Zekaraya 3:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Etiyin ọ ke vwẹ Joshua orherẹn ro kpenu na nẹ vwẹ ro mudia vwẹ obaro rẹ amakashe rẹ Ọrovwohwo na, Idẹbono mudia vwẹ obọrhe rọye ro vwo guo.

Zekaraya 3:1 ပူးပေါင်းရင်းမြစ်များ

Jẹnẹsis 3:15

Ki mi phi eghrẹ phihọ uvwre wẹn vẹ ọ rẹ aye na, Te uvwre rẹ emọ wẹn vẹ erẹ aye na, kọ ghwiẹ wẹ uyovwi, ku wọ rhovwọ uchukowọ.

Jẹnẹsis 48:16

amakashe rọ tan vwẹ nẹ idẹbono ejobi, bruphihọ kẹ emọ nana; jẹn odẹ mẹ wan oma rayen va phia, kugbe odẹ rẹ esẹ mẹ Ebraham vẹ Aizik; jẹn ayen bu phihọ ẹgborho vwẹ enu rẹ akpọ na.

1 Ikun rẹ Ivie 21:1

Idẹbono de rhi gbe kpahe Izrẹl, o de fovwo Devid nẹ o kere ihwo rẹ Izrẹl.

2 Ikun rẹ Ivie 29:11

Emọ mẹ, we siunu-u, kidie Ọrovwohwo jẹ wẹ reyọ nẹ wọ mudia vwẹ obaro rọye, re wo gbe odibo kẹ, re wọ dia orherẹn rọye re wọ torhẹ insẹns kẹ.

Ezra 10:18

Vwẹ usun rẹ emọ rẹ irherẹn na re rọvwọ eya erhorha vwẹ otọ na, a da mrẹ Maaseya, Eliezer, Jarib vi Gedalaya, vwẹ usun rẹ emọ ri Jeshua rẹ ọmọ ri Jozadak kugbe imoni rọye.

Ezra 2:2

Ayen da rhe vi Zerubabẹl, Joshua, Nehemaya, Seraiah, Reelaiah, Modecai, Bilshan, Mispar, Bigvai, Rehum kugbe Baana. Unu rẹ ihwo rẹ Izrẹl:

Ezra 5:2

Etiyin Zerubabẹl omọ ri Shealtiẹl kugbe Jeshua ọmọ ri Jozadak de vrẹn, ayen ke rhoma bọn uwevwi rẹ Ọghẹnẹ rọ hẹ obi Jerusalẹm, emraro rẹ Ọghẹnẹ, de mudia kẹrẹ ayen re cha ayen uko.

Une rẹ Ejiro 106:23

Fikiridie ọ tare nẹ ọye ghwọrọ ayen– ọ dia ifiki ri Mosis, rọ jẹreyọ na vwo-o rọ mudia phihọ ahwa rọye, rọ da ophu rọye ji ro vwo jẹ ayen ẹghwọrọ.

Une rẹ Ejiro 109:6

Gbe ji ohwo umwemwu vwọ suọ rere a reyọ rhi vwo guẹdjọ.

Jerimaya 15:19

Vwẹ eriyin na, enẹ Ọrovwohwo tare: wo de kurhẹriẹ, ke me reyọ owẹ, ku wo mudia vwẹ obaro mẹ Ọ da dianẹ wọ ta omamọ rẹ ota, rọ gbe dia orharhe-e, ku wọ dia kerẹ unu mẹ, Ayen che bru we rhe, ẹkẹvuọvo wo bru ayen ra-a.

Izikiẹl 44:11

Ayen ki gbe odibo vwẹ ẹshẹ mẹ, re vwẹ ẹro te anurhoro rẹ uwevwi rẹ ẹga na, re ayen ru iruo vwẹ uwevwi rẹ ẹga na; ayen ki hwe eranvwe re vwo ze izobo rẹ ẹtorhẹ na kugbe izobo re zeri fiki rẹ ihwo na, ke ayen vwẹ ẹro te ihwo na, ki gbe odibo kẹ ayen.

Izikiẹl 44:15

Ẹkẹvuọvo irherẹn rẹ ihwo ri Livae na, emọ ri Zadọk, re sẹro rẹ ẹshẹ mẹ na vwẹ ọke rẹ emọ rẹ Izrẹl vwo suosuo nẹ uvwe oma, ki che si kẹrẹ ovwẹ ri gbe odibo kẹ vwẹ, kẹ ayen che si kẹrẹ ovwẹ ri ze izobo rẹ ivwri kugbe ọbara kẹ vwẹ, eriyin Ọrovwohwo Ọghẹnẹ tare.

Hegae 1:1

Vwẹ ukpe rivẹ ri Dariọs ovie na, vwẹ emeranvwe resan rọye vwẹ ẹdẹ rẹsosuọ rẹ emeranvwe na, ota rẹ Ọrovwohwo na da wan oma ri Hegae rẹ ọmraro na bru Zerubabẹl rhe ọmọ ri Shealtiẹl, osun ri Juda, kugbe Joshua rẹ ọmọ ri Jehozadak, rẹ orherẹn rode na,

Hegae 1:12

Etiyin Zerubabẹl rẹ ọmọ ri Sealtiẹl, kugbe Joshua rẹ ọmọ ri Jehozadak, rẹ orherẹn na, vẹ umuku rẹ ihwo ri chekọ na ejobi, de mu ọghọ kẹ urhuru rẹ Ọrovwohwo Ọghẹnẹ rayen, kugbe eta ri Hegae rẹ ọmraro na, kirobo rẹ Ọrovwohwo Ọghẹnẹ rayen jiro, oshọ rẹ Ọrovwohwo na de mu ihwo na.

Hegae 2:4

Dede na vwẹ Asakiephana we gbe yivwaro, E Zerubabẹl, eriyin Ọrovwohwo tare, yivwaro, E Joshua, ọmọ ri Jehozadak, rẹ orherẹn rode na, yivwaro, ovwan ihwo rẹ otọ na ejobi eriyin Ọrovwohwo tare; ru iruo, kidie me vẹ owẹ herọ, eriyin Ọrovwohwo rẹ otuofovwi na tare.

Zekaraya 1:13

Ọrovwohwo da kpahe eta esiri vẹ uchebro kẹ amakashe ro nene uvwe ta ota na.

Zekaraya 1:19

Me da ta ke amakashe ro nene uvwe ta ota na, Enana kidie vwo? Ọ da kpahe kẹ vwẹ, Enana ighoro re hra Juda, Izrẹl, kugbe Jerusalẹm na.

Zekaraya 1:9

Ọye Me da ta, Enana kidie vwo, Ọrovwohwo? Amakashe ro nene uwe ta ota na da ta kẹ vwẹ, mi che dje obo rẹ ayen epha kẹ wẹ.

Zekaraya 2:3

Gbe nighe, amakashe ro nene uvwe ta ota na da yanrhe obaro, amakashe ọfa da yanrhe rhe vwa,

Zekaraya 3:8

Gbe nyo asakiephana, E Joshua orherẹn ro kpenu na, wọwẹ vẹ igbeyan wẹn ri tidia obaro wẹn, kidie ayen ihwo ri vwẹ oka esiri; nighe, Me Oghọn rọ dia odibo mẹ na rhe.

Zekaraya 4:14

Etiyin ọ da ta, Enana ivẹ na ra vwẹ ori ghworo ri mudia kẹre Ọrovwohwo rẹ akpọ soso na.

Zekaraya 6:11

Wo mie ayen idọnọ ọfuanfọn vẹ oro, vwo ru erhu rẹ ovie ọvo, re wo vwo tughẹ uyovwi ri Joshua, ọmọ ri Jehozadak, orherẹn ro kpenu na,

Malakae 3:1

Nighe, mi ji ikọn mẹ rọ ra rhuẹrẹ idjerhe hẹrhẹ ovwẹ, Ọrovwohwo rẹ ovwan guọnọ na cha rhe uwevwi rọye kpregede; ọyinkọ rẹ ọphọ na rọ vwerhe ovwan oma na, nighe, ọ rọ cha, eriyin Ọrovwohwo rẹ otuofovwi na tare.

Iyẹnrẹ Esiri ri Luk 21:36

Ẹkẹvuọvo rhẹrẹ vwẹ ọke ejobi, nẹ ẹrhovwo rere wo se vwo ogangan wọ vwọ vabọ rẹ imu nana ejobi re cha phia na, re wo vwo se mudia vwẹ obaro rẹ Ọmọ rẹ ohwo.

Iyẹnrẹ Esiri ri Luk 22:31

Saimọn, Saimọn, nighe, Idẹbono guọnọ owẹ reyọ, rere o wuye uwe kerẹ ọka,

Urhi Rivẹ 10:8

Ọke yena Ọrovwohwo vwọ hẹriẹ uvwiẹ ri Livae, ne ghwa ekpeti rẹ ọphọ rẹ Ọrovwohwo na, ri vwo mudia vwẹ obaro rẹ Ọrovwohwo vwo ru iruo kẹ, ji vwo jiri odẹ rọye, rhi te nonẹ na.

Urhi Rivẹ 18:15

Ọrovwohwo rẹ Ọghẹnẹ wẹn cha kparẹ ọmraro ọvo vwẹ uherevie rẹ ovwan rọ họhọ ovwẹ, nẹ usun rẹ imoni wẹn na, ọye wa cha kerhọn rọye,

1 Pita 5:8

Jẹn ẹro hiẹ wẹ, rhẹrẹ. Ukọn wẹn idẹbono na ọ rọ rhẹrẹ kerẹ okpohrokpo rọ guan, ro guọnọ obo rọ rọ.

1 Samuẹl 6:20

Etiyin ihwo ri Bẹt-shẹmẹsh da ta, ono re sa hẹrhẹ Ọrovwohwo Ọghẹnẹ ọfuanfon nana? Kono avwanre muo rhe ro bi nẹ avwanre oma?