Zekaraya 13:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ki mi che phi ẹkẹn rerha nana phihọ erhanre, re ruo fon kirobo re ru idọnọ fuan ye, ka davwe ayen kirobo ra davwe oro na. Ayen se odẹ Mẹ, ki mi nyo ke ayen. Ke Me ta nẹ, Ayen ihwo mẹ, Kẹ ayen ta nẹ, Ọrovwohwo na Ọghẹnẹ Mẹ.

Zekaraya 13:9 ပူးပေါင်းရင်းမြစ်များ

2 Samuẹl 7:24

Wọ da vwẹ ihwo wẹn Izrẹl mudia bẹdẹ; Wẹ E Ọrovwohwo wo de hirhe phihọ Ọghẹnẹ kẹ ayen.

ỌBE RẸ JOB 23:10

Ẹkẹvuọvo ọ riẹn idjerhe re me wanre, ọke rọ vwọ davwe ovwẹ ni, ke me cha va phia kerẹ oro.

ỌBE RẸ JOB 28:1

Omuẹro nẹ ọgọdọ rẹ idọnọ ghine herọ, ẹdia rẹ oro ra hworhe fon je herọ.

Une rẹ Ejiro 144:15

Aghọghọ dia kẹ ihwo re ehruphiho ọtiọye she bru! Aghọghọ kẹ ihwo rẹ Ọghẹnẹ dia Ọrovwohwo kẹ.

Une rẹ Ejiro 43:4

Etiyin ki mi kpo agbada rẹ Ọghẹnẹ, vwo bru Ọghẹnẹ rẹ aghọghọ mẹ rode na, ke me vwẹ isorogun vwo jiri uwe, E Ọghẹnẹ, Ọghẹnẹ mẹ.

Une rẹ Ejiro 50:15

rere wo se vwe vwe ọke rẹ ukpokpogho, ki mi sivwi uwe, ru wọ da vwẹ urinrin kẹ vwẹ.

Une rẹ Ejiro 91:15

Ọke ro de se vwe, ke me kpahe kẹ, Mi nene dia vwẹ ọke rẹ ukpokpogho, ki mi yoro no ri mi de mu ọghọ kẹ.

Isẹ 17:3

Ẹphẹre a vwọ wran idọnọ, ẹkuerhanre kọye a vwọ wran oro, Ọrovwohwo re davwa udu rẹ ihwo nẹ.

Solomon 2:16

Ọnse mẹ na ọmẹ oruẹ mẹvwẹ je vwẹ ọrọye, o ro suẹn igodẹ rọye vwẹ ohri re idodo na.

Aizaya 43:2

Ọke wọ da wan ame vrẹn ye Me vẹ owẹ herọ, Ọ da dia evun rẹ urhie dede, o che re we-e, wọ da yan erhanre vrẹn ọ cha torhẹ owẹ-ẹ, ogidi erhanre na cha ghwọrọ owẹ-ẹ.

Aizaya 48:10

Nighere, Me fa weẹ, ẹkẹvuọvo ọ dianẹ kerẹ idọnọ-ọ. Me davwe owẹ vwe ogidi erhanre rẹ ukpokpogho

Aizaya 58:9

Ọke yena ku wo se, Ọrovwohwo ko nyo, ku wo kperi, kọ ta kẹ wẹ nẹ, Mẹvwẹ na. Ọ da dianẹ we si urhekpe na nẹ uherevie rẹ ovwan urhiabọ ra riẹn, kugbe ota umwemwu ra ta,

Jerimaya 24:5

Enẹ Ọrovwohwo Ọghẹnẹ rẹ Izrẹl tare, Kirobo rẹ omamọ ri fig nana epha na, ọtiọye mi ji ni otu re mu nẹ Juda kpo imu na nẹ iyovwiri, ihwo mi mu nẹ etinẹ na vwo kpo oto rẹ ihwo ri Kaldia.

Jerimaya 30:22

Ku wa dia ihwo mẹ, ke me dia Ọghẹnẹ rẹ ovwan.

Jerimaya 31:33

Ẹkẹvuọvo ọnana hẹ ọphọ re me vẹ uwevwi rẹ Izrẹl cha re, ọke yena da wan nu, eriyin Ọrovwohwo tare: Ki mi che phi urhi mẹ phihọ evun rayen, mi ji che siọ phihọ udu rayen; ke me dia Ọghẹnẹ rayen, ayen ke dia ihwo mẹ.

Jerimaya 32:38

Ayen ke cha dia ihwo mẹ ke me cha dia Ọghẹnẹ rayen.

Jerimaya 9:6

Ghwẹ oshenyẹ rhurhu oshenyẹ, ophiẹnvwe rhurhu ophiẹnvwe, ayen rhọvwe riẹn vwẹ-ẹ, eriyin Ọrovwohwo na tare.

Izikiẹl 11:20

rere ayen vwọ yan vwẹ iji mẹ rere ayen sẹro rẹ irhi mẹ rere ayen mu ọghọ kẹ ayen, ayen kẹ dia ihwo mẹ, ke Me dia Ọghẹnẹ rayen.

Izikiẹl 14:11

rere uwevwi rẹ Izrẹl vwo jẹ yan ghwro nẹ oma mẹ, eyẹ ayen vwo je oma rayen ẹgua egbe ọfa fiki rẹ ogbeku rayen, ẹkẹvuọvo rere ayen vwọ sa dia ihwo mẹ rere me je vwọ dia Ọghẹnẹ rayen, eriyin Ọrovwohwo Ọghẹnẹ tare.

Izikiẹl 20:38

Ki mi si ihwo ri muẹkpahe ihwo nẹ ohri rẹ ovwan, kugbe ihwo re chọ urhi mẹ; kẹ mẹ cha reyọ ayen nẹ otọ rẹ ayen da hẹ ọrhorha na, ẹkẹvuọvo ayen cha vwẹriẹ otọ rẹ Izrẹl na-a, Ọke yena kẹ ovwan riẹn nẹ mẹvwẹ ọye Ọrovwohwo na.

Izikiẹl 36:28

Ku wọ cha dia otọ re me vwọ kẹ esẹ wẹn; ku wọ dia ihwo mẹ, ke me dia Ọghẹnẹ wẹn.

Izikiẹl 37:27

Ẹdia mẹ kẹ ohri rẹ ayen ọ dia, ke me dia Ọghẹnẹ rayen, ayen ke dia ihwo me.

Daniẹl 11:35

ihwo evo vwẹ usun rẹ ihwo na ri vwo ọhọ ji che she, ra vwọ fan ayen je nabọ hworhe ayen, re vwo ru ayen fuanfon, bẹsiẹ rẹ oba na vwo te, kidie ọke re bruru na ji te-e.

Daniẹl 12:10

Ihwo buebu ki che ru oma rayen fon, ayen mi rhi ru oma rayen fuanfon, kẹ ayen nabọ fon; ẹkẹvuọvo ohwo umwemwu ko che ru phihọ yẹ ohwo umwemwu ọvuọvo che vwo ọhọ rọye-e ẹkẹvuọvo otu re ghwanre ki vwo ẹruo rọye.

Joẹl 2:32

Ọke yena de rhi tere ihwo ejobi ri se odẹ rẹ Ọrovwohwo na ke che sivwi ayen; kidie vwẹ Ugbenu ri Zayọn kugbe Jerusalẹm ka cha mrẹ ẹvo re djẹ vabọ, kirobo rẹ Ọrovwohwo tarẹe, vwẹ usun rẹ ihwo ri ghwu chekọ na ka cha mrẹ ẹvo rẹ Ọrovwohwo na seri.

Livitikọs 26:12

Ke Me cha yan vwẹ ohri rẹ ovwan, Me Me rha dia Ọghẹnẹ rẹ ovwan, ovwan ke dia ihwo mẹ.

Zekaraya 10:6

Me cha kẹ uwevwi ri Juda ogangan, mi ji che sivwi uwevwi ri Josẹf. Me cha ghwẹ ayen hirhe rhe fikiridie mi ni aruẹdọn rayen, ayen ke cha dia kerẹsiẹ rẹ a mrẹ nẹ Me je sen ayen dẹvo-o; kidie mẹvwẹ hẹ Ọrovwohwo Ọghẹnẹ rayen mi che nyo kẹ ayen.

Zekaraya 12:10

Ke Me vwe erhi rẹ arodọvwẹ vẹ ọ re orẹ ke uwevwi ri Devid vẹ ihwo re dia Jerusalẹm, ọtiọye re, ọke rẹ ayen de ni ọ rẹ ayen duvwuru na, ayen ki che muoma phihọ ke, kirobo rẹ ohwo muoma phihọ kẹ ọmọ ọvo rọye, rọ da viẹ gangan keẹ, kirobo re ohwo viẹ ọmọkpako.

Zekaraya 8:8

ke Me reyọ ayen rhe vwọ dia uherevie ri Jerusalẹm ayen ke dia ihwo Mẹ ke Me je dia Ọghẹnẹ rayen, vwẹ uyota vẹ ọsoso.

Iruo rẹ Iyinkọn na 2:21

O de ru nure kohwo kohwo ro se odẹ rẹ Ọrovwohwo na kọ cha rhọ.

Hibru 8:10

Ọnana hẹ ọphọ re me vẹ uwevwi rẹ Izrẹl cha re vwẹ ọke rẹ ẹdẹ yena da wan nu, eriyin Ọrovwohwo tare; ki mi che phi urhi mẹ phihọ udu rayen, ke si ayen phihọ ubiudu rayen, ke me dia Ọghẹnẹ rayen, ayen ke dia ihwo mẹ.

Jems 1:12

Ebruphihọ kẹ ohwo ro chirako vwẹ ọke rẹ odavwini: fikiridie o de mudia gan, ko vwo erhu rẹ arhọ na, rẹ Ọrovwohwo ve phihọ kẹ otu re guọnerọ.

1 Pita 4:12

Imoni, we jẹ ọdavwini rẹ odjadja rẹ erhanre ro bru ovwan rhe rhe davwe ovwan ni na gbe ovwan unu-u, kerẹsiẹ ra mrẹ nẹ emu ọkpokpọ re phia kẹ ovwan.

Ẹvwọphia 21:7

Ọ ro phi kparobọ kọ reuku nana, ke me dia Ọghẹnẹ rọye kọ dia ọmọ mẹ.

Ẹvwọphia 8:10

Amakashe rerha de hworo owanre rọye, isio rode ọvo de she nẹ odjuvwu rhe, o lo wrowro, o de she phihọ akarha rẹ irhie na kugbe igbugbu rẹ ame na.

Ẹvwọphia 8:11

Odẹ rẹ isio na kẹ Akoro. Akarha rẹ ame na de hirhe vwọ hẹ akoro, ame de hwe ihwo buebu, fikiridie ọ yara.

Ẹvwọphia 8:12

Amakashe rẹne de hworo oware rọye, a da ghwiẹ akarha rẹ ọnre, kugbe akarha rẹ emeranvwe, kugbe akarha rẹ isio, ọtiọye na akarha rẹ orẹmrẹ rayen de mu ebri; akarha rẹ ọnre gbi vwo orẹmrẹ-ẹ, ọtiọye ji te akarha rẹ emeranvwe.

Ẹvwọphia 8:7

Amakashe rẹsosuọ de hworo owanre, ibiosio rẹ erhanre, ọguọgua da rhe rhọ phihọ akpọ na; akarha rẹ akpọ na da torhẹ re, akarha rẹ irhe da torhẹ re, akarha rẹ odi da torhẹ re.

Ẹvwọphia 8:8

Amakashe rivẹ de rhi hworo owanre rọye, orọvwọ ọvo kerẹ ugbenu rẹ erhanre, rọ la jojojo de ghwie she phihọ abadi na;

Ẹvwọphia 8:9

akarha rẹ abadi na de rhi hirhe phihọ ọbara, akarha rẹ eranvwe ekpokpọ re hẹ evun rẹ abadi na de ghwu re, akarha rẹ ekọ da guọghọ re.