Zekaraya 3:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Kidie gbe nighere, vwẹ enu rẹ oragha mi vwo mu vwẹ obaro ri Joshua na, vwe enu rẹ oragha ọvuọvo rọ vwẹ epharo ighwrẹ na, Me cha tọn odẹ rọye phihọ, Ọrovwohwo rẹ otuofovwi na tarọ, ki mi si abe rẹ otọ na no ẹdọke ọvo.

Zekaraya 3:9 ပူးပေါင်းရင်းမြစ်များ

1 Ivie 1:20

Asakiephana ọrovwovwe ovie, Izrẹl ejobi tọn ẹro vi we, re a ta kẹ ayen ohwo ro che tidia ekete rẹ ọrovwovwe ovie nuru.

2 Ikun rẹ Ivie 16:9

Kidie ẹro rẹ Ọrovwohwo djuẹ kpenẹ kpenẹ wan akpọ na ejobi, ro vwo dje ẹgba rọye kpahe ihwo rẹ udu rọye fon kpahọ. Wo ru emu ẹkpa vwẹ Ọnana, kẹ etinẹ yanran ku wọ cha mrẹ ofovwi phi.

Une rẹ Ejiro 103:12

Kirobo rẹ obaro ọnre sheri te kẹ obuko ọnre na, ọtiọye o ji si ogbeku re avwanre nu sheri te kẹ avwanre.

Une rẹ Ejiro 118:22

Oragha na rẹ ebọn uwevwi senre na da rhoma re dia osusu vwẹ ubienyẹ.

Ẹyano 28:11

Kirobo rẹ ohwo ro rue ivie bru ona phihọ na, ọtiọye wo che bru ona phihọ eragha na ivẹ wo mi bru edẹ rẹ emọ rẹ Izrẹl na phihọ; wo mi ku oga rẹ oro rhurhu ayen.

Ẹyano 28:21

Eragha ihwivẹ re cha dia dohwo dodẹ rọye, kerẹ unu rẹ emọ rẹ Izrẹl; ke cha dia kerẹ oka, ọvuọvo vẹ odẹ rọye, kirobo rẹ inurhoro ihwivẹ na epha.

Ẹyano 28:36

Wọ me vwẹ omamọ rẹ oro vwo ru ọsete, wo mi bru ona phihọ, kerẹ oka ra vwọ tamu oravwọ, ọfuanfon kẹ Ọrovwohwo,

Aizaya 28:16

vwẹ ọtiọye na enẹ Ọrovwohwo Ọghẹnẹ tare, Nighere, me ra reyọ uchivwo vwo mu vwi Zayọn ubiọragha, ubiọragha ra nabọ davwini, uchivwo rẹ ubienye rọ ghanre, uchivwo kokoroko Ohwo ro sere gbuyota gbi se broma-a.

Jerimaya 31:34

Ohwo rhe se yọnọ ọrivẹ eyẹ omoni rọye ọfa-a, nẹ, Riẹn Ọrovwohwo na, kidie ayen ejobi cha riẹn vwẹ, nẹ otete rayen re te ọrode rayen, eriyin Ọrovwohwo tare, kidie me cha vwẹ orukuruku rayen vrẹn ayen, me gbe cha karohọ umwemwu rayen ọfa-a.

Jerimaya 50:20

Vwẹ ẹdẹ yena vẹ ọke yena, eriyin Ọrovwohwo tare, a cha guọnọ orukuruku vwẹ Izrẹl, a gbe mrẹ vwọ-ọ, kugbe umwemwu vwi Juda a gbe rnrẹ ọvuọvo vwọ-ọ, kidie umuku ri mi che jovwo mi che vwo ghovwo ayen.

Zekaraya 13:1

Vwẹ ẹdẹ yena ogbugbu ko rhie phihọ kẹ uwevwi ri Devid vẹ ihwo re dia Jerusalẹm rọ vwọ hworhẹ ayen fon nẹ umwemwu vẹ ijẹfuọn.

Zekaraya 3:4

Amakashe na da ta kẹ otu ri mudia vwẹ obaro rọye, Wa ghwiẹ iwun igbegbe na no oma. Ọ da ta kẹ, nighe, mi si orukuruku wẹn nẹ uwe oma, Me cha vwẹ omamọ rẹ amwa rhuo we.

Zekaraya 4:10

Kidie ohwo rọ jẹ ẹdẹ re emu itete Mẹ fia cha ghọghọ, ọ cha mrẹ ovwanvwọn rẹ okokodo vwẹ obọ ri Zerubabẹl. Enana ighwrẹ na he ibiẹro rẹ Ọrovwohwo, ro vwo nẹ akpọ na ejobi duvwẹ.

Iyẹnrẹ Esiri ri Jọn 1:29

Vwẹ ẹdẹ rivẹ ọ da mrẹ Jesu rọ yan bro cha, ọ da ta, Nighe, Omogegede rẹ Ọghẹnẹ, rọ ghwa imwemwu rẹ akpọ na nu!

Iyẹnrẹ Esiri ri Jọn 6:27

Ovwan wian owian fiki rẹ emuọre rọ ghwọrọ-ọ; ẹkẹvuọvo fiki rẹ emuọre rọ tọn re te arhọ ri bẹdẹ, rẹ Ọmọ rẹ ohwo cha vwọ kẹ ovwan; kidie enu rọye ọye Ọghẹnẹ Ọsẹ na ka oka rọye phihọ.

Iruo rẹ Iyinkọn na 4:11

Ọnana olalọ rẹ ovwan ebọuwevwi na senre kọye rhoma rhe dia ọrovwuyovwi vwẹ ubienyẹ.

Ọbe ri Pọl si rhe Ihwo ri Rom 9:33

kirobo re siro, Nighere, me ra reyọ uchivwo vwo mu vwi Zayọn rọ cha nẹrhẹ ihwo yẹnghrẹ uchivwo rọ nẹrhẹ ayen she ọ ro sere gbuyota oma gbe sa vuọ-ọ.

2 Kọrẹnt 1:22

Ọ da ka oka rọye phihọ avwanre ọ de phi Erhi rọye phihọ udu rẹ avwanre kerẹ esarobọ.

2 Kọrẹnt 3:3

ovwan dje phia nẹ ovwan hẹ ọbe ro nẹ obọ ri Kristi rhe rẹ avwanre vwọ kẹ ovwan, ra vwẹ amu si-i ẹkẹvuọvo vwẹ Erhi rẹ Ọghẹnẹ ro jeghwo na, ọ dia enu rẹ ọphapha rẹ oragha-a ẹkẹvuọvo vwẹ enu rẹ ophapha rẹ udu rẹ ihwo.

2 Timoti 2:19

Ẹkẹvuọvo uchivwo rẹ ota rẹ Ọghẹnẹ na mudia kokoroko, oka nana ri nene. Ọrovwohwo riẹn otu re dia ọrọye, E jẹn ohwo kohwo ro se odẹ rẹ Ọrovwohwo siohọ nẹ orukuruku.

Hibru 7:27

O rhe vwo ọdavwẹ, kerẹ irherẹn yena, re gọ iye kẹdẹ kẹdẹ-ẹ, rọ ka gọ iye kẹ oma rọye tavwe rọ ke gọ kẹ ihwo efa-a; ẹsiẹvo ọ gọ iye nana kẹ ihwo ejobi vwẹ ọke rọ vwọ vwẹ oma rọye ze kẹ ughwu.

1 Jọn 2:2

ọye hẹ ofuophu rẹ imwemwu rẹ avwanre, ọ dia ọ rẹ avwanre ọvo-o ẹkẹvuọvo ji te ọ rẹ akpọ na ejobi.

Ẹvwọphia 5:6

Vwẹ uvwre rẹ ekete na kugbe eranvwe ekpokpọ ẹne na kugbe ohri rẹ ekpako na, me da mrẹ Omogodẹ ro mudia, kerẹ ọ re hweri na, vẹ ighoro ighwrẹ kugbe ẹro ighwrẹ, kọye hẹ erhi ighwrẹ rẹ Ọghẹnẹ ro ji ro akpọ na ejobi;