma phihọ ọfefe, kaka ohwo, o vwo ohwo ọvuọvo rọ dia-a.

Zekaraya 2:6

E! E! Djẹ nẹ otọ rẹ obọrhe ọnre, Ọrovwohwo tare; kidie Me hra wẹ ro asan ejobi vwe igogo ẹne rẹ akpọ na, Ọrovwohwo na tare

Zekaraya 8:1

Ota Ọrovwohwo rẹ otuofovwi na de bru uvwe rhe, ta nẹ,

Zekaraya 9:14

Etiyin Ọrovwohwo kọ cha vwẹ oma phia kẹ ayen odada rọye kọ yanran kerẹ enu rọ nyavwaro. Ọrovwohwo Ọghẹnẹ che hworo owanre na, ọ Me yan phia vwẹ odju rẹ ovwre re hẹ obọrhe ọnre.

Urhi Rivẹ 28:33

Ẹgborho ru wo vugherei-i cha re emamọ rẹ otọ wẹn vẹ owia rọ wọ wianre ejobi; ke shenyẹ wẹ guọghọ owẹ te otọ kọke kọke;

Urhi Rivẹ 28:49

Ọrovwohwo cha reyọ ẹgborho ọfa nẹ ogboko rhe ri mu kpahe ovwan, nẹ oba rẹ akpọ na rhe kpata kpata kerẹ ugo rọ rhan, ẹgborho ro wa riẹn ephẹrẹ rọye-e

Urhi Rivẹ 28:64

Ọrovwohwo kọ hra ovwan ro uherevie rẹ ihwo na ejobi, nẹ oba rẹ akpọ na re te oba rẹ ivẹ; oboyi wọ da ga edjọ, edjọ rẹ irhe vẹ e rẹ elalọ e rẹ ovwan vẹ esẹ rẹ ovwan riẹnre-e.

Urhi Rivẹ 4:27

Ọrovwohwo kọ cha hra ovwan phihọ ohri rẹ ihwo, umuchihwo rẹ ovwan keye e che jovwo vwẹ ohri rẹ ẹgborho ra cha djẹ ovwan ra na.