Zekaraya 13:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Vwẹ otọ na ejobi, Ọrovwohwo tare, a cha gharọ ẹkẹn erha ra da ghwọrọ e che bru ẹkẹn ivẹ no, ẹkẹn ọvo kọye cha rhọ

Zekaraya 13:8 ပူးပေါင်းရင်းမြစ်များ

Aizaya 6:13

Ọ da tobọ dianẹ ẹkehwe chekọ vwọ, a cha torhẹ kirẹ uloho eyẹ ọhahe, rẹ uchuku rọye chekọ siẹ re de she nu. Ubi ọfuanfọn na ọye hẹ uchuku na.

Aizaya 66:24

Ke ayen cha yan phia rhi ni irivwi rẹ ihwo ri gbe ozighi kpahe ovwẹ, kidie ihori rayen che ghwu-u, erhanre rayen che fu-u, ke ayen cha dia ometuo keẹ ihwo ejobi.

Jerimaya 30:11

Kidie mi nene uwe dia vwo sivwi uwe, eriyin Ọrovwohwo tare, mi che guẹ irere na ejobi ẹdjọ ohri rẹ ihwo re me hra ovwan ra na, ẹkẹvuọvo mi che ghwọrọ ovwa-an re-e. Me cha ghwọ umuchẹghwọ ku ovwan O vwo obo re sorọ ri mi vwo je ovwan ehwe-e.

Izikiẹl 20:38

Ki mi si ihwo ri muẹkpahe ihwo nẹ ohri rẹ ovwan, kugbe ihwo re chọ urhi mẹ; kẹ mẹ cha reyọ ayen nẹ otọ rẹ ayen da hẹ ọrhorha na, ẹkẹvuọvo ayen cha vwẹriẹ otọ rẹ Izrẹl na-a, Ọke yena kẹ ovwan riẹn nẹ mẹvwẹ ọye Ọrovwohwo na.

Izikiẹl 5:12

Ẹkẹn erha wẹn ki che ghwu ughwu rẹ emiavwe, owẹvwe kọ cha torhẹ vwẹ uherevie wẹn; ẹkẹn erha ọfa ko ghwu ughwu rẹ ọlọkọ riariẹ owẹ; ẹkẹn erha ro chekọ ke me hra nene odju ejobi ke yoro ọlọkọ nẹ ako rhe nene ayen.

Daniẹl 9:27

Ọ vẹ ihwo buebu ke cha re ọphọ ọgangan vwẹ edidjana ọvo; ubro rẹ edidjana ọfa izobo re zeri kọ daji, vwẹ enu rẹ ibekpe rẹ ẹguegbe, kọye ohwo ọvo rọ cha kua fiọtọ che nurhe, bẹsiẹ ra cha vwọ kpare oba rẹ urhi rọye na ku ọ ro gburhi na.

Emọs 9:10

Iruimwemwu rẹ hẹ ohri rẹ ihwo mẹ ejobi che ghwu ughwu rẹ ọlọkọ, re tanẹ, umiovwo che se te avwanre oma-a.

Zẹfanaya 3:12

Kidie ki mi che ji ihwo evo vwẹ uherevie rẹ ovwan ihwo dẹndẹn re vwẹ oma kpotọ. Ayen ke cha djẹ sioma nu vwẹ ọde rẹ Ọrovwohwo na,

Malakae 3:5

Ki mi che si kẹre owẹ vwẹ orhiebro; ke me cha dia oseri rẹ okpakpa kpahe ebuepha na, kugbe igberadja na, kugbe otu ri duvwu iyori rẹ ogbarogba na, vẹ otu re ghwa otu re durhie iruo ria na, vẹ otu ri kpokpo eme-phrorivwi vẹ eyauku, otu ri gerẹ erhorha phihọ akakọ, ri jẹ oshọ mẹ ẹdjẹ na; eriyin Ọrovwohwo rẹ otuofovwi na tare.

Matiu 22:7

Ẹkẹvuọvo ivun de miovwi ovie na; o de ji usun rẹ ofovwi rọye nẹ i re hwe izighẹ na, rere ayen torhẹ orere rayen na.

Iyẹnrẹ Esiri ri Mak 13:20

Ọ dianẹ kẹ Ọrovwohwo gbi bru ẹdẹ na krẹ-ẹ, ohwo rọ rhọ gbe dia-a; ẹkẹvuọvo vwi fiki rẹ otu ra jẹreyọ na, ọye o vwo ru ẹdẹ na krẹ.

Ẹvwọphia 16:19

Orere rode na da bẹre ẹbẹre erha, irere rẹ ẹgborho na de ghwie she, Ọghẹnẹ da rhe karohọ Babilọn orere rode na, a da vwẹ uko rẹ ophu rọye kẹ da.