Zekaraya 7:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ayen de ru udu rayen gangan kerẹ oragha ayen de rhe nyo urhi vẹ eta rẹ Ọrovwohwo rẹ otuofovwi na rọ wan oma rẹ Erhi rọye vwo ji emraro rẹsosuọ na. Eriyin na ophu rode de nẹ obọ rẹ Ọrovwohwo rẹ otuofovwi na rhe.

Zekaraya 7:12 ပူးပေါင်းရင်းမြစ်များ

2 Ikun rẹ Ivie 36:13

Ọ se mukpahe Ovie Nẹbukadreza, rọ nẹrhẹ vwẹ odẹ rẹ Ọghẹnẹ duvwu iyori; o de ohọre rọye ghaghagha o de ru udu kpohro kẹ Ọrovwohwo, Ọghẹnẹ rẹ Izrẹl.

2 Ikun rẹ Ivie 36:16

ẹkẹvuọvo kẹ ayen vwẹ ikọn rẹ Ọghẹnẹ na vwo jehwẹ, ayen mi ni ota rọye saka, ayen mi mienu phihọ emmro rọye, bẹsiẹ rẹ ophu rẹ Ọrovwohwo rhe vwọ tua kpahe ihwo rọye, bẹsiẹ ra gbe mrẹ obo re sa hẹrhẹ ophu rọye-e.

ỌBE RẸ JOB 9:4

Ọ ghware vwẹ udu, ọgba vwẹ ogangan, ono re ga udu rọye kpahọ, rọ da kparobọ?

Une rẹ Ejiro 50:17

Kidie oma re ẹghwọ tu we, kọye wo vwo gere ota mẹ phihọ uko.

Ẹyano 7:13

Jẹ udu ri Fero je gan, ọ gbe je kerhọ raye-en kirobo rẹ Ọrovwohwo tare na.

Aizaya 46:12

Kerhọn Mẹ, ovwan ri vwo udu ọgangan, ovwan ri sheri ke esivwo;

Aizaya 48:4

Fikiridie Me rlenre nẹ wo vwo udu, ohọre wẹn irien rẹ utehru arhanre wẹn kẹ ẹronvwo,

Aizaya 6:10

Ru udu rẹ ihwo nana vwo ọkpan, re erhọn rayen di, rhurhu ẹro rayen, ayen da vwẹ ẹro rayen mrẹ orẹ, ayen da vwẹ erhọn rayen nyo ẹme, ayen da vwẹ udu rayen vughe, ayen de kurhẹriẹ e de sivwi ayen.

Aizaya 65:12

Ke Me vwẹ owẹ kẹ ọlọkọ, ovwan ejobi ki che gbe uyovwi phihọ otọ kẹ ọ ro hwe ihwo na; fikiridie, ọke Mi vwo se, wo nyori-i, ọke Me vwọ ta ota, wọ kerhọ-ọn, ẹkẹvuọvo wo de ru umwemwu vwẹ obaro Mẹ, wọ da jẹ obo ri tu vwe oma .

Jerimaya 17:1

Umwemwu ri Juda ubiurhe rẹ utehru e vwo sio, unegbe ri diamọnd a vwo tuọn phihọ imẹjẹ rẹ udu rayen, kugbe ighoro rọ hẹ enu rẹ ẹshẹ rayen.

Jerimaya 17:23

Dede na ayen kerhọ-ọn ayen je vwẹ erhọn rẹ ayen kpo otọ-ọ, ẹkẹvuọvo ayen de ru udu rayen gan rere ayen vwo mrasan je nyo rere ayen vwo reyọ uyono.

Jerimaya 26:19

Ke Hezikaya ovie ri Juda vi Juda ejobi hwere? Oshọ rẹ Ọrovwohwo gbi muo ro da nọ ekpẹn rẹ erhuvwu vwẹ obọ rẹ Ọrovwohwo? Ẹkẹvuọvo obo rẹ Ọrovwohwo tare nẹ ọye ru ayen jovwo na, o de jovwo? Avwanre ke guọnọ suọ okpetu rode vwọ kẹ omobọ rẹ avwanre na.

Jerimaya 42:21

Mi ghwoghwiro kẹ ovwan nonẹ na, ẹkẹvuọvo emu ọvuọvo rẹ Ọrovwohwo Ọghẹnẹ rẹ ovwan na ju vwe nẹ me ta kẹ ovwan o ri we nyori herọ-ọ.

Jerimaya 5:3

E Ọrovwohwo ẹro wẹn gbe rha mrẹ uyota? wọ teyọ ayen she, ẹkẹvuọvo yọ miavwẹ aye-en. Wọ guọghọ ayen yẹ ayen kuobọ rhẹriẹ-ẹ, ayen ru opharo rayen gan nọ oragha ayen rhọvwe kurhẹriẹ-ẹ.

Jerimaya 7:20

Vwẹ ọtiọye na enẹ Ọrovwohwo Ọghẹnẹ na tare: Nighe, mi che ku ivuemiovwo mẹ vẹ ophu mẹ phihọ etinẹ na, phihọ enu rẹ ohwo vẹ eranvwe, phihọ enu rẹ irhe rẹ aghwa vẹ emamọ rẹ otọ na, ọ cha la e se fuo-o.

Izikiẹl 11:19

Ke me cha kẹ ayen udu ọvo, ki mi phi erhi ọkpokpọ phihọ evun rẹ ayen; ki mi si udu rẹ oragha na nẹ uvwo rẹ oma rayen, ke me kẹ ayen udu rẹ uvwo,

Izikiẹl 14:5

Mi ru ọnana rere me vwọ yọnrọn udu rẹ uwevwi rẹ Izrẹl na, ri ghwru nẹ oma mẹ fiki rẹ ema rayen.

Izikiẹl 2:4

Ihwo na nyo ẹme-e, vẹ udu gangan kpoi. Mi ji we bru ayen ra; ku wọ ta kẹ ayen, Enẹ Ọrovwohwo Ọghẹnẹ tare.

Izikiẹl 36:26

Udu ọkpokpọ kọye me vwọ kẹ wẹ, erhi ọkpokpọ kọye mi phihọ evun wẹn, ke me reyọ udu rẹ oragha nẹ evun wẹn ke me kẹ wẹ udu rẹ uvwo.

Zekaraya 1:2

Ọrovwohwo mu ophu rẹ ese rẹ ovwan gangan

Zekaraya 7:7

Ọke ra vwọ dia Jerusalẹm ro vwo vwo erhuvwu, re irere rọye vwọ gba yariẹ phihọ, re vwo yere obọhwẹre ọnre vẹ igo rọye, enana dia eta rẹ Ọrovwohwo wan oma rẹ emraro rẹsosuọ ta-a?

Matiu 13:15

Kidie udu rẹ ihwo nana figberi, Erhọn rayen diri; Ẹro rayen ji ghwe rhu; Re ayen jẹ orẹ ẹmrẹ, Rere ayen vwo jẹ ẹme enyo; Udu rayen de rhe roro; Ayen de rhe kurhẹriẹ, E de rhe sivwi ayen.

Iyẹnrẹ Esiri ri Mak 4:12

re emrẹ ayen mrẹ yẹ ayen se vughe-e, enyo ayen nyo, yẹ ayen sa riẹn otọ rọye-e; ayen de rhe kurhẹriẹ e de rhe vwo ghovwo ayen.

Iyẹnrẹ Esiri ri Luk 8:12

I ri she phiyọ orhoma rẹ idjerhe na ayen Ihwo ri nyori; ọke rẹ idẹbono vwọ rhe ọ da rhe kọrọ ota na nẹ udu rayen, rere ayen de rhe segbuyota e de rhe sivwi ayen.

Iruo rẹ Iyinkọn na 28:27

Kidie udu rẹ ihwo nana djeri, erhọn rayen e họhọhọ kẹ eme-enyo, ẹro rayen rhurhuru, ayen da vwẹ ẹro rayen vughe, ayen da vwẹ erhọn rayen nyo ẹme, rẹ udu rayen de vwo ẹruọ, i de kurhẹriẹ mi de sivwi ayen.

2 Pita 1:21

fikiridie o vwo aroẹmrẹ ọvuọvo ro di nẹ udu rẹ obọ rẹ ohwo cha-a, ẹkẹvuọvo ihwo rẹ Erhi Ọfuanfon na muru re ta ota ro nẹ obọ rẹ Ọghẹnẹ rhe.