Zekaraya 12:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Vwẹ ẹdẹ yena mi che ru Jerusalẹm oragha ọhọhọ kẹ ihwo na ejobi; ihwo re kpaerọ ejobi ke wọma rayen brabra. Ẹgborho na ejobi ki che koko oma vwọ suọ.

Zekaraya 12:3 ပူးပေါင်းရင်းမြစ်များ

Aizaya 60:12

Kidie ẹgborho na vẹ uvie na re ga we-e na ke ghwọrọ kufia, ẹgbọrho yena ke ghwọrọ kufia tototo.

Ọbe rẹ Ọmraro Ọbadaya Obadaya 1:18

Uwevwi ri Jekọp kọ dia kerẹ erhanre, uwevwi ri Jọsef kẹ ọgidi erhanre, uwevwi ri Isọ kẹ ehẹbe, ke ayen torhẹ ayen ka ghwọrọ ayen, ọ gbi che vwo ohwo ovuọvo ro ghwu chekọ vwẹ uwevwi rẹ Isọ-ọ. Kidie Ọrovwohwo na ye tarọ.

Maika 5:15

Vwẹ ivuemiovwo vẹ ophu mẹ ke Me reihri vwẹ obọ rẹ ẹgborho ri jẹ ọghọ emuo.

Maika 5:8

Umuku ri Jekọp ro chekọ ke cha dia ohri rẹ ẹgborho na, vwẹ ohri rẹ ihwo buebu, kerẹ okpohrokpo vwẹ ohri rẹ eranvwe rẹ aghwa, kerẹ upene rẹ okpohrokpo vwẹ ohri rẹ ekru rẹ igegede, ọ da dianẹ ẹ wanvrẹn, ko chiyi ayen muotọ ọ me chẹghẹ kẹnẹ kẹnẹ, o rhe vwo ohwo ro sivwo-o.

Habakọk 2:17

Emu ozighi re ru ki Lẹbanọn ko che shenyẹ wẹn; ẹghwọrọ rẹ eranvwe na kọ cha djẹ uguegue mu we, fiki rẹ ọbara rẹ ihwo kugbe ozighi re gbe vwẹ otọ na, ke irere kugbe ihwo re dia evun rẹ ayen.

Zẹfanaya 3:19

Nighẹ, vwẹ ọke yena ki mi hirhe opharo ku otu ri shenyẹ wẹ. Ki mi sivwi ukpono ki mi se otu ra djẹ kufia koko, ki mi wene omaevuọ rayen phihọ ejiro ki mi kperi usi vwẹ akpọ na.

Hegae 2:22

ke kporo ekete rẹ uvie she, Me cha guọghọ ogangan rẹ uvie vẹ ẹgborho na, e mi geri ekpẹrẹ na vẹ otu re gua ayen she teye otọ, ọlọkọ rẹ ọrivẹ rayen kọye cha nyavwe ọrivẹ she.

Zekaraya 12:11

Omemuohọ vwi Jerusalẹm vwẹ ẹdẹ yena kọ họhọ oma rẹ mu phihọ kẹ Hadadrimmọn vwẹ uphephẹ ri Mẹgiddo.

Zekaraya 12:4

Vwe ẹdẹ yena, Ọrovwohwo na tare, Me cha vwẹ uguegue teye iyesi kiyesi, Me Me rha vwẹ orhuẹ mu ohwo rọ gua. Ẹkẹvuọvo mi che rhie ẹro mẹ phihọ ke uwevwi ri Juda, ọke re Me da vwẹ eruedje teyọ iyesi kiyesi rẹ ihwo na nu.

Zekaraya 12:6

Vwẹ ẹdẹ yena ki mi ru orua ri Juda họhọ ochẹ rọ vwara vwẹ uherevie rẹ erhanre, họhọ urhukpẹ rọ la vwe ohri rẹ ekrẹbe; ayen ke guọghọ ihwo re yariẹ obọrhe vẹ obọhwẹre ejobi phihọ yẹ a je dia Jerusalẹm kirobo rọ epha jovwo .

Zekaraya 13:1

Vwẹ ẹdẹ yena ogbugbu ko rhie phihọ kẹ uwevwi ri Devid vẹ ihwo re dia Jerusalẹm rọ vwọ hworhẹ ayen fon nẹ umwemwu vẹ ijẹfuọn.

Zekaraya 14:13

Vwẹ ẹdẹ yena anegbe rode ko nẹ obọ re Ọrovwohwo rhe rhi she teye ayen, aye ohwohwo ke yọnrọn ohwohwo obọ, aye ohwohwo ke cha họnrọ ohwo.

Zekaraya 14:6

Vwẹ ẹdẹ yena ekpahe vẹ imicho gbe dia-a.

Matiu 21:44

Ohwo ro she teyọ oragha nana kọ guọghọ yẹghẹyẹghẹ; ẹkẹvuọvo oragha na de she nyẹ ohwo kọ guọghọ ivwivwuvwu.

Iyẹnrẹ Esiri ri Luk 20:18

Kohwo kohwo ro she teye oragha yena ko vwirhi ibribro; ẹkẹvuọvo o de rhe she nyẹ ohwo kọ guọghọ vworo vworo.

Ẹvwọphia 16:14

kidie enana irhi rẹ idẹbono, ri ruẹ iruo rẹ eka, re hrabọ bru ivie rẹ akpọ na ejobi, ri se ayen koko ra hẹrhẹ ofovwi rẹ ẹdẹ rode rẹ Ọghẹnẹ Ọrovwoẹgba na.