Zekaraya 2:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ E! Djẹ kpo Zayọn, ovwan re vẹ ọmọtẹ ri Babilọn gba dia na.

Zekaraya 2:7 ပူးပေါင်းရင်းမြစ်များ

Jẹnẹsis 19:17

Ọke rẹ ayen vwọ reyọ ayen phihọ uphephẹ nu, ayen da ta, Djẹ kẹ arhọ wẹn, we nẹ obuko-o eyẹ we mudia vwẹ ukpotọ na-a, djẹ kpo obo ugbenu na, wa da ghwọrọ.

Aizaya 47:1

Wotọ rhe wo rhi tidia iwurhie, E ọmọtobe ri Babilọn, tidia otọ ghevweghe ro vwo ekete-e, E ọmọtẹ ri Kaldia! Kidie e gbi se we ọfa-a nẹ wọ pha pọkọ pọko yoyovwi.

Aizaya 48:20

Yanran nẹ Babilọn, dje nẹ Kaldia, dje ọna phia vẹ aghọghọ, ghwoghwo, jọ yanran kpo oba re akpọ na; tanẹ, Ọrovwohwo na tan odibo rọye Jekọp nure!

Aizaya 52:11

Yanran, yanran, yanran nẹ etiyin, wọ vwẹ obọ te emu ogbegbe-e; yan ne uherevie rọye, ru oma wẹn fon, ovwan ihwo re ghwa ekuakua rẹ Ọrovwohwo.

Aizaya 52:2

Phorho iwurhie nẹ oma wẹn, vrẹn; E oghuvwu Jerusalẹm; rhan ọghrọrọ nẹ ohọre wẹn, E oghuvwu ọmọtẹ ri Zayọn.

Jerimaya 50:8

Djẹ nẹ uherevie ri Babilọn, we nẹ otọ rẹ ihwo ri Kaldia na, re wa dia kerẹ ẹvwe rẹ eshare vwẹ obaro rẹ igegede na.

Jerimaya 51:45

We vrẹn nẹ uherevie rọye, ihwo mẹ! Dohwo darhọ rọye sivwi nẹ ophu ọgangan rẹ Ọrovwohwo na!

Jerimaya 51:6

Djẹ nẹ uherevie ri Babilọn, jẹn dohwo darhọ rọye sivwi! Wo je bru uwe kufia vwẹ ehwe rọye na-a, kidie ọnana ọke rẹ ihriẹriọ rẹ Ọrovwohwo, osa rọ hwa kẹ.

Maika 4:10

Gbune ye wọ guan, E ọmọtẹ ri Zayọn kerẹ aye rọ chuẹ uvwiẹ, kidie Asakiephana ku wo che vrẹn nẹ orere na evun rẹ ogo kọye wọ cha ra dia ku wo che kpo Babilọn. Kẹ oboyi e de che sivwi uwe reyọ, etiyin Ọrovwohwo da cha tan wẹ reyọ nẹ obọ rẹ ivwighrẹ wẹn.

Ukeri 16:26

Ọ da ta kẹ ukoko na, We bi nẹ etiyin, me rẹ ovwan, nẹ ltughẹ rẹ ihwo umwemwu nana, wa vwẹ obọ te emu ọvuọvo ro dia ọraye-en, e de rhe hwerhe ovwan vẹ imwemwu rayen kufia.

Ukeri 16:34

Ihwo rẹ Izrẹl re etiyin ejobi da djẹ jẹ ayen kperẹ; kidie ayen ejobi tare, Otọ na da rhe rọ avwanre!

Iruo rẹ Iyinkọn na 2:40

Ji kugbe eta efa ọtiọye na buebu o vwo bru ayen uche, tanẹ, ovwan sioma rẹ ovwan nẹ edje nana ri ghwruru na.

Ẹvwọphia 18:4

Etiyin mi de nyo urhuru ọfa ro nẹ odjuvwu rhe tanẹ, Vrẹn no rhe, ihwo mẹ, wo de rhe vwo obọ vwẹ imwemwu rọye, wọ da rha ghare vwẹ ọtiekọ rọye;