Zekaraya 12:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ota rẹ Ọrovwohwo kpahe Izrẹl: Enẹ Ọrovwohwo tare, ohwo rọ ma enu rọ mama akpọ na ro phi erhi phihọ ohwo oma.

Zekaraya 12:1 ပူးပေါင်းရင်းမြစ်များ

Jẹnẹsis 1:8

Ọghẹnẹ de se irharheghe na Odjuvwu. Te ovwọnvwọn te irhiọke da dia ẹdẹ rivẹ.

Jẹnẹsis 2:7

kọye Ọrovwohwo Ọghẹnẹ da vwẹ ekpẹn rẹ otọ na vwọ ma ohwo, ọ da wẹn ẹwẹn rẹ arhọ na phihọ iwen rọye, ohwo de hirhe ohwo ọkpokpọ.

ỌBE RẸ JOB 26:7

Ọ riẹn obenu na phihọ enu rẹ odiodi, ọ da vwẹ akpọ na ya enu rẹ odiodi.

ỌBE RẸ JOB 37:18

Ku wọ sa vwẹ ẹro kere ru wọ da riẹn irharheghe na vwọ hwa, rọ gan kpohro kerẹ ughegbe ro djeri?

Une rẹ Ejiro 104:2

We rọ vwẹ orẹmrẹ phopho oma kerẹ ewun, we re riẹn odjuvwu na phihọ kerẹ ibọkpọ,

Une rẹ Ejiro 134:3

Jẹn Ọrovwohwo na bruba kẹ wẹ nẹ Zayọn rhe, ọ rọ ma odjuvwu vẹ akpọ!

Aghwoghwo 12:7

Rẹ iwurhie vwo rhivwi kpo ekpẹn kirobo rọ epha jovwo, erhi na de rhivwi bru Ọghẹnẹ ro vworo.

Aizaya 40:12

Ọ rọ vwanvwọn ame na phihọ okokodo rẹ obọ rọye ọ da vwẹ isabọ vwọ ma odjuvwu na, o da ghwẹ iwurhie rẹ akpọ na phihọ uchunu, ọ da vwẹ uwan vwọ vwanvwọn igbenu na, igbenu rẹ itete na kẹ uwan?

Aizaya 40:22

Ọye ri tidia phihọ usikẹ rọ hẹ obenu rẹ akpọ na, ihwo re dia ejobi họhọ ebaka; ohwo rọ vwẹ odjuvwu tan kerẹ amwa, rọ vwe rọ tan kerẹ utughẹ ra dia;

Aizaya 42:5

Enẹ Ọghẹnẹ tare, Ọrovwohwo na, rọ ma idjuvwu rọ da nabọ riẹn phihọ na, rọ riẹn akpọ na phihọ vẹ obo re djẹ no rhe ejobi, rọ vwẹ ẹnwẹn kẹ ihwo re dia evun rọye kugbe erhi kẹ ihwo re yan vwẹ evun rọye.

Aizaya 44:24

Enẹ Ọrovwohwo tare, Ọtan wẹn, rọ mama owẹ nẹ evun rhe: Mẹvwẹ Ọrovwohwo, rọ ma emu ejobi rẹ ọye ọvo vwẹ idjuvwu na tan, rọ riẹn akpọ na phihọ–Kono vẹ ovwẹ gba herọ

Aizaya 45:12

Mẹvwẹ re ma akpọ na, Me da ma ohwo phihọ enu rọye, obọ mẹ me vwọ riẹn idjuvwu na phihọ, Mẹvwẹ re vwẹ urhi kẹ otu rẹ herọ ejobi.

Aizaya 45:18

Kidie enẹ Ọrovwohwo tare, rọ ma idjuvwu na (ọye Ọghẹnẹ) rọ mama otọ na rọ maro (ọye muro vi) ọ vwẹ ozighi ma-a, o marọ ra vwọ dia. Mẹvwẹ Ọrovwohwo na, o gbi vwo ọfa-a.

Aizaya 48:13

Obọ Mẹ Me vwọ tọn uchivwo rẹ otọ na, obọrhe Mẹ re riẹn idjuvwu na phihọ ọke Mi vwọ sa ayen ayen de mudia kugbe.

Aizaya 51:13

rẹ Ọrovwohwo chọẹro, Ọ rọ Ma wẹ, rọ riẹn odjuvwu phihọ rọ tọn uchivwo rẹ akpọ na phihọ, rọ djẹ oshọ kẹdẹ kẹdẹ fiki rẹ ophu rẹ ohwo ro shenyẹ ihwo na, ro phi oma rọye phihọ oghwọrọ? Ki tivo ophu rẹ ohwo ro shenyẹ na epha?

Aizaya 57:16

Kidie mi dje ẹghwọ ẹghwọ bẹdẹ-ẹ, eyẹ ivunvun ri miovwo uvwe bẹdẹ-ẹ; kidie obọ Mẹ erhi nẹ cha, Mẹvwẹ re ma ẹnwen rẹ arhọ na.

Jerimaya 10:12

Ọye vwẹ ogangan rọye ma akpọ na ohwo rọ vwẹ aghwanrc rọye mu akpọ vi, je vwẹ ọhọ rọye riẹn idjuvwu na phihọ.

Jerimaya 30:10

Wọ gbe djẹ oshọ-ọ, E Jekọp odibo mẹ, eriyin Ọrovwohwo tare, wo bru udu-u, E Izrẹl, kidie gbe no, mi che sivwi we nẹ ogboko rhe, emọ wẹn nẹ otọ rẹ ighuvwu rhe. Jekọp che rhivwi rhe o mi vwo ofuvwegbe, ohwo ro djẹ osho muo gbe dia-a.

Jerimaya 30:16

Ọtiọye na ihwo ri mu ovwan rọ ejobi ke ji mu ayen rọ ivwighrẹ rẹ ovwan ejobi, ọvuọvo rayen, ki kpo imu, otu re ghwa ovwan reyọ ejobi ka je ghwa ayen reyọ, iri shenyẹ ovwan ejobi ke ji shenyẹ ayen rhe.

Jerimaya 38:16

Ọye Ovie Zedikaya da bẹbẹ ve kẹ Jerimaya, kirobo rẹ Ọrovwohwo herọ na, rọ ma ẹnwẹn ejobi, mi che hwe we-e, me je reyọ o wẹn kẹ ihwo nana re guọnọ arhọ wẹn na-a.

Jerimaya 50:34

Ọ rọ tan ayen hirhe na ogba ọgangan, Ọrovwọhwo rẹ otuofovwi na ọye odẹ rọye. O che mie ayen unu vwo gun, rere ọ vwọ mrasan kẹ akpo na omerovwo, ẹkẹvuọvo ọdjorho kọye dia kẹ ihwo ri Babilọn.

Jerimaya 51:15

Ọ rọ vwẹ ogangan rọye ma akpọ na, rọ vwẹ aghwanre rọye mu akpọ na vi, rọ vwẹ erianriẹn rọye na vwọ riẹn idjuvwu phihọ.

Uvwerhe 2:14

Emraro wẹn mraro rẹ efian vẹ ọphiẹnvwẹ kẹ wẹ, ayen se tue orukuruku wẹn phia-a rọ vwẹ ughwe wẹn rhivwi rhe, ẹkẹvuọvo kẹ ayen bọ epha rẹ efian ro suẹn ohwo ghwrẹ.

Izikiẹl 18:4

Nighe, erhi ejobi eme, erhi ro ru umwemwu ko ghwu.

Joẹl 3:19

Ijipt kọ cha rhoma dia ofefe Edom kọ cha dia aghwa ofefe ghevweghe, fiki rẹ emu ogbarogba re ru kẹ ihwo ri Juda, kidie ayen sun ọbara rẹ ekun te otọ vwẹ otọ rayen.

Joẹl 3:21

Ki mi reihri rẹ ọbara rayen, Me cha hworhẹ ihwo rẹ abe-e, kidie Ọrovwohwo na re dia Zayọn.

Zekaraya 9:1

Ota rẹ Ọrovwohwo ta kpahe otọ ri Hadrak ro she kpahe Damaskọs. Kidie Ọrovwohwo ri vwo irere rẹ Aram, kugbe uvwiẹ re Izrẹl ejobi;

Malakae 1:1

Ena eta rẹ epha rẹ Ọrovwohwo rẹ Malakae bọ kẹ Izrẹl.

Ukeri 16:22

Ayen de she bọvwọn epharo rayen rhu otọ, ayen da ta, E Ọghẹnẹ, Ọghẹnẹ rẹ irhi rẹ ihwo rẹ akpọ na ejobi, kẹ ohwo ọvo de ru umwemwu kọye wo vwo mu ophu kpahe ihwo rẹ ukoko na ejobi?

Hibru 12:9

Ọfa, ọsẹ rẹ aruakpọ na ghwọ kuẹ avwanre avwanre mi mu ọghọ kẹ ayen. Kẹ avwanre rhe se mu ọghọ kẹ Ọsẹ ro vwo irhi ejobi re wa rhọ-ọ?