Zekaraya 2:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ ọ da ta kẹ, Djẹ, ra vuẹ emeghene yena, A cha dia Jerusalẹm kerẹ ẹko ri jẹ igbẹhẹ evwo, fiki rẹ otu rẹ ihwo vẹ uchuru re herọ.

Zekaraya 2:4 ပူးပေါင်းရင်းမြစ်များ

Ẹsta 9:19

Fiki rẹ ọtiọye na ihwo ri Ju re hẹ obo ẹko, re dia irho ride na, ayen da yọnre ẹdẹ ihwẹne rẹ emeranvwe rẹ Ada vwo ru ẹdẹ rẹ omavwerhovwẹ vẹ orẹ vẹ omerovwo, vẹ ẹdẹ re ayen vwo kru oghwa rhe ohwohwo.

Aizaya 33:20

Gbe ni Zayọn, orere re avwanre da re erẹ. Ẹro wẹn kọ mrẹ Jerusalẹm, ẹdia ọfuefu, uwevwi re ibokpo ro je ghwie, re ighere rọye se ghwie-e, eyẹ ufi rọye ọvuọvo che vwrẹ-ẹ.

Aizaya 44:26

Ono ri ru ota rẹ odibo rọye gan, ro ru iroro rẹ iyinkọn rọye, ono re ta kpahe Jerusalẹm, nẹ, A cha rhoma dia kugbe irere ri Juda nẹ, A cha rhoma bọn ayen, ke me kpare igbẹhẹ ri sheri na vrẹn mudia;

Aizaya 49:20

Emọ re vwiẹri vwẹ ọke rẹ ihwo wẹn vwo ghwu na ke cha ta phihọ erhọn wẹn, Asan na hwa nọ kẹ vwẹ, kẹ vwẹ asan re Me dia.

Aizaya 54:16

Nighere, Mẹvwẹ re ma odjogu ro djuẹ erhanre rẹ esia, ro duvwu orọvwọ kẹ oma rọye. Mẹvwẹ re ma oghwọrọ nẹ ọ ghwọrọ,

Jerimaya 1:6

Ọye me da ta, E, Ọrovwohwo Ọghẹnẹ! Nighe me riẹn obo ra ta ota-a, kidie omotete mi ruẹ.

Jerimaya 31:24

Juda vẹ irere ejobi ke gba dia etiyin kugbe, te eghwẹrẹ vẹ ayen otu re vẹ igegede rayen gbe ghoro.

Jerimaya 31:27

Nighe, ẹdẹ cha, eriyin Ọrovwohwo tare, re me cha vwẹ omamọ rẹ ohwo vẹ eranvwe vwọ kọn uwevwi rẹ Izrẹl vẹ uwevwi ri Juda.

Jerimaya 33:22

Kirobo re se keri otuofovwi rẹ obo odjuvwu na-a ra je sa vwavwẹ ubu rẹ abadi na-a na, ọtiọye mi che ru uvwiẹ ri Devid odibo mẹ buẹ phihọ, kugbe irherẹn ri Livae ri gbe odibo kẹ vwẹ na.

Izikiẹl 38:11

Ku wọ cha ta, Me cha kpare ofovwi kpo otọ re jẹ ogba egba phihọ ẹko rọye na, mi re she teye ihwo dẹnden na re dia vwẹ egbemọphẹ na, ayen ejobi re dia uphephẹ na, ri vwo ogba-a ri vwo ẹchẹ rẹ utehru eyẹ anurhoro-o;

Daniẹl 1:17

Ọghẹnẹ da rhe vwẹ erianriẹn vẹ ona rẹ ẹbiẹriẹn vẹ ọhọ vwọ kẹ imighene ẹne na; etiyin Daniel de rhi vwo erianriẹn vwẹ oma rẹ emramrẹ vẹ evwerhẹ.

Daniẹl 1:4

Ighene ri vwo eka-an, ri vwo erhuvwu vẹ ona, vẹ ẹghwanre ra kẹ erianriẹn, ri vwo ẹruọ rẹ uyono, re je sa ga vwẹ ighẹn rẹ ovie, re rhe yono ayen ibi rẹ ẹbe kugbe epherẹ rẹ ihwo ri Kaldia na.

Maika 7:11

Ẹdẹ ọvo cha ra cha vwọ ma igbẹhẹ wẹn! Vwẹ ẹdẹ yena ke bi ughwru na shesheri

Zekaraya 1:16

Ọtiọye na, e nẹ Ọrovwohwo tare, mi rhivwi rhe Jerusalẹm vẹ arodọvwẹ; a cha bọn uwevwi Mẹ phihọ, Ọrovwohwo rẹ otuofovwi na tare, ka cha riẹn ufi rẹ ovwanvwọn wan Jerusalẹm vrẹn.

Zekaraya 1:17

Rhoma kperi, E nẹ Ọrovwohwo rẹ otuofovwi tare, irere mẹ cha rhoma vọn vẹ oyouvwe, Ọrovwohwo cha rhoma vwẹ uchebro kẹ Zayọn ọ je cha rhoma je Jerusalẹm reyọ.

Zekaraya 12:6

Vwẹ ẹdẹ yena ki mi ru orua ri Juda họhọ ochẹ rọ vwara vwẹ uherevie rẹ erhanre, họhọ urhukpẹ rọ la vwe ohri rẹ ekrẹbe; ayen ke guọghọ ihwo re yariẹ obọrhe vẹ obọhwẹre ejobi phihọ yẹ a je dia Jerusalẹm kirobo rọ epha jovwo .

Zekaraya 14:12

Ọnana emiavwe rẹ Ọrovwohwo che vwo hwe ihwo re vwẹ ofovwi so Jerusalẹm oma rayen che gbo yẹ ayen vwẹ awọ rayen mudia, ẹro rayen che gbo phihọ evun ẹrevwe rayen ji gbo vwe unu rayen.

1 Timoti 4:12

E jẹn ohwo ọvuọvo ni we saka fiki rẹ obo wo vwọ hẹ omotete-e, ẹkẹvuọvo gba vwẹ oma wẹn ru oniru kẹ otu ri segbuyota na vwẹ ota vẹ uruemu, vwẹ ẹguọnọ, vwẹ esegbuyota, vwẹ ẹfuọn.