Zekaraya 7:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ri mi vwo se, ayen nyori-i na, ọtiọye na re ayen rhe ji vwo se mi rhe ji nyo-o, Ọrovwohwo rẹ otuofovwi rẹ tarọ,

Zekaraya 7:13 ပူးပေါင်းရင်းမြစ်များ

Isẹ 21:13

Ohwo ro dierhọn kẹ unuebo rẹ ovwiogbere; ọke ro de che bunu vwẹ esiẹfa a gbe mrẹ ohwo nyo kẹ-ẹ.

Isẹ 28:9

Ohwo ro ku erhọn kufia kẹ urhi enyo, ẹrhovwo ẹnẹ dede kẹ ẹgua kẹ.

Aizaya 1:15

Ọke ri wọ da bẹre abọ wẹn, Ki mi si ẹro mẹ nu kẹ wẹ ọ da dianẹ wọ nẹ ẹrhovwo buebu dede, Me kerhọ-ọn; abọ wẹn vọnre vẹ ọbara.

Aizaya 50:2

Mavọ, ọke Me vwọ rhe, ohwo gbe herọ-ọ? Ọke Mi vwo se, o rhe vwo ohwo ro nyori-i? Obọ Mẹ krẹnọ, ro vwo je ohwo ẹtan? Gbine Mi vwo ogangan re vwo sivwẹ-ẹ? Nighere, vwẹ ẹghwọ re unu mẹ abadi na kọ kpọ, Mi ru urhie na phihọ aton, iyeri rayen ki gbo kidie ame herọ-ọ i mu ghwu fiki r;pe urhuru rẹ ame.

Jerimaya 11:10

Ayen rhivwi kpo umiovwo rẹ esẹ rayen ride, ihwo re rhọvwe nyo eta mẹ-ẹ ayen yan nene edjọ efa vwo ga ayen, uwevwi rẹ Izrẹl vẹ uwevwi ri Juda miovwo ọphọ ri mi nene esẹ rayen re na.

Jerimaya 11:11

Vwẹ ọtiọye na, enẹ Ọrovwohwo tare, Nighe, me cha vwẹ umiovwo rhe ayen rẹ ayen je se no, owenẹ ayen viẹ se vwe dede, me cha kerhọn raye-en.

Jerimaya 11:14

Vwẹ ọtiọye na wọ rẹ kẹ ihwo nana-a, wọ kpare urhuru rẹ oviẹ eyẹ ẹrhovwo fiki rẹ aye-en, kidie ọke rẹ ayen de se vwe vwẹ ọke rẹ ukpokpogho rayen mi gbi nyo-o.

Jerimaya 14:12

Owenẹ ayen chirẹ owẹvwe, mi che nyo oviẹ raye-en, owenẹ ayen ji ze izobo rẹ ẹtorhẹ vẹ izobo rẹ eka dede, me rhọvwe reyọ aye-en, ẹkẹvuọvo me vwẹ ọlọkọ vẹ owẹvwe vẹ emiavwe guọghọ ayen.

Jerimaya 14:2

Juda muomahọ Anurhoro rọye re brenu, ihwo rọye ra viẹ vwẹ otọ na, oviẹ ri Jerusalẹm mu kpenu

Jerimaya 7:27

Eriyin na gba ta eta nana kẹ ayen, yẹ ayen cha kerhọn wẹ-ẹ. Wo che se ayen, ye ayen cha kpahe kẹ wẹ-ẹ.

Uvwerhe 3:44

Wọ vwe egho phopho oma wẹn rere ẹrhovwo ọvuọvo vwo je sa wan vrẹn.

Izikiẹl 14:3

Ọmọ rẹ ohwo, ihwo nana mu ema rayen phihọ udu rayen, ayen de mu uchukurhe umwemwu rẹ orukuruku rayen vwọ rhe obaro rayen, me gbe vwẹ uphẹ kẹ ayen rere ayen vwọ nọ ekpẹ rẹ emu vwẹ obọ mẹ?

Izikiẹl 20:3

Ọmọ rẹ ohwo, ta ota kẹ ekpako rẹ Izrẹl, re wọ ta kẹ ayen, Enẹ Ọrovwohwo Ọghẹnẹ tare, Fiki rẹ otọeduo we vwo bru vwe rhe? Kirobo rẹ me herọ na, eriyin Ọrovwohwo Ọghẹnẹ tare, ovwan se duotọ rẹ emuọvo vwẹ obọ mẹ-ẹ.

Izikiẹl 8:18

Fiki rẹ ọtiọye na ayen kpare o vwẹ ophu; ẹro mẹ gbi jẹn ayen vwo-o, eyẹ me gbe re ehrọre-e, owenẹ ayen kperi phihọ ovwẹ erhọn vẹ urhuru ọgangan dede, me cha kerhọn rẹ aye-en.

Maika 3:4

Etiyin kẹ ayen che kperi se Ọrovwohwo ẹkẹvuọvo yọ cha kpahe kẹ aye-en; ko si opharo rọye nu kẹ ayen vwẹ ọke yena, fikiridie uruemu rayen pha miomiovwi.

Iyẹnrẹ Esiri ri Luk 13:25

Ọke rẹ onini na de vrẹn siẹvuọvo rọ da kanre ẹchẹ, ku we mudia vwẹ obo otafe de hworo ẹchẹ, tanẹ, Ọrovwohwo, rhie ẹchẹ kẹ avwanre. Kọ kpahe kẹ wẹ, Me riẹn asan wo nurhe-e.

Jems 4:3

Ovwan nọ, yẹ ovwan mrẹ-ẹ, fikiridie ovwan nọ chọ, rere ovwan vwo heri eheri ofefe.