Zekaraya 11:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Kerhọn, re ọmaebere rẹ isuigegede na, kidie a ghwọrọ urinrin rayen re! Kerhọn, rẹ ekpere rẹ ikpohrokpo na, kidie oghwaghwo ri Jọdan ghwọrọ totọ re!

Zekaraya 11:3 ပူးပေါင်းရင်းမြစ်များ

Une rẹ Ejiro 22:21

Sivwi uvwe nẹ unu rẹ okpohrokpo, erhi mẹ vwo nẹ ọdjarhe rẹ ighoro re ọharhare.

Aizaya 5:29

Edo rayen kiri okpohrokpo, ayen do kerẹ emọ rẹ okpohrokpo ayen gua gbako phihọ emu rayen, ayen mi kpono yanran, ohwo ọvuọvo sa karhiẹ mie aye-en.

Aizaya 65:15

Wọ cha yan jẹ odẹ wẹn vwo kẹ ọ re Me jẹreyọ na vwọ harhe ekan, Ọrovwohwo rẹ Ọghẹnẹ ko ghwie we hwe, ẹkẹvuọvo idibo rọye ko mu odẹ ọfa kẹ ayen.

Jerimaya 2:15

Ikpohrokpo re kperẹ nene, ayen re kperẹ gangan, Ayen ru otọ rọye ofefe; irere rọye hẹ evun rẹ oghwọrọ ihwo gbe hẹ ayẹ-en.

Jerimaya 2:30

Mi hwe emọ rẹ ovwan dede na, yẹn ayen vwiro ku obọ rhẹriẹ-ẹ, Ọlọkọ rẹ obọ wẹn hwe emraro wẹn kerẹ okpohrokpo rọ chẹghẹ emu.

Jerimaya 26:6

ki mi che ru uwevwi nana kerẹ Shilo ki mi ji ru orere nana ekan vwọ ke irere re akpọ na ejobi.

Jerimaya 49:19

Kirobo rẹ okpohrokpo pho nẹ egbo ri Jọdan cha ro ogba ọgangan rẹ igegede ye, mi che ru ayen ra da djẹ jovwo kpregede, ohwo ro jevwe kọye me cha sanọ nọ re vwẹ enu rọye, Kidie ono re họhọ ovwẹ? Ono ri si ọbe se vwe?

Jerimaya 50:44

Nighe, kirobo rẹ okpohrokpo nẹ oghwaghwo ri Jọdan cha vwọ so ogba rẹ igegede ye, mi che ru ayen re djẹ jovwo kpregede, ohwo ro jevwe kọye mi vwo mu vwẹ enu rọye. Kidie kono họho ovwẹ? Ono che si ọbe se vwe? Didi osuigegede se mudia vwẹ obaro mẹ?

Jerimaya 7:4

Wo se eta rẹ ephiẹvwẹ nana gbuyota-a: Ọnana uwevwi rẹ Ọrovwohwo, uwevwi rẹ Ọrovwohwo na, uwevwi rẹ Ọrovwohwo na.

Izikiẹl 19:2

re wọ ta: Didie okpohrokpo oni wẹn epha vwẹ ohri rẹ ikpohrokpo na! O de fiọnko vwẹ uherevie rẹ emọboba rọye, rọ ghẹrẹ emọ rọye.

Hosia 10:5

Ihwo ri Samiera re muẹ phariẹ fiki rẹ ọmọ rẹ erhuẹn ri Bẹtaven. Ihwo rọye ki che muomahọ kẹ, irherẹn rẹ edjọ rayen ki che muomahọ kẹ, fiki rẹ urinrin rọye ro muro oma.

Joẹl 1:13

Vwẹ esiso rhuo re wọ viẹ, E irherẹn na berọma, E otu ri gbe odibo vwẹ enu rẹ agbada na Ro uwevwi, vwẹ esiso rhuo shevwerhẹ. E otu ri gbe odibo kẹ Ọghẹnẹ mẹ! Fikiridie izobo rẹ ọka vẹ izobo rẹ udi e si ayen nẹ uwevwi rẹ Ọghẹnẹ wẹn re.

Emọs 8:8

Otọ na rhe kpogho vwi fiki rẹ ọnana, kohwo kohwo rọ dia evun rọye de muomaphihọ rẹ ayen ejobi de ku reghe reghe kerẹ Nile, ro de phio rhe phio kpo ro ki divwi, kere Nile rẹ Ijipt?

Zẹfanaya 1:10

Vwẹ ẹdẹ yena, Eriyin Ọrovwohwo na tare, ke che nyo unuebo vwẹ obo Anurhoro rẹ Eri na, oviẹ ko che nẹ ubro rẹ orho rivẹ rhe, edo gbragada ko nẹ obo ugbenu na rhe.

Zẹfanaya 3:11

Vwẹ ẹdẹ yena oma gbe cha vo vwẹ-ẹ fiki re uruemu ru we vwo mukpahe ovwẹ; kidie vwẹ ọke yena ki mi che kpono nẹ ohri rẹ ovwan ihwo rẹ ovwan ri herẹ ri mu oma kpenu na, wọ gbe cha dia ohwo rẹ ogbarogba ọfa vwẹ ugbenu ọfuanfon mẹ na-a.

Zẹfanaya 3:3

Inotu rọye re dia evun rọye epha kerẹ ikpohrokpo re guan, iguẹdjọ rọyẹ epha kerẹ ikpohrokpo rẹ ovwọnvwọn ri jẹ emuọvo vwo hẹrhẹ irhiọke-e.

Zekaraya 11:2

Beroma, E owangha kidie igedu she nure kidie irhe ri vwo urinrin na guọghọre! Beroma, ehahe ri Bashan, kidie eshe egbo rode na nure!

Zekaraya 11:8

Vwẹ emeranvwe ọvo Me da ghwọrọ isuigegede erha. Ẹkẹvuọvo mi gbi se chirako raye-en, ayen da vwẹ ovwẹ ru ọvweghrẹ.

Matiu 15:14

We jẹ ayen vwo; irhuẹro ayen ruẹ. Orhuẹro de sun orhuẹro ayen ivẹ ki she phihọ ọgọdọ.

Iruo rẹ Iyinkọn na 7:52

Ono vwẹ usun re emraro na rẹ esẹ rẹ ovwan je kpokpo? Ayen de hwe otu re ke ji rhi ghwoghwo ẹcha rẹ ọvwata ọvuọvo na, ohwo rẹ ovwan vwọ re odọvwẹ we de ji hwe.