Zekaraya 4:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Amakashe ro nene uvwe ta ota na da rhoma rhe, ọ da rhọvwọ ovwẹ kerẹ ohwo ra rhọvwọ nẹ ovwerhe rọye rhe.

Zekaraya 4:1 ပူးပေါင်းရင်းမြစ်များ

Jerimaya 31:26

Koyire me da rhọvwọ mi vwọ no, ovwerhẹ me da miẹmiẹ ovwẹ.

Daniẹl 8:18

Ọke rọ ghwa vwọ ta ota kẹ vwẹ na, mi de shero okpo ovwerhẹ rode, me da bọvwọn opharo rhuotọ, ẹkẹvuọvo ọ da vwẹ obọ te vwẹ, ọ da kpare ovwẹ vrẹn mudia.

Zekaraya 1:13

Ọrovwohwo da kpahe eta esiri vẹ uchebro kẹ amakashe ro nene uvwe ta ota na.

Zekaraya 1:19

Me da ta ke amakashe ro nene uvwe ta ota na, Enana kidie vwo? Ọ da kpahe kẹ vwẹ, Enana ighoro re hra Juda, Izrẹl, kugbe Jerusalẹm na.

Zekaraya 1:9

Ọye Me da ta, Enana kidie vwo, Ọrovwohwo? Amakashe ro nene uwe ta ota na da ta kẹ vwẹ, mi che dje obo rẹ ayen epha kẹ wẹ.

Zekaraya 2:3

Gbe nighe, amakashe ro nene uvwe ta ota na da yanrhe obaro, amakashe ọfa da yanrhe rhe vwa,

Zekaraya 4:5

Etiyin amakashe ro nene uvwe ta ota na da kpahe kẹ vwẹ, Wọ riẹn obo re enana epha-a? Me da ta, Ẹjo, ọrovwovwe.

Iyẹnrẹ Esiri ri Luk 9:32

Ovwerhẹ rode de mu Pita kugbe otu rọye ri chekọ ẹkẹvuọvo rẹ ayen vwo gheghe rhe, ayen da mrẹ urinrin rọye kugbe ihwo ivẹ ri mudia kẹrẹ.