Zekaraya 14:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Kidie Me cha ghwẹ ẹgborho na ejobi koko vwo phi Jerusalẹm ka reyọ orere na ka ghwẹ ekuakua rẹ uwevwi na reyọ ke gbe eya na ẹgua abọvo re orere na ko kpo imu, yẹ ẹkẹvuọvo e gbi si otu re ihwo ri chekọ nẹ orere na-a.

Zekaraya 14:2 ပူးပေါင်းရင်းမြစ်များ

Aizaya 13:16

Emọboba na ka vwẹ ayen fa otọ hwe vwẹ irharo rayen; ke gborho uwevwi rayen ka gba eya rayen du.

Aizaya 4:3

Ohwo ro che chekọ vwi Zayọn rọ da dia Jerusalẹm ke se nẹ Ọfuanfon, kohwo kohwo re keri phihọ arhọ vwi Jerusalẹm,

Aizaya 5:26

Kọ cha vwẹ oka se orere rọ hẹ kọ kudje se nẹ ẹtan rẹ akpọ rhe, gbe nọ, okpokpakpa, kpatakpata ọ cha rhe!

Aizaya 65:18

Ẹkẹvuọvo gba ghọghọ re oma vwerhe owẹ bẹdẹ vwẹ oma rẹ obo re Me mare, kidie nighere, Me ma Jerusalẹm vwọ kẹ omavwerhe, ihwo rọye ke aghọghọ.

Jerimaya 21:4

Enẹ wa cha ta kẹ Zedikaya, Enẹ Ọrovwohwo, Ọghẹnẹ rẹ Izrẹl tare, Nighe, me cha rheriẹ ekuakua rẹ ofovwi re abọ re ovwan na kpuko e re wa vwọ họnre ovie ri Babilọn kugbe ihwo ri Kaldia e re yariẹ ovwan phihọ vwẹ obotafe rẹ igbẹhẹ na, Ke me cha ghwa ayen koko rhe uherevie rẹ orere na.

Jerimaya 34:1

Ota rọ nẹ obọ rẹ Ọrovwohwo bru Jẹrimaya rhe, vwẹ ọke ri Nebukadreza ovie ri Babilọn vẹ otuofovwi rọye ejobi kugbe uvie rẹ akpọ na ejobi re hẹ otọ rẹ isuesun rọye vẹ ihwo na ejobi vwọ họnre Jerusalẹm vẹ irere rọye ejobi.

Uvwerhe 1:10

Ọvweghrẹ na riẹn abọ rọye phihọ enu rẹ emu esiri rọye ejobi, e, ọ mrẹ ẹgborho na, ọ guọghọ ẹshẹ rọye otu wọ djẹ re nẹ evwẹriẹ ukoko wẹn na-a.

Izikiẹl 5:8

Fiki rẹ ọtiọye na enẹ Ọrovwohwo Ọghẹnẹ tare. Nighe, Mẹvwẹ, ekpuyovwi mẹ, kọ vwọ so wẹ; ke me che brorhiẹ wẹn vwẹ irharo rẹ ẹgborho na.

Joẹl 3:2

ke me ghwẹ ẹgborho na ejobi koko ke me vwẹ ayen rhe iyara ri Jehoshafat, kẹ etiyin me da vwẹ ayen gu ẹdjọ, fiki rẹ ihwo mẹ kugbe ireuku mẹ Izrẹl, fikiridie ayen hra ayen nene ẹgborho na ejobi. Ayen da ghare otọ mẹ reyọ.

Joẹl 3:9

Ghwoghwo ọnana vwẹ ohri rẹ ẹgborho na: Muegbe rẹ ofovwi, Rhanriẹ udu rẹ egba na Jẹn eshare rẹ ofovwi na ejobi si te obonẹ, jẹn ayen rhe.

Emọs 7:17

Fiki rẹ ọtiọye na e nẹ Ọrovwohwo tare, Aye wẹn che hirhe phihọ igberadja vwẹ evun rẹ orere na, te emeshare wẹn vẹ emetẹ ka vwẹ ọlọkọ nyavwe ayen hwe. Ka vwẹ ufi ma otọ wẹn ghare, ekpuyovwi wẹn ko ghwu phihọ otọ rọ fonro-o, Izrẹl che kpo imu vwẹ isiorho.

Zekaraya 12:2

Nighere, mi muegbe mi vwo ru Jerusalẹm vwọ dia uko ro kpogho kẹ ihwo ejobi re yarierẹ phihọ; o ji mu kpahe Juda ro vwo se ogodogo riariẹ Jerusalẹm.

Zekaraya 12:3

Vwẹ ẹdẹ yena mi che ru Jerusalẹm oragha ọhọhọ kẹ ihwo na ejobi; ihwo re kpaerọ ejobi ke wọma rayen brabra. Ẹgborho na ejobi ki che koko oma vwọ suọ.

Zekaraya 12:9

Je vwẹ edẹ yena ke Me guọnọ obo Me vwọ ghwọrọ ẹgborho ejobi ri mu kpahe Jerusalẹm.

Matiu 22:7

Ẹkẹvuọvo ivun de miovwi ovie na; o de ji usun rẹ ofovwi rọye nẹ i re hwe izighẹ na, rere ayen torhẹ orere rayen na.

Iyẹnrẹ Esiri ri Mak 13:14

Re ovwan da ghwa mrẹ emu rẹ ẹguaegbe rọ nẹrhẹ asan vẹn ro mudia vwẹ asan rọ foro-o je jẹn ọ ro se riẹn otọ rọye, gbe jẹn otu re dia obi Judia djẹ kpo enu rẹ igbenu;

Iyẹnrẹ Esiri ri Mak 13:19

kidie ukpokpogho ra je mrẹ dẹvo-o nẹ ẹtuọhọ rẹ ẹma rẹ Ọghẹnẹ rhe rhi te ọke nana cha phia vwẹ ẹdẹ yena, a gbe je mrẹ oghẹre ọtiọye ọfa bẹdẹ-ẹ.

Iyẹnrẹ Esiri ri Luk 2:1

Vwẹ ọke yena ovie Ọgọstọs Siza de ji urhi nẹ ihwo ejobi ra ghwẹ odẹ phihọ ọbe.