Zekaraya 12:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Vwẹ ẹdẹ yena Ọrovwohwo kọ cha vwẹ ekpọfia kẹ ihwo ri Jerusalẹm rere ihwo re ma vwiẹrẹ vwẹ ohri rayen vwọ họhọ Devid, re uwevwi ri Devid vwọ họhọ Ọghẹnẹ, kere amakashe rẹ Ọrovwohwo vwẹ uyovwi rayen.

Zekaraya 12:8 ပူးပေါင်းရင်းမြစ်များ

Une rẹ Ejiro 8:5

Dede na wọ marọ kpotọ emerha nọ Ọghẹnẹ, wọ da vwẹ erhu rẹ urinrm vẹ ọghọ vwo tughẹ.

Une rẹ Ejiro 82:6

Me tare nẹ, Ovwan ẹdjọ, emọ rẹ ọ ro Me Kpenu, ovwan ejobi ruẹ;

Ẹyano 14:19

Etiyin amakashe rẹ Ọghẹnẹ rọ ka obaro kẹ ihwo rẹ Izrẹl na de kpo obuko rayen; osunsun rẹ egho de nẹ obaro rayen rhi mudia obuko rayen,

Ẹyano 33:2

Ki mi ji amakashe ka obaro kẹ wẹ, ke Me djẹ ihwo ri Kenan, ihwo rẹ Amor, ihwo ri Het, ihwo ri Pẹriz, vẹ ihwo ri Hiv, kugbe ihwo ri Jebus.

Aizaya 30:26

Ọ rọ ma rho urhukpẹ re emeranvwe kọ cha họhọ orẹmrẹ rẹ ọnre, ọremre re ọnre kọ rhọ asakueghwre kere orẹmrẹ rẹ edẹ ighwrẹ, vwẹ ẹdẹ rẹ Ọrovwohwo da cha gba ora rẹ ihwo rọye, ko sivwi ora rẹ ọye ọvo bruru.

Aizaya 31:4

Kidie enẹ Ọrovwohwo ta ke vwẹ, Kirobo rẹ okpohrokpo eyẹ omo rọye guan siẹ ro de mu eranvwe na, esie re de se isuigodẹ ne ayen gba vwọ tua yẹ unuebo rayen guegue-e yẹ udu re edo na ji bro-o, eriyin Ọrovwohwo re otuofovwi na che wotọ rhe rhe họnre vwe Ugbenu ri Zayọn kugbe igbenu rẹ itete na.

Aizaya 33:24

O gbi vwo ohwo re orere na ọvuọvo rọ sa tanẹ, Me mwọga-a, ihwo re dia Etiyin ka vwe orukuruku rayen ghovwo ayen

Aizaya 49:7

Enẹ Ọrovwohwo tare, Ọtan rẹ Izrẹl kugbe Ọfuanfon Ọvuọvo rọye na, vwọ ke ọvo ra jẹfia gangan, ro tu ẹgborho na oma, odibo rẹ isun na. Ivie ke mrẹ ki vrẹn; isun, kugbe ayen ki she diguẹ; fiki rẹ Ọrovwohwo, rẹ ohwo rẹ uyota, Ọfuanfon Ọvuọvo rẹ Izrẹl na, rọ je wẹn reyọ na.

Aizaya 53:3

A jẹrẹfia ihwo serọ, ohwo re oja, ivuemiovwo rierierẹ oma, kerẹ ohwo ra mrẹ si opharo djẹ, a jẹrẹfia, avwanre sere gbe ohwo-o.

Aizaya 63:9

Vwẹ evun rẹ ukpokpogho rayen ejobi ọye e kpokpori, amakashe rẹ opharo rọye ri sivwi ayen, vwẹ evun rẹ ẹguọnọ kugbe ehrọre rọye ọ da tan ayen, Ọ kpare ayen kpenu ọ de mu ayen vwẹ ọke rẹ awanre ejobi.

Jerimaya 27:10

Kidie ofian ayen mraro rọye kẹ ovwan na, oba rọye ke che si ovwan nẹ otọ rẹ ovwan na shesheri. Ke me djẹ ovwan kufia, ovwan ke cha ghwọrọ kufia.

Hosia 1:7

Ẹkẹvuọvo me re ehrọre rẹ uwevwi ri Juda, ki mi sivwi ayen vwẹ oma rẹ Ọrovwohwọ rẹ Ọghẹnẹ rayen, Me vwẹ umurhabọ sivwi aye-en, eyẹrẹ ọlọkọ, eyẹrẹ ofovwi eyẹrẹ Iyesi, eyẹrẹ ihwo re gua iyesi.

Hosia 12:3

Vwẹ obo evun ọ da yọnre uchukrowọ rẹ oniọvo rọye, ro vwo te omiragua ọ vẹ Ọghẹnẹ de muabọ.

Hosia 3:5

Ukoko rọye emọ rẹ Izrẹl ki rhivwi rhe rhe guọnọ Ọrovwohwo rẹ Ọghẹnẹ rayen, kugbe Devid rẹ ovie rayen, ayen ki bru Ọrovwohwo rhe vẹ oshọ kugbe ughwẹ rẹ esiri rọye vwẹ ukoko rọye.

Joẹl 3:10

Duvwu ighwro wẹn phihọ elọkọ, ibiakpa wẹn phihọ ibiri; jẹn ọvwiẹrẹ tanẹ, Mẹvwẹ ọgba ofovwi.

Livitikọs 26:8

Ihwo iyori ke djẹ ujori, ujori rẹ ovwan ke djẹ uriori ihwe; ivwighrẹn re ovwan ejobi kẹ oda e wan ghwu.

Maika 5:8

Umuku ri Jekọp ro chekọ ke cha dia ohri rẹ ẹgborho na, vwẹ ohri rẹ ihwo buebu, kerẹ okpohrokpo vwẹ ohri rẹ eranvwe rẹ aghwa, kerẹ upene rẹ okpohrokpo vwẹ ohri rẹ ekru rẹ igegede, ọ da dianẹ ẹ wanvrẹn, ko chiyi ayen muotọ ọ me chẹghẹ kẹnẹ kẹnẹ, o rhe vwo ohwo ro sivwo-o.

Maika 7:16

Ẹgborho na ke mrẹ oma rẹ ẹgba rayen, ayen ke vwẹ abọ rayen rhurhu unu rayen; erhọn rayen ki che di;

Maika 7:8

Wọ ghọghọ ovwẹ-ẹ, E ọvweghrẹ mẹ. mi de she, mi ji che vrẹn; ọke mi de tidia vwẹ evun rẹ ebri, Ọrovwohwo cha dia urhukpẹ kẹ vwẹ

Zekaraya 10:7

Etiyin re Ifrem kọ cha họhọ ọgbọfovwi rode, udu rayen cha ghọghọ kerẹsiẹ ra mrẹ nẹ ayen da wain. Emọ rayen da mrẹ, oma kọ vwerhe ayen, udu rayen ke ghọghọ vwẹ evun rẹ Ọrovwohwo na .

Zekaraya 2:5

Kidie Me cha dia igbẹhẹ rẹ erhanre riariẹ phihọ, Ọrovwohwo tarọ, me cha dia urinrin vwẹ evun rọye.

Zekaraya 9:14

Etiyin Ọrovwohwo kọ cha vwẹ oma phia kẹ ayen odada rọye kọ yanran kerẹ enu rọ nyavwaro. Ọrovwohwo Ọghẹnẹ che hworo owanre na, ọ Me yan phia vwẹ odju rẹ ovwre re hẹ obọrhe ọnre.

Zekaraya 9:8

Etiyin re ki mi muerhọn riarẹ-ẹ uwevwi mẹ kerẹ ọrhẹrotọ, rere ohwo ọvuọvo vwo jẹ yan cha yan kpo vwọ; ohwo gbi shenyẹ ayen ọfa-a, kidie Me vwẹ ibiẹro mẹ mrẹ re.

Malakae 3:1

Nighe, mi ji ikọn mẹ rọ ra rhuẹrẹ idjerhe hẹrhẹ ovwẹ, Ọrovwohwo rẹ ovwan guọnọ na cha rhe uwevwi rọye kpregede; ọyinkọ rẹ ọphọ na rọ vwerhe ovwan oma na, nighe, ọ rọ cha, eriyin Ọrovwohwo rẹ otuofovwi na tare.

Matiu 1:23

Nighe, ọmọtobẹ cha mrevun, ko vwiẹ ọmọshare, ke se odẹ rọye Immanuẹl, otọ rọye Ọghẹnẹ vẹ avwanre herọ.

Ọbe ri Pọl si rhe Ihwo ri Rom 9:5

ayen a vwẹ esẹ ride na kẹ, uvwiẹ rayen, vwẹ ọ rẹ ugboma, kọye Kristi nurhe. Ọghẹnẹ rọ hẹ enu rẹ ayen ejobi ọye ebruba kẹ bẹdẹ. Isẹ.

1 Timoti 3:16

Ẹtẹkuẹte, oye hẹ ẹrhọvwọ, rẹ igbunu rẹ egagọ rẹ avwanre na; Ọ rọ phiare vwẹ ughoma, ẹ Erhi Ọfuanfon brorhiẹ kẹ, rẹ emakashe mrẹre, re ghwoghwori vwẹ ohri rẹ ẹgborho na, re segbuyota vwẹ akpọ na, re mu kpenu vwẹ urinrin.

Hibru 11:34

ri furhie ogidi-erhanre, re vabọ rẹ ọlọkọ, ri nẹ ọvwiẹre ra ro ọgba, re dia egba vwẹ ofovwi, re vẹn unuofovwi rẹ erhorha.

Joshua 23:10

Ohwo ọvo vwẹ ohri rẹ ovwan sa djẹ ihwo uriori, kidie Ọrovwohwo Ọghẹnẹ rẹ ovwan re họnra kẹ ovwan, kirobo ro ve kẹ ovwan.

Ẹvwọphia 22:13

Mẹvwẹ hẹ Ẹsosuọ kugbe Oba, ẹtuọhọ kugbe ure.

Ẹvwọphia 22:16

Mẹvwẹ ri Jesu ri ji amakashe mẹ rhe we ro se iseri nana kẹ ishọshi na. Mẹvwẹ hẹ owọ kugbe upene ri Devid, isio rẹ irhiọke ro lo.