Zekaraya 4:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Abọ rẹ Zẹrubabẹl ri mu uchivwo rẹ uwevwi nana vi; abọ rọye ji che ruo gba. Etiyin ku wọ cha riẹn nẹ Ọrovwohwo rẹ otuofovwi ri ji uvwe bru we rhe.

Zekaraya 4:9 ပူးပေါင်းရင်းမြစ်များ

Ezra 5:16

Kẹ etiyin Sheshbazar nana da rhe re vwẹ uchivwo rẹ uwevwi rẹ Ọghẹnẹ ro obi Jerusalẹm na viotọ nẹ ọke yena rhi te nonẹ e vwo mu uwevwi na phihọ ebon, ye a je sa bọn re-e.

Aizaya 48:16

Si kẹre ovwẹ, nyo ọnana; nẹ otọ rhe Me je ta ota vwẹ odjahọ-ọ, nẹ ọke rọ vwọ herọ rhe ye Me herọ nure. Asakiephana Ọrovwohwo Ọghẹnẹ ri ji vwe kugbe Erhi rọye.

Hegae 2:18

Roro kpahe ẹdẹ ri nonẹ na, nẹ ẹdẹ uje gbẹ ẹne rẹ emeranvwe rirhiri na yanran. Nẹ ẹdẹ ra vwọ vwẹ uchivwo rẹ uwevwi rẹ Ọrovwohwo na vi rhe, roro;

Zekaraya 1:16

Ọtiọye na, e nẹ Ọrovwohwo tare, mi rhivwi rhe Jerusalẹm vẹ arodọvwẹ; a cha bọn uwevwi Mẹ phihọ, Ọrovwohwo rẹ otuofovwi na tare, ka cha riẹn ufi rẹ ovwanvwọn wan Jerusalẹm vrẹn.

Zekaraya 2:11

Ẹgborho buebu che kuoma rayen gbe Ọrovwohwo vwẹ ẹdẹ yena, ke cha dia ihwo Mẹ; ke Me dia uherevie wẹn ko wọ riẹn nẹ Ọrovwohwo rẹ otuofovwi na re cha vwe ji uvwe bru uwe rhe.

Zekaraya 2:13

Ihwo ejobi, fọ gbiẹi vwẹ obaro rẹ Ọrovwohwo; kidie ọ kpare oma rọye nẹ ẹdia ọfuanfọn rọye rhire.

Zekaraya 4:8

Ota rẹ Ọrovwohwo da rhoma bru uvwe rhe, ta nẹ,

Zekaraya 6:15

Otu re he ogboko jovwo na ke cha rhe rhi nene ayen bọn uwevwi rẹ Ọrovwohwo na; ku wọ cha riẹn nẹ Ọrovwohwo rẹ otuofovwi na ri ji vwe bru we rhe. Ọnana che ru, o da dianẹ wọ vwẹ oma kpotọ nyo urhuru rẹ Ọrovwohwo Ọghẹnẹ wẹn na .

Matiu 16:18

Me ta kẹ wẹ nẹ, wọwẹ hẹ Pita, enu rẹ oragha nana me bọn ishọshi mẹ phihọ; ukpokpoma ọvuọvo se gere she-e.

Iyẹnrẹ Esiri ri Jọn 17:21

rere ayen ejobi vwọ dia ọvo; kirobo rẹ owẹ, rẹ Ọsẹ, hẹ evun mẹ, re me da hẹ evun wẹ, rere ayen je vwọ dia evun rẹ avwanre rhe, ọtiọye na akpọ na ki segbuyota nẹ wọwẹ ri ji vwe rhe.

Iyẹnrẹ Esiri ri Jọn 3:17

Kidie Ọghẹnẹ ji Ọmọ na rhe akpọ na, ri brorhiẹ hwe akpọ na-a, ẹkẹvuọvo re akpọ na vwọ sa wan oma rọye rhọ.

Hibru 12:2

avwanre gba tọn ẹro vi Jesu ọkobaro kugbe orugba rẹ esegbuyota rẹ avwanre, ohwo rọ vwi fiki rẹ aghọghọ rọ hẹ obaro kẹ chiri odjadja rẹ aghagha na, ọ davwerhọn rẹ omaẹvuọ na-a, o de rhi tidia obọrhe rẹ ekete rẹ Ọghẹnẹ.