Zekaraya 4:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Etiyin ọ da ta, Enana ivẹ na ra vwẹ ori ghworo ri mudia kẹre Ọrovwohwo rẹ akpọ soso na.

Zekaraya 4:14 ပူးပေါင်းရင်းမြစ်များ

1 Ivie 17:1

Asakiephana Ilaija ohwo ri Tish, vwi Gilead, da ta kẹ Ehab, kirobo rẹ Ọrovwohwo Ọghẹnẹ rẹ Izrẹl herọ na, ri mi mudia vwẹ obaro rọye na, asan mrẹ irho eyẹ osio vwẹ ikpe nana-a, jokpa nẹ ota mẹ.

Ezra 5:2

Etiyin Zerubabẹl omọ ri Shealtiẹl kugbe Jeshua ọmọ ri Jozadak de vrẹn, ayen ke rhoma bọn uwevwi rẹ Ọghẹnẹ rọ hẹ obi Jerusalẹm, emraro rẹ Ọghẹnẹ, de mudia kẹrẹ ayen re cha ayen uko.

Une rẹ Ejiro 110:4

Ọrovwohwo na duvwu iyori nure o gbi che ku unu rọye rhẹriẹ-ẹ, Wẹ orherẹn rhiri bẹdẹ kirobo rẹ urhi ri Melkizedek epha.

Une rẹ Ejiro 2:6

Me vwẹ ovie mẹ mu vwi Zayọn ugbenu ọfuanfon mẹ nure

Une rẹ Ejiro 89:20

Me mrẹ Devid odibo mẹ nure, vẹ evwri ọfuanfon mẹ na mi vwo ghworo;

Ẹyano 29:7

Wọ me reyọ ori re vwo ghworo na vwo ghworo uyovwi.

Ẹyano 40:15

vwẹ ori ghworo ayen, kirobo wọ vwẹ ori ghworo ọsẹ rayen, rere ayen ga vwẹ kerẹ irherẹn; orievwoghworo rayen na kọ vwẹ ayen ru irherẹn bẹdẹ vwẹ uvwiẹ rayen ejobi.

Aizaya 5:1

Ju vwe so une kẹ ọrojevwe une rẹ ivuavwerhe kpahe ogba ri vain rọye. Ọrojevwe de vwo ogba ri vain vwẹ enu rẹ ugbenu ro yovwe emu gangan.

Aizaya 54:5

Kidie Oma rọ ma wẹ ọye ọshare wẹn, Ọrovwohwo rẹ otuofovwi na ọye odẹ rọye; Ọfuanfon Ọvuọvo rẹ Izrẹl na ọye Ọtan wẹn Ọghẹnẹ rẹ akpọ ejobi ọye e se.

Jerimaya 49:19

Kirobo rẹ okpohrokpo pho nẹ egbo ri Jọdan cha ro ogba ọgangan rẹ igegede ye, mi che ru ayen ra da djẹ jovwo kpregede, ohwo ro jevwe kọye me cha sanọ nọ re vwẹ enu rọye, Kidie ono re họhọ ovwẹ? Ono ri si ọbe se vwe?

Livitikọs 8:12

Ọ da vwẹ evwri na te uyovwi rẹ Erọn, o de Vwo ghworo, o de ruo fon.

Maika 4:13

Vrẹn rere wo wuye, E Ọmọtẹ ri Zayọn, kidie mi che ru ighoro wẹn hirhe phihọ utehru ichihotọ wẹn kerẹ ẹrovwo; ku wo che hwe ihwo buebu vworovworo, ka cha vwẹ erere rayen ze kẹ Ọrovwohwo, efe rayen kẹ Ọrovwohwo ro vwo akpọ soso.

Zekaraya 6:13

Ọye he ohwo ro cha bọn uwevwi rẹ ẹga rẹ Ọrovwohwo na, ke mu ọghọ rẹ ovie kẹ, ko che tidia de sun vwẹ ekete rọye Orherẹn kọ cha dia akakọ rẹ ekete rọye na, ẹruọ rẹ ufuoma kọ cha dia uvwre rẹ ayen ivẹ.

Zekaraya 6:5

Amakashe na da kpahe kẹ vwẹ, Enana yanran kpo igogo ẹne rẹ akpọ na, siẹrẹ ayen da vwẹ oma rayen nẹ vwẹ obaro rẹ Ọrovwohwo rẹ akpọ na ejobi nu.

Iyẹnrẹ Esiri ri Luk 1:19

Amakashe na da kpahe kẹ, Mẹvwẹ Gabrẹl ro muẹdia vwẹ obaro rẹ Ọghẹnẹ; ke ji vwe rhe ta ota kẹ wẹ, re me ghwa ikun esiri na rhe we.

Urhi Rivẹ 10:8

Ọke yena Ọrovwohwo vwọ hẹriẹ uvwiẹ ri Livae, ne ghwa ekpeti rẹ ọphọ rẹ Ọrovwohwo na, ri vwo mudia vwẹ obaro rẹ Ọrovwohwo vwo ru iruo kẹ, ji vwo jiri odẹ rọye, rhi te nonẹ na.

Joshua 3:11

Nighere, ekpeti rẹ ọphọ rẹ Ọrovwohwo na cha ka obaro kẹ ovwan kpo Jọdan.

Joshua 3:13

Ọke rẹ awọ rẹ irherẹn ri mu ekpeti rẹ ọphọ rẹ Ọrovwohwo na, Ọrovwohwo ro vwo akpọ na ejobi na, ghwe te ame ri Jọdan na, ame ri Jọdan na kọ che bru dje ọ gbe djẹ ọkẹre-e, ame rọ dje nẹ obenu cha kọ cha kpahe ẹtan.

Ẹvwọphia 11:4

Enana hẹ urhe rẹ ọliv ivẹ kugbe igburhukpẹ ivẹ ri mudia vwẹ obaro rẹ Ọrovwohwo ro vwo akpọ na.

1 Samuẹl 10:1

Etiyin Samuẹl da reyẹ ukoko rẹ evwri o de kuo ku uyovwi rọye, ọ da fiọnfiọn unu ọ da ta, ọ dianẹ Ọrovwohwo re vwẹ evwri ghworo uwe nẹ wọ dia ovie vwẹ enu rẹ ihwo rọye Izrẹl? Ku wọ re vwẹ enu rẹ ihwo rẹ Ọrovwohwo na ku wo sivwi ayen nẹ obọ re ivwighrẹ re riariẹ ayen phihọ na. Ọnana kọ dia oka kẹ wẹ nẹ Ọrovwohwo ghine vwẹ evwri ghworo uwe nẹ wọ dia ovie vwẹ enu rẹ ughwẹ rọye.

1 Samuẹl 16:1

Ọrovwohwo da ta kẹ Samuel, Mavọ wo vwerhi Sọl kri te, yu wọ mrẹre nẹ Me senrọ nọ dia ovie vwẹ Izrẹli-i? Ku evwri phihọ ukoko wẹn, wọ yanran; mi ji we bru Jesse ohwo ri Bẹtlẹhẹm, kidie Me sanọ ovie kẹ oma mẹ vwẹ ohri rẹ emọ rọye nure.