Zekaraya 5:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Mi che jo rhe, Ọrovwohwo rẹ otuofovwi na tare, kọ cha ro uwevwi rẹ oji, vẹ uwevwi rẹ ohwo rọ vwẹ odẹ Mẹ duvwa iyori rẹ efian; ọ cha dia uwevwi rọye ọ mẹ ghwọrọ, te ephapha vẹ eragha ejobi.

Zekaraya 5:4 ပူးပေါင်းရင်းမြစ်များ

ỌBE RẸ JOB 18:15

Obo re hẹ utughẹ rọye na ọvuọvo dia ọrọye-e; osio rẹ erhanre da rhe rhọ phihọ ẹdia rọye.

ỌBE RẸ JOB 20:26

Ebri hwi ra hẹrhẹ efe rọye; erhanre re phophori-i kọye cha tọrhẹ; obo ro chekọ vwẹ utughẹ rọye cha torhẹ re.

ỌBE RẸ JOB 8:15

Ọ vwẹ oma rẹrẹ uwevwi rọye, ẹkẹvuọvo yo se mudia-a; o muro gbanọ, ẹkẹvuọvo ọ sa tọ-ọ.

ỌBE RẸ JOB 8:22

Otu ri tuoma wẹ oma kọ vo ayen, utughẹ rẹ ohwo umwemwu gbe cha sa dia ọfa-a.

Isẹ 3:33

Ekan rẹ Ọrovwohwo ọ hẹ enu rẹ uwevwi rẹ oruimwemwu na, ẹkẹvuọvo o bruphihọ kẹ ẹdia rẹ ọvwata.

Aizaya 24:6

Fiki rẹ ọtiọye na ekan kọ ghwọrọ akpọ na, ihwo re dia ke re oja fiki rẹ abe rayen; fiki rẹ ọtiọye na ihwo re dia akpọ na ejobi yamu, imihwo tutuno keye chekọ.

Jerimaya 2:26

Ọtiobo rẹ oma vo oji siẹ re de muo eriyin oma cha vo uwevwi rẹ Izrẹl; te ayen, te ivie rayen, isun rayẹn, irherẹn rayẹn, kugbe emraro rayen.

Hosia 4:2

Iyori eduvwo, efian, ozighẹ, uji vẹ ọfarhiẹ egbe, ayen miovwo urhi ejobi, ozighẹ vwọ kpahe ozighẹ.

Hosia 4:3

Fiki rẹ ọtiọye na otọ na de muoma phihọ, ihwo re dia otọ na ejobi oma re ro ayen, ọtiọye ji te eranvwe rẹ aghwa, kugbe ephran rẹ irharheghe, iyeri rẹ evun rẹ ame ghwrara e ji si ayen nọ.

Emọs 3:10

Ayen riẹn obo re ruẹ emuesiri-i Ọrovwohwo na tare Ihwo re guọnọ ozighi ve ugborho vwẹ ogba ọgangan rayen.

Zekaraya 5:3

Etiyin ọ da ta kẹ vwẹ, Ọnana ekan ro mu nene otọ na ejobi rhe; kidie kohwo kohwo ro cho uji ke etinẹ, yanran ke sio nẹ otu kerẹ obo rọ epha, kohwo kohwo ro ji duvwu iyori re efian ke ji sio nẹ otu kirobo rọ epha.

Zekaraya 8:17

we roro iroro umwemwu vwẹ udu rẹ ovwan vwọ kpahe Ọrovwohwo-o, wo duvwu iyori rẹ efia-an, kidie emu nana ejobi tu vwe oma, Ọrovwohwo tarọ.

Malakae 3:5

Ki mi che si kẹre owẹ vwẹ orhiebro; ke me cha dia oseri rẹ okpakpa kpahe ebuepha na, kugbe igberadja na, kugbe otu ri duvwu iyori rẹ ogbarogba na, vẹ otu re ghwa otu re durhie iruo ria na, vẹ otu ri kpokpo eme-phrorivwi vẹ eyauku, otu ri gerẹ erhorha phihọ akakọ, ri jẹ oshọ mẹ ẹdjẹ na; eriyin Ọrovwohwo rẹ otuofovwi na tare.

Urhi Rivẹ 28:16

Ekan dia kẹ ovwan vwẹ evun rẹ orere, ekan je dia kẹ ovwan vwẹ evun rẹ aghwa.

Urhi Rivẹ 7:26

Wọ ghwẹ ẹgua cha uwevwi wẹ-ẹn, o de rhi hirhe phihọ ohwo re duvwu iyori kẹ, jo tu we oma tototo, jọ nyẹnyẹ owẹ oma; kidie emu rẹ iyori oruẹ.

Joshua 9:20

Ọnana avwanre ru kẹ ayen, rere ayen vwọ rhọ, ọ rha dia eriyi-in ophu kọ dia uyovwi rẹ avwanre, fiki rẹ iyori rẹ avwanre vẹ ayen duvwu kẹ oma.