Zekaraya 2:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Kidie Me cha dia igbẹhẹ rẹ erhanre riariẹ phihọ, Ọrovwohwo tarọ, me cha dia urinrin vwẹ evun rọye.

Zekaraya 2:5 ပူးပေါင်းရင်းမြစ်များ

Une rẹ Ejiro 125:2

Kirobo rẹ igbenu riariẹ Jerusalẹm phihọ na, ọtiọye Ọrovwohwo riariẹ ihwo rọye phihọ, nẹ ọke nana yanran rhiri bẹdẹ.

Une rẹ Ejiro 3:3

Ẹkẹvuọvo wẹ, E Ọrovwohwo, ọye ekpọfia mẹ, urinrin mẹ kugbe ọ rọ kpare uyovwi mẹ.

Une rẹ Ejiro 46:5

Ọghẹnẹ o hẹ uherevie rọye, e gbi se ghwie-e; Ọghẹnẹ cha uko phẹrẹkpẹ;

Une rẹ Ejiro 48:12

Yan vwẹ oma ri Zayọn, yan riariẹ phihọ, kere unu rẹ ohẹrhẹ rọye,

Une rẹ Ejiro 48:3

Vwẹ ẹvun rẹ ohẹrhẹ rọye Ọghẹnẹ de djẹ oma rọye phia nẹ ọye ọchochọ.

Une rẹ Ejiro 85:9

Uyota esivwo rọye ọkẹkẹre kẹ ihwo re djẹ oshọ rọye, rere urinrin vwọ dia otọ rẹ avwanre.

Aizaya 12:6

Kperi, so ine rẹ aghọghọ, E emotọ ri Zayọn, kidie Ọfuanfon Ọvuọvo rẹ Izrẹl na rọ uherevie rẹ ovwan na vwa rhurarho.

Aizaya 31:9

Oragha rọye ko che dju wan ve oshọ, inotu rọye ke dje jẹn ekpọfia rayen vwo ve uguegue eriyin Ọrovwohwo tare, re erhanre rọye he Zayọn, re ọgiderhanre rọye he Jerusalẹm.

Aizaya 32:18

Ihwo mẹ ke cha dia asan re ufuoma, asan rẹ eghemọphe, edia rẹ ọmaerovwo fuefu.

Aizaya 33:21

Ẹkẹvuọvo Ọrovwohwo na ro vwo ọrho ọ vẹ avwanre obọ asan rọ vọnre ve irhie eliehere vẹ itọ ride, asan re ọkọ re inaweri je se te, eye ekpo re erhanre ride je sa wan.

Aizaya 4:5

Ọke yena Ọrovwohwo na kọ cha vwẹ ikoro vwe oghẹruvo, kugbe ivwirhi vẹ erhanre rọ la vwẹ ason, vwo rhurhu Ugbenu ri Zayọn ejobi kugbe ọwhegbe rẹ ihwo na, eharha rẹ efenudu ko che rhurhu urinrin na vẹ ọgarivi na.

Jerimaya 31:39

Urhiẹ rẹ ẹvwanvwọn na ko gro kpo obaro, phiọnphiọn re te ugbenu ri Garẹb, kẹsiẹye ọ ke gere kpo Goa.

Izikiẹl 38:14

Vwẹ ọtiọye na, ọmọ rẹ ohwo, gba mraro, re wọ ta kẹ Gọg E nẹ Ọrovwohwo Ọghẹnẹ tare: Vwẹ ẹdẹ yena rẹ ihwo mẹ Izrẹl da cha dia vwẹ egbemọphẹ na, ku wọ jeje oma wẹn.

Izikiẹl 42:20

Ọ da vwanvwọn igogo ẹne na. A da vwẹ igbẹhẹ gba ogba riariẹ, ugrogro rọye kubit ujori iyorin kugbe ohẹhẹre rọye kubit ujori iyorin, ra vwọ hẹriẹ asan ọfuanfon na nẹ asan rẹ ihwo ghevweghe dia.

Izikiẹl 47:3

Rẹ ọ vwọ yan phihọ obaro ọnre vẹ ufi vwẹ obọ rọye, ohwo na da vwanvwe kubit uriorin, Etiyin o ki sun vwe wan ame na, o de kodo te uwurho rẹ owọ.

Zekaraya 1:16

Ọtiọye na, e nẹ Ọrovwohwo tare, mi rhivwi rhe Jerusalẹm vẹ arodọvwẹ; a cha bọn uwevwi Mẹ phihọ, Ọrovwohwo rẹ otuofovwi na tare, ka cha riẹn ufi rẹ ovwanvwọn wan Jerusalẹm vrẹn.

Zekaraya 2:10

So une wọ ghọghọ, E ọmọtẹ ri Zayọn; kidie gbe nighe, Me rhere Me rhe dia uherevie wẹn, Ọrovwohwo tare.

Zekaraya 2:11

Ẹgborho buebu che kuoma rayen gbe Ọrovwohwo vwẹ ẹdẹ yena, ke cha dia ihwo Mẹ; ke Me dia uherevie wẹn ko wọ riẹn nẹ Ọrovwohwo rẹ otuofovwi na re cha vwe ji uvwe bru uwe rhe.

Zekaraya 9:14

Etiyin Ọrovwohwo kọ cha vwẹ oma phia kẹ ayen odada rọye kọ yanran kerẹ enu rọ nyavwaro. Ọrovwohwo Ọghẹnẹ che hworo owanre na, ọ Me yan phia vwẹ odju rẹ ovwre re hẹ obọrhe ọnre.

Zekaraya 9:8

Etiyin re ki mi muerhọn riarẹ-ẹ uwevwi mẹ kerẹ ọrhẹrotọ, rere ohwo ọvuọvo vwo jẹ yan cha yan kpo vwọ; ohwo gbi shenyẹ ayen ọfa-a, kidie Me vwẹ ibiẹro mẹ mrẹ re.

Iyẹnrẹ Esiri ri Luk 2:32

urhukpẹ rọ la kẹ ihwo ri keferi kugbe urinrin rẹ ihwo wẹn Izrẹl.

Ẹvwọphia 21:23

Orere na rha guọnọ ọnre eyẹ emeranvwe ro lo vwọ-ọ, kidie urinrin rẹ Ọghẹnẹ ọvo ọye hẹ urhukpẹ rọye, urhukpẹ rọye kọye hẹ Omogodẹ na.