Zekaraya 3:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ọrovwohwo da ta kẹ Idẹbono, Ọrovwohwo ghwọ ku uwe, E Idẹbono! Ọrovwohwo rọ jẹ Jerusalẹm reyọ nure na ghwọ ku uwe! Ọnana dia utuerhanre re si nẹ erhanre rhe-e?

Zekaraya 3:2 ပူးပေါင်းရင်းမြစ်များ

2 Ikun rẹ Ivie 6:5

Rhawabae re me vwọ reyọ ihwo mẹ nẹ otọ rẹ Ijipt rhe, me je jẹ orere ọvuọvo vwẹ orua rẹ Izrẹl na ra bọn uwevwi phihọ-ọ, rere odẹ mẹ vwọ dia etiyi-in, Me je jẹ ohwo ọvuọvo nọ dia oviẹ vwe enu rẹ ihwo mẹ Izrẹl na-a;

2 Ikun rẹ Ivie 6:6

ẹkẹvuọvo me jẹ Jerusalẹm reyọ rere odẹ mẹ vwọ dia etiyin me da rha jẹ Devid reyọ nọ dia enu rẹ ihwo mẹ Izrẹl.

Une rẹ Ejiro 109:31

Kidie o mudia vwẹ obọrhe rẹ ohwo rẹ akpọ bẹn, ro sivwo nẹ obọ rẹ otu ri brorhiẹ re ughwu hwe.

Aizaya 7:4

re wọ ta kẹ, Kẹnẹ oma, wo hwe oma mu wọ djẹ oshọ-ọ, wo je udu bru uwe fiki rẹ uchuku rẹ utuerhanre ive nana-a, fiki rẹ ophu ọtuatua rẹ Rezin kugbe Siria kugbe ọmọ ri Remeliah.

Daniẹl 12:1

Ọke yena Maikẹl ko che vrẹn rhe, osun rode na re vwo mu vwẹ enu rẹ ihwo wẹn. Ọke rẹ ukpokpogho ko che te, oghẹre ra je mrẹ dẹvo-o nẹ ọke rẹ ẹgborho na vwọ mama rhiri rhi te ọke na, ẹkẹvuọvo vwẹ ọke yena ihwo wẹn ke che sivwi ayen, kohwo kohwo ra mrẹ odẹ rọye vwẹ ọbe na.

Emọs 4:11

Me guọghọ ovwan ẹvo, kerẹ ẹsie re Ọghẹnẹ vwọ guọghọ Sodọm vi Gomorah, wa da họhọ imwerhanre re kpare she nẹ erhanre, yu we ji rhivwi bru vwẹ rhe-e, Ọrovwohwo na tarọ.

Zekaraya 1:17

Rhoma kperi, E nẹ Ọrovwohwo rẹ otuofovwi tare, irere mẹ cha rhoma vọn vẹ oyouvwe, Ọrovwohwo cha rhoma vwẹ uchebro kẹ Zayọn ọ je cha rhoma je Jerusalẹm reyọ.

Zekaraya 2:12

Ọrovwohwo na kọ vwẹ Juda reuku kerẹ ẹkẹn rọye vwẹ otọ ọfuanfon na, kọ rhoma jẹ Jerusalẹm reyọ.

Iyẹnrẹ Esiri ri Mak 1:25

Ẹkẹvuọvo Jesu da ghwo kuo tanẹ; Rhurhu unu wẹn, re wọ wan no.

Iyẹnrẹ Esiri ri Mak 9:25

Ọke ri Jesu vwọ mrẹ nẹ otu na ra dje siẹ koko, ọ da ghwọ ku erhi ro jẹfuọn na, tanẹ wọwẹ erhi ro diunu na vẹ odierhọn, Me ta kẹ wẹ, wan no, wọ gbe ruọ ọfa-a.

Iyẹnrẹ Esiri ri Luk 22:32

ẹkẹvuọvo me da nẹ ẹrhovwo kẹwẹ rere esegbuyota wẹn vwo je she; ẹkẹvuọvo wo de kurhẹriẹ nu, gbe phi udu vwọ hẹ imoni wẹn awọ.

Iyẹnrẹ Esiri ri Luk 4:35

Jesu da ghwọ kuo, tanẹ, Rhurhu unu wẹn, re wọ wan no! Rẹ idẹbono vwo muo phiotọ vwẹ uherevie rayen nu, o de vrẹn no oma, o ruro emuọvo-o.

Iyẹnrẹ Esiri ri Luk 9:42

Ọke rọ vwọ cha na, idẹbono na de sio ko gbule. Ẹkẹvuọvo Jesu da ghwo ku erhi ro jẹfuọn na, o de sivwi ọmọ na, o de muo kẹ ọsẹ rọye.

Iyẹnrẹ Esiri ri Jọn 13:18

Ọ dia ovwan ejobi me ta-a; me riẹn otu re me jẹreyọ; rere ọbe ọfuanfon na vwọ gba, Ọ rọ re emu mẹ rhoma hirhe ichukawo rọye ku vwẹ.

Ọbe ri Pọl si rhe Ihwo ri Rom 16:20

o chekọ emerha, Ọghẹnẹ rẹ ufuoma na ko che chihi Idẹbono muotọ. Ẹserọphẹ rẹ Ọrovwavwanre Jesu Kristi nene ovwan dia.

Ọbe ri Pọl si rhe Ihwo ri Rom 8:33

Kono se kere oruchọ ba ihwo rẹ Ọghẹnẹ sanọre obọ? Ọghẹnẹ ri se brorhiẹ.

1 Jọn 3:8

Ohwo ro ru umwemwu hẹ ọmọ rẹ idẹbono; kidie idẹhono hẹ oruimwemwu notọrhe. Fiki rẹ Ọnana ọye Ọmọ rẹ Ọghẹnẹ vwọ rhe rere ọ vwọ mrasan guọghọ iruo rẹ idẹhono.

Ọbe ri Jud 1:23

sivwi ẹvo, re we fru ayen nẹ evun rẹ erhanre; djẹ oshọ ni arodọvwẹ kẹ ẹvo, ovwan kẹnẹ oma kẹ evun ro kere ipe.

Ọbe ri Jud 1:9

Ẹkẹvuọvo ọke ri Maikẹl onotu rẹ emakashe na, vẹ idẹbono vwọ phra aphro, rẹ ayen vwo sivwi orivwi ri Mosis, o ghwe se brorhiẹ hwe rọ da harhọ-ọ, ẹkẹvuọvo ọ da tanẹ, Ọrovwohwo duvwu uwe iyori.

Ẹvwọphia 17:14

ayen ke cha vwẹ ofovwi so Omogodẹ na, Omogodẹ na ko phi ayen kua, kidie ọye hẹ Ọrovwohwo ro vwo ihwo ejobi kugbe Ovie ro vwo ivie ejobi, ayen otu re vẹ ọye gba herọ ayen o seri rọ jẹreyọ ri segbuyota.