Zekaraya 4:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Etiyin ọ da ta kẹ vwẹ, Ọnana ota rẹ Ọrovwohwo ta kẹ Zerubabẹl: Ọdia ẹgba-a, yẹrẹ oganga-an, ẹkẹvuọvo Erhi Mẹ, Ọrovwohwo rẹ otuofovwi tarọ.

Zekaraya 4:6 ပူးပေါင်းရင်းမြစ်များ

Jẹnẹsis 41:16

Josẹf da kpahe ki Fero, Ọ evun mẹẹ, Ọghẹnẹ re sa fan otọ rọ gbare ki Fero.

1 Ivie 19:12

rẹ otọ na vwo kpogho nu kẹ erhanre, ẹkẹvuọvo Ọrovwohwo hẹ evun rẹ erhanre na-a; rẹ erhanre na vwo fun nu kẹ umurhuru bọrọ bọrọ.

2 Ikun rẹ Ivie 14:11

Asa de kperi se Ọrovwohwo Ọghẹnẹ rọye, E Ọrovwohwo, o vwo ohwo ọfa kerẹ owẹ rọ sa cha ohwo uko-o, vwẹ uvwre rẹ ọgba vẹ ọvwiẹre. Cha avwanre uko, Ọrovwohwo Ọghẹnẹ rẹ avwanre, kidie ma vwẹ ẹro so owẹ, odẹ wẹn avwanre vwo bru urogho nana rhe. E Ọrovwohwo wẹ Ọghẹnẹ rẹ avwanre; wo jẹn ohwo rẹ akpọ phi we kparobọ-ọ.

Ezra 2:2

Ayen da rhe vi Zerubabẹl, Joshua, Nehemaya, Seraiah, Reelaiah, Modecai, Bilshan, Mispar, Bigvai, Rehum kugbe Baana. Unu rẹ ihwo rẹ Izrẹl:

Ezra 3:10

Ọke rẹ ihwo na re bọn uwevwi na vwo mu uchivwo rẹ uwevwi rẹ Ọrovwohwo na vi nu, irherẹn na vẹ iwun rayen da rhe vẹ owanre, kugbe ihwo ri Livae na, emọ rẹ Asaf, vẹ imikiri, rere e vwo jiri Ọrovwohwo, kirobo ri Devid ovie rẹ Izrẹl djeri.

Ezra 5:2

Etiyin Zerubabẹl omọ ri Shealtiẹl kugbe Jeshua ọmọ ri Jozadak de vrẹn, ayen ke rhoma bọn uwevwi rẹ Ọghẹnẹ rọ hẹ obi Jerusalẹm, emraro rẹ Ọghẹnẹ, de mudia kẹrẹ ayen re cha ayen uko.

Une rẹ Ejiro 33:16

Ovie ọ dianẹ ke unuofovwi rọye ri se sivwo-o; ọgba rẹ ofovwi ọ dianẹ kẹ ogangan rọye ri sivwo-o,

Aghwoghwo 9:11

Me da rhoma mrẹ vwẹ otọ rẹ ọnre na nẹ onẹdjẹ na dia ọ rẹ otu ri bro okpakpa-a, eyẹrẹ ofovwi na dia ọ rọ ma goma-a, eyẹrẹ ikara na dia ọ rọ ọvwaghwanre-e, eyẹrẹ efe na dia ọ rẹ ohwo ro me vwo ẹruọ-ọ eyẹrẹ ọghọ dia ọ rẹ ohwo ro ruona-a; ẹkẹvuọvo ọke vẹ uphẹ di bru ayen ejobi cha.

Aizaya 30:1

Ekan kẹ emọ ri gbe ozighi, eriyin Ọrovwohwo tare, ri ruẹ obo rẹ ayen ta phihọ otọ, yẹ ẹkẹvuọvo ọ dia ọmẹ-ẹ; re gba oma koko, ẹkẹvuọvo yọ dia ọ rẹ erhi mẹ-ẹ, rere ayen mrasan vwẹ umwemwu ba umwemwu,

Aizaya 32:15

bẹsiẹ re vwo ku erhi na ku avwanre ne obenu rhe, rẹ aton de rhi hirhe phihọ udju oyoyovwi, re otọ ro yovwe emu de rhi hirhe phihọ egbo.

Aizaya 34:16

Guọnọ ru wọ se ne evun re ọbe re Ọrovwohwo rhe: Ovuọvo re enana se deghe ero-o; ọvuọvo ro je otu evwo gbe sa dia-a Kidie unu re Ọrovwohwo ji urhi nana nure, ye erhi rọye ghwe ayen koko nure.

Aizaya 59:19

Ọtiọye na kẹ ayen cha djẹ oshọ rẹ Ọrovwohwo nẹ obuko ọnre rhe, urinrin rọye nẹ ẹvacha rẹ ọnre rhe, ọ cha rhe kerẹ uto rọ dje ọkẹre rẹ odju rẹ Ọrovwohwo muẹ vwọ djẹ.

Daniẹl 2:34

Wo vwo no re, e de bru oragha ọvo nẹ asa ọvo rhe, ọ dia ohwo rẹ akpọ ri ruro-o, o de re she teye awọ rẹ oma na ra vwẹ utehru vẹ ọphiẹn ma na, ọ da guọghọ ayen ibribro,

Hosia 1:7

Ẹkẹvuọvo me re ehrọre rẹ uwevwi ri Juda, ki mi sivwi ayen vwẹ oma rẹ Ọrovwohwọ rẹ Ọghẹnẹ rayen, Me vwẹ umurhabọ sivwi aye-en, eyẹrẹ ọlọkọ, eyẹrẹ ofovwi eyẹrẹ Iyesi, eyẹrẹ ihwo re gua iyesi.

Hegae 1:1

Vwẹ ukpe rivẹ ri Dariọs ovie na, vwẹ emeranvwe resan rọye vwẹ ẹdẹ rẹsosuọ rẹ emeranvwe na, ota rẹ Ọrovwohwo na da wan oma ri Hegae rẹ ọmraro na bru Zerubabẹl rhe ọmọ ri Shealtiẹl, osun ri Juda, kugbe Joshua rẹ ọmọ ri Jehozadak, rẹ orherẹn rode na,

Hegae 2:21

Ta kẹ Zerubabẹl, osun ri Juda, tanẹ, Mi che rhi kpogho odjuvwu vẹ akpọ na,

Zekaraya 6:12

re wọ ta kẹ, E nẹ Ọrovwohwo rẹ otuofovwi na tare, nighe, ohwo rẹ odẹ rọye dia Oghọn na: kidie ọ cha rho vwẹ ẹdia rọye, ọ cha bọn uwevwi rẹ Ọrovwohwo na.

Ukeri 27:16

Jẹn Ọrovwohwo Ọghẹnẹ rẹ erhi rẹ ihwo ejobi na, ọ vwẹ ohwo mu vwẹ enu rẹ ukoko na,

Ẹfesọs 6:17

Gba vwẹ ubierhu rẹ esivwo na tughẹ, kugbe ọlọkọ rẹ Erhi na, kọye hẹ ota rẹ Ọghẹnẹ na.

1 Pita 1:12

A da vwọ phia kẹ ayen nẹ ọ dia omobọ rẹ ayen ayen ga na-a ẹkẹvuọvo ovwan, vwe oma rẹ emu rẹ ayen ghwoghwo kẹ ovwan vwẹ asakiephana rẹ ihwo ri gbe ikun rẹ iyẹnrẹ esiri na kẹ ovwan vwẹ oma rẹ Erhi Ọfuanfon na re ji nẹ odjuvwu rhe na, emu rẹ emakashe guọnọre nẹ ayen mrẹ.

1 Samuẹl 14:6

Jonatan da ta kẹ emeghele rọ ghwa ekuakua rẹ ofovwi rọye na, Yanrhe, jẹn a wanvrẹn kpo obo unuofovwi rẹ ihwo rẹ upheruphe na; ọkeọvo Ọrovwohwo che ru iruo kẹ avwanre; kidie emuọvo sa da Ọrovwohwo obọ ji ro vwo sivwi-i owenẹ oburu eyẹ ọhavweree.

1 Samuẹl 17:47

Ọghwẹgbe nana kọ riẹn nẹ Ọrovwohwo vwẹ ọlọkọ vẹ oshue vwọ sivwẹ-ẹ; kidie ofovwi na ọ rẹ Ọrovwohwo ko phi we phihọ obọ mẹ.