Zekaraya 6:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Amakashe na da kpahe kẹ vwẹ, Enana yanran kpo igogo ẹne rẹ akpọ na, siẹrẹ ayen da vwẹ oma rayen nẹ vwẹ obaro rẹ Ọrovwohwo rẹ akpọ na ejobi nu.

Zekaraya 6:5 ပူးပေါင်းရင်းမြစ်များ

1 Ivie 19:11

Ọ da ta, Yan phia, re mudia enu rẹ ugbenu vwẹ obaro rẹ Ọrovwohwo. Nighere, Ọrovwohwo ra wanvrẹn, aphopho rode rhi dju igbenu na, o de hwe eragha na ibribro vwọ obaro rẹ Ọrovwohwo, ẹkẹvuọvo Ọrovwohwo hẹ evun rẹ odju na-a; rẹ odju na vwo fue nu otọ de kpogho, ẹkẹvuọvo Ọrovwohwo hẹ evun rẹ otọ ro kpogho na-a;

1 Ivie 22:19

Maikaya da ta, Vwẹ ọtiọye na gbe nyo ota rẹ Ọrovwohwo: Me mrẹ Ọrovwohwo ro tidia vwẹ enu rẹ ekete rọye, otu rẹ odjuvwu ejobi de mudia kẹrẹ vwẹ obọrhe vẹ obọhwẹre rọye;

ỌBE RẸ JOB 1:6

Asakiephana ẹdẹ ọvo kọ herọ rẹ emọ rẹ Ọghẹnẹ vwọ rhe, rhe vwẹ oma phia kẹ Ọrovwohwo, Ẹdjọ da je rhe ohri rayen.

Une rẹ Ejiro 148:8

erhanre vẹ ibiosio rẹ erhanre vẹ imicho ogiribo yọnrọn urhi rọye!

Une rẹ Ejiro 68:17

Vẹ ekpẹrẹ rẹ ofovwi ride, uriori ihwe akuava, uriori kpahe uriori, Ọrovwohwo na de nẹ Sinae rhe rhe ro edia ọfuanfon na.

Aizaya 54:5

Kidie Oma rọ ma wẹ ọye ọshare wẹn, Ọrovwohwo rẹ otuofovwi na ọye odẹ rọye; Ọfuanfon Ọvuọvo rẹ Izrẹl na ọye Ọtan wẹn Ọghẹnẹ rẹ akpọ ejobi ọye e se.

Jerimaya 49:36

ke me cha reyọ odju ẹne nẹ igogo ẹne rẹ odjuvwu na rhe rhurhu Elam, me me hra ayen kẹ odju na, o rhe vwo ẹgborho ọvuọvo re ihwo ra djẹ nẹ Elam na che jẹ ra-a.

Izikiẹl 11:22

Etiyin shẹrobim da kpare ibekpe rayen, vẹ idjuge na vwẹ akakọ rayen; urinrin rẹ Ọghẹnẹ rẹ Izrẹl da hẹ enu rẹ ayen.

Izikiẹl 37:9

Etiyin ọ da ta kẹ vwẹ, Mraro kẹ ẹnwẹn na, mraro, ọmọ rẹ ohwo, re wọ ta kẹ ẹnwẹn na, E nẹ Ọrovwohwo Ọghẹnẹ tare: Ne igogo ẹne rẹ odju na rhe, E ẹnwẹn, rere wọ nwẹn ku enana re hweri na, rere ayen rhọ.

Daniẹl 11:4

O de rhi vrẹnre, uvie rọye kọ cha guọghọ ka gharọ phihọ igogo ẹne rẹ irharheghe na, ẹkẹvuọvo ọ dia emọ rọye a cha gharọ kẹ-ẹ, yẹrẹ kirobo rẹ ogangan rẹ isuesun rọye epha-a, kidie a cha sanvwẹ uvie rọye reyọ ko che vwọ kẹ ihwo efa.

Daniẹl 7:10

Ọkẹre rẹ erhanre da djẹ rhe o de nẹ obaro rọye rhe; uriori vwarẹ uriori re ga, uriori ihwe kugbe uriori ihwe mudia vwẹ obaro rọye; ẹguare da gba re vwọ guẹdjọ e de rhie ẹbe na phihọ.

Daniẹl 7:2

Daniẹl da ta, Me da mrẹ emramrẹ vwẹ evun rẹ ason na, nighe, odju ẹne rẹ odjuvwu na ki djuẹ abadi rode na.

Zekaraya 4:10

Kidie ohwo rọ jẹ ẹdẹ re emu itete Mẹ fia cha ghọghọ, ọ cha mrẹ ovwanvwọn rẹ okokodo vwẹ obọ ri Zerubabẹl. Enana ighwrẹ na he ibiẹro rẹ Ọrovwohwo, ro vwo nẹ akpọ na ejobi duvwẹ.

Zekaraya 4:14

Etiyin ọ da ta, Enana ivẹ na ra vwẹ ori ghworo ri mudia kẹre Ọrovwohwo rẹ akpọ soso na.

Zekaraya 6:1

Me da rhoma kpare opharo Me da mrẹ, nighe ekpẹrẹ ẹne de ne uvwre rẹ igbenu ive na rhe, igbenu na kẹ igbenu rẹ ẹrovwo.

Matiu 18:10

Wo jẹ ọvo rẹ imitete na fia-a, fikiridie emakashe rẹ emọ na i mudia vwẹ obaro rẹ Ọghẹnẹ Ọsẹ rẹ avwanre rọ hẹ obo odjuvwu.

Matiu 24:31

Ko ji emakashe rọye vẹ owanre rode, ayen ki che se ihwo ra sanọ reyọ ejobi na, nẹ igogo ẹne rẹ akpọ na rhe, nẹ oba rẹ akpọ ọvo re te ọrivẹ.

Iyẹnrẹ Esiri ri Luk 1:19

Amakashe na da kpahe kẹ, Mẹvwẹ Gabrẹl ro muẹdia vwẹ obaro rẹ Ọghẹnẹ; ke ji vwe rhe ta ota kẹ wẹ, re me ghwa ikun esiri na rhe we.

Hibru 1:14

Ayen ejobi dia irhi ri gbe odibo re ji rhe rhe gẹ ga, fiki rẹ ayen otu ri che vwo esivwo na?

Hibru 1:7

Vwọ kpahe emakashe na ọ da ta, O de ru emakashe rọye phihọ odju, idibo rọye kẹ ẹkuerhanre rode.

Joshua 3:11

Nighere, ekpeti rẹ ọphọ rẹ Ọrovwohwo na cha ka obaro kẹ ovwan kpo Jọdan.

Ẹvwọphia 7:1

Rẹ ọna vwọ wan nu me da mrẹ emakashe ẹne ri mudia phihọ igogo ẹne rẹ akpọ na, re yọnrọn ọgan rẹ odju ẹne rẹ akpọ na, rere odju vwo je djuo vwe enu rẹ akpọ na eyẹ abadi eyẹ urhe kurhe.