Zekaraya 11:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ọtiọye Me rhe dia osuigegede rẹ igodẹ re reabe rẹ ughwu na vwọ kẹ otu rẹ chua eki rẹ igodẹ na. Me reyọ ekpọ ivẹ; mi de se ọvo Ẹserọphẹ, ọrivẹ mi de rhe se okugbe. Me da ghẹrẹ igodẹ na.

Zekaraya 11:7 ပူးပေါင်းရင်းမြစ်များ

Une rẹ Ejiro 23:4

Owenẹ me yan vrẹn iyara rẹ uhoho rẹ ughwu, Me djẹ oshọ rẹ emu umwemwu-u; kidie wọ vẹ ovwẹ herọ ọkpọ kugbe ugbọphogho wẹn sa vwẹ ufuoma kẹ vwẹ.

Une rẹ Ejiro 27:4

Emu ọvo me nọ vwẹ obọ rẹ Ọrovwohwo, re me guọnọ; re me sa vwọ dia uwevwi rẹ Ọrovwohwo, vwẹ ẹdẹ rẹ akpọ mẹ ejobi, re mi e ni erhuvwu rẹ Ọrovwohwo na, rere me agọlọ vwẹ uwevwi rọye.

Une rẹ Ejiro 90:17

Jẹn ẹroesiri rẹ Ọrovwohwo Ọghẹnẹ re avwanre dia uyovwi rẹ avwanre, rere wo ru iruo rẹ abọ rẹ avwanre ghwa otọ ke avwanre, e, iruo rẹ abọ rẹ avwanre vwọ ghwa otọ.

Aizaya 11:4

ẹkẹvuọvo ọvwata o vwo guẹdjọ rẹ ivwiogbere, o Me vwẹ ẹghwanre brorhiẹ rẹ ihwo dẹndẹn rẹ akpọ na, kọ cha vwẹ ọkpọ rẹ unu rọye ghwie akpọ na, ẹnwẹn rẹ unu rọye ọ vwọ hwẹ iruimwemwu

Aizaya 40:11

Ọ ghẹrẹ uchuru rọye kerẹ osuigodẹ, o mu emọ rẹ igodẹ na phihọ igbabọ rọye, ọ mu ayen phihọ agada rọye, ko sun e re ghẹrẹ emọ dẹndẹn.

Aizaya 61:1

Erhi rẹ Ọrovwohwo Ọghẹnẹ ọ he oma mẹ, fikiridie ọ vwẹ evwri ghworo uvwe Me vwọ ghwẹ ikun esiri na rhe ihwo re kpokpo, o ji vwe rhe gba udu ro vwirhiri koko, rhi ghwoghwo egbemọphẹ kẹ ighuvwu, esiobọno kẹ ihwo re hẹ uwodi;

Jerimaya 39:10

Nebuzaradan, onotu rẹ ohẹrhẹ na, de jẹn ivwiogbere evu vẹ ihwo ri vwo emuọvo-o vwo vwẹ otọ ri Juda, ọ da kẹ ayen ogba ri vain vẹ idju vwẹ ọke yena.

Livitikọs 27:32

Arhọghọ rẹ eranvwe ke rha ọna, owene ọ dia erhuẹn eyẹ ẹvwe vẹ igodẹ, eranvwe ọvuọvo vwẹ usun rẹ eranvwe ihwe re osuigegede suẹn, kọ dia ọfuanfon kẹ Ọrovwohwo na.

Maika 7:14

Vwẹ ọkpọ wẹn sun ihwo wẹn, igegede re wọ vwọ reuku, rẹ ayen ọvo dia evun rẹ egbo ọvo sogolo vwẹ ohri rẹ okogbe; jẹn ayen ghẹrẹ oma vwo Bashan vi Gilẹad kerẹ ọke rẹ awanre.

Zẹfanaya 3:12

Kidie ki mi che ji ihwo evo vwẹ uherevie rẹ ovwan ihwo dẹndẹn re vwẹ oma kpotọ. Ayen ke cha djẹ sioma nu vwẹ ọde rẹ Ọrovwohwo na,

Zekaraya 11:14

Etiyin o de vwirhi ọkpọ Mẹ rivẹ re se Okughe, rẹ imoni re herọ vwẹ uvwre ri Juda vẹ Izrẹl.

Zekaraya 11:4

E nẹ Ọrovwohwo Ọghẹnẹ mẹ na tare: Ofori rere osuigegede na vwọ re abe rẹ ehwe,

Matiu 11:5

orhuẹro mrẹ orẹ, okpolo yanre, ehonvwoti e sivwi ayen, idierhọ nyo ẹme, irivwi vrẹre, iyẹnrẹ esiri na eghwoghwiro kẹ igbere.

Iyẹnrẹ Esiri ri Mak 12:37

Ekpuyovwi ri Devid sere Ọrovwohwo; kemavọ ọ rha vwọ dia ọmọ rọye? Ihwo buebu da vwẹ aghọghọ kerhọn rọye.

Iyẹnrẹ Esiri ri Jọn 10:16

Mi ji vwo igodẹ efa, re je dia evun rẹ ogba na-a; me je cha reyọ ayen rhe, ayen ki nyo urhuru mẹ. Ọtiọye na ekru rẹ igodẹ ọvo re cha dia, osuigegede ọvuọvo.

Jems 2:5

Ovwan kerhọn, imoni mẹ re ghare. Ọ dia Ọghẹnẹ ọvo re sanọ ihwo rẹ akpọ se nẹ ovwiogbere na nẹ e rhe dia edafe rẹ esegbuyota kugbe ireuku rẹ uvie ro veri kẹ otu re guọnerọ na?

1 Samuẹl 17:40

Etiyin ọ da reyọ ọkpọ rọye, o da sanọ ibieragha rioriorio iyori nẹ evun rẹ umuto na rhe, o de phi ayen phihọ ekpu rẹ ibefi rọye; ọda yọnrọn udorokun vwẹ ọbọ rọye, ọ de si kẹrẹ ohwo ri Filistia na.

1 Samuẹl 17:43

Ohwo ri Filistia na da ta kẹ Devid, Mẹvwẹ eranko, ru wọ vwọ kua ikpokpo bru vwe cha? Ohwo ri Filistia na da vwẹ ẹdjọ rọye duvwu Devid iyori.