Zekaraya 3:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ E nẹ Ọrovwohwo re otuofovwi na tare. Wọ da yan vwẹ idjẹrhe Mẹ wọ da yọnrọn urhi Mẹ, ku wo sun uwevwi Mẹ ku wọ vwẹ ẹro te ọguan mẹ ke Me kẹ wẹ uphẹ vwẹ ohri rẹ otu ri mudia etinẹ na.

Zekaraya 3:7 ပူးပေါင်းရင်းမြစ်များ

Jẹnẹsis 26:5

fikiridie Ebraham mu ọghọ kẹ urhuru mẹ, iji mẹ, kugbe ẹgha mẹ, kugbe irhi Me.

1 Ivie 2:3

rere wọ yọnre uchebro rẹ Ọrovwohwo Ọghẹnẹ wẹn, yan phihọ idjerhe rọye kugbe iji rọye, irhi rọye, ẹgha rọye kugbe iseri rọye, kirobo re siro phihọ urhi ri Mosis, rere o vwo yovwi kẹ wẹ vwi kemu kemu wo ru ejobi kugbe kasan kasan wo fovwi oma phihọ ejobi;

1 Ivie 3:14

Ọ da dianẹ wọ yan phihọ idjerhe mẹ, re wọ da yọnrọn iji mẹ kugbe irhi mẹ, kirobo rẹ ọsẹ wẹn Devid yanre, etiyin ke Me kẹ wẹ otọnvwe.

1 Ikun rẹ Ivie 23:32

Enẹ ayen vwẹ erọ te utughẹ ra da vwa oma na vẹ asan ọfuanfon na, kẹ ayen ga emọ rẹ Erọn imoni rayen, fiki rẹ ẹga rẹ uwevwi rẹ Ọrovwohwo na.

Aizaya 62:9

ẹkẹvuọvo ihwo ri woro ayen koko keye re re ayen ayen ki jiri Ọrovwohwo, ihwo re ghwẹ ayen koko ke da ayen vwẹ ọguan rẹ ẹshẹ mẹ na.

Izikiẹl 44:8

Wọ rha nabọ sẹro rẹ eravwọn efuanfon mẹ na-a, ẹkẹvuọvo wọ da vwọ kẹ erhorha nẹ e sẹro rẹ ẹshẹ mẹ.

Izikiẹl 48:11

Ọnana kọ dia vwọ kẹ irherẹn re vwo mu, emeshare ri Zadọk, re sẹro rẹ eta mẹ, ri ghwruru-u vwẹ ọke rẹ ihwo vwo ghwru, kirobo rẹ ihwo ri Livae ruru-u.

Livitikọs 10:3

Etiyin Mosis da ta kẹ Erọn nẹ, Ọnana obo rẹ Ọrovwohwo tare, Mi dje oma mẹ phia fuanfon vwẹ ohri rẹ ihwo ri si kẹrẹ ovwẹ, kugbe obaro rẹ ihwo ejobi a da vwẹ urinrin kẹ vwẹ. Erọn de fotovwi gbiẹi.

Livitikọs 8:35

Asan unuẹchẹ rẹ utughẹ ra da vwa oma na Etiyin ovwan dia te ason te uvo ẹdẹ ighwrẹn, yẹ ovwan ruẹ obo rẹ Ọrovwohwo tare nẹ e ru, ovwan de rhe ghwu kidie ọtiọye e ji vwe.

Zekaraya 3:6

Amakashe rẹ Ọrovwohwo de ji urhi kẹ Joshua,

Zekaraya 4:14

Etiyin ọ da ta, Enana ivẹ na ra vwẹ ori ghworo ri mudia kẹre Ọrovwohwo rẹ akpọ soso na.

Zekaraya 6:15

Otu re he ogboko jovwo na ke cha rhe rhi nene ayen bọn uwevwi rẹ Ọrovwohwo na; ku wọ cha riẹn nẹ Ọrovwohwo rẹ otuofovwi na ri ji vwe bru we rhe. Ọnana che ru, o da dianẹ wọ vwẹ oma kpotọ nyo urhuru rẹ Ọrovwohwo Ọghẹnẹ wẹn na .

Zekaraya 6:5

Amakashe na da kpahe kẹ vwẹ, Enana yanran kpo igogo ẹne rẹ akpọ na, siẹrẹ ayen da vwẹ oma rayen nẹ vwẹ obaro rẹ Ọrovwohwo rẹ akpọ na ejobi nu.

Matiu 19:28

Jesu da ta kẹ nẹ, Uyota me ta kẹ wẹ, Ovwan ri nene uvwe na, ọke rẹ Ọmọ rẹ ohwo de che tidia vwẹ enu rẹ ekete rẹ urinrin rọye, ovwan ki ji che tidia enu rẹ ekete ihwivẹ na de guẹdjo rẹ Izrẹl.

Iyẹnrẹ Esiri ri Luk 22:30

rere ovwan re re ovwan ria vwẹ enu rẹ imẹjẹ mẹ vwẹ uvie mẹ, re we tidia ekete mẹ de guẹdjọ rẹ orua ihwivẹ rẹ Izrẹl.

Iyẹnrẹ Esiri ri Jọn 14:2

Vwẹ uwevwi rẹ Ọsẹ mẹ ivun buebu herọ; ọ dia ọtiọye-e, me a rha ta kẹ ovwan nẹ me ra rhuẹrẹ asan kẹ ovwan?

Ẹvwọphia 3:21

Ohwo ro phi kparobọ, ke me kẹ ogangan ro vwo tidia ekete mẹ, kirobo ri mi phi kparobọ na re me vẹ Ọsẹ me de tidia ekete rọye na.