Zekaraya 14:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Vwẹ ẹdẹ yena awọ rọye ki che mudia enu rẹ Ugbenu rẹ Oliv rọ hẹ obaro ọnre vwi Jerusalẹm; Ugbenu rẹ Oliv kọ cha bẹre ẹbẹre ivẹ nẹ obaro ọnre re duvwu obuko ọnre ko vwo iyara rode na, eriyin re abọvo rẹ Ugbenu na ko bi kpo obọhwẹre ọnre, ẹbere rivẹ kẹ obọrhe ọnre.

Zekaraya 14:4 ပူးပေါင်းရင်းမြစ်များ

2 Samuẹl 15:30

Etiyin Devid de yeri ugbenu rẹ Ọliv, kọ viẹ ro vwo yere kpenu na, owọ ofefe vẹ uyovwi rọye ro rhurhuru; ihwo na ejobi ri nenire kpo enu rẹ ugbenu na dohwo duyovwi rọye de rhurhu, ayen yere enu jẹ ayen viẹ.

Izikiẹl 11:23

Urinrin rẹ Ọrovwohwo de mu nẹ uherevie rẹ orere na kpenu, o de re mudia enu rẹ ugbenu rọ hẹ obaro ọnre vwẹ orere na.

Izikiẹl 38:20

Eri rẹ abadi, kugbe emephran rẹ obenu, kugbe eranvwe rẹ aghwa, kugbe obo ri kpono ejobi ri kpono vwẹ otọ na, kugbe ihwo ejobi re hẹ enu rẹ akpọ na, cha phariẹ vwẹ irharo mẹ, kugbe igbenu na ejobi ka cha vwẹ ayen phiotọ, enu rẹ igbenu na ki che she, igbẹhẹ kigbẹhẹ ejobi ki che rhurie she te otọ.

Izikiẹl 43:2

Nighere, urinrin rẹ Ọghẹnẹ rẹ Izrẹl de lo nẹ obaro ọnre rhe, umri rẹ edo rẹ ẹcha rọye da họhọ edo rẹ ame buebu, akpọ na de rhi lo vẹ urinrin rọye.

Habakọk 3:6

O mudia ọ da vwanvwẹ akpọ na; o niro o de mu ẹgborho na kpogho; etiyin igbenu ri bẹdẹ na da hra, igbenu itete re rhabae na de she divwi. Idjerhe rọye je herọ kirobo rọ epha nẹ awanre rhe.

Zekaraya 14:10

Otọ na ejobi ko che shaton nẹ Ọrha re te Rimmọn vwẹ obọrhe ọnre vwi Jerusalẹm. Ẹkẹvuọvo Jerusalẹm ko che kpenu vwẹ ẹdia rọye nẹ Unurhoro re Bẹnjamin re te asan rẹ unurhoro rẹ awanre na epha, re te Unurhoro rẹ Akako, nẹ ohẹrhẹ ri Hananel re te okọ re de mie wain rẹ ovie.

Zekaraya 14:7

Ọke rha fobọ she-e, Ọrovwohwo riẹnre ọ dia uvo-o, ọ je dia aso-on kidie urhukpẹ cha dia vwẹ ọke rẹ ovwọnvwọn.

Zekaraya 14:8

Ame ra arhọ cha djẹ nẹ Jerusalẹm rhe vwẹ edẹ yena, ubrọvo rayen da djẹ kpo urhie rọ he obaro ọnre ubrọvo rayen da djẹ kpo urhie rẹ obuko ọnre, ọ cha djẹ vwẹ ọkiuvo kerẹ ọke ohwahwa.

Zekaraya 4:7

Die wọ epha, E ugbenu rode na? Wo che hirhe phihọ asan ro she-aton vwẹ obaro rẹ Zerubabẹl, kọ cha vwẹ oragha rọ hẹ obenu na vwẹ ohri rẹ edo nẹ Ẹserọphẹ; ẹserọphẹ kẹ.

Iyẹnrẹ Esiri ri Mak 11:23

Uyota Me ta kẹ ovwan kohwo kohwo rọ ta kẹ ugbenu nana, Ghwie re she phihọ urhie, ro gbi vwo evun ivẹ-ẹ, ẹkẹvuọvo o de segbuyota nẹ obo rọ tare na cha phia, kọ ghene dia ọtiọye.