Zekaraya 11:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Kidie gbe nighere, Me vwẹ osuigegede ọvo mu vwẹ otọ na rọ cha kerhọn rẹ igegede ri ghwẹ na-a, eye ke guọnọ e re yan ghwrẹ na-a, eyẹ ki sivwi ri ghwu awọ na-a, eye ke ghẹrẹ erẹ oma ganre-e. Ẹkẹvuọvo kọ ria otu rẹ oma ronri, savwe ephiẹ rayen nẹ ayen awọ.

Zekaraya 11:16 ပူးပေါင်းရင်းမြစ်များ

Jẹnẹsis 31:38

Ikpe uje soso Me vẹ ọwẹn vwọ herọ re, ogodẹ wẹn eyẹ ẹvwe wẹn ji vwiẹ chọra-a, mi ji hwe egbo rẹ uchuru wẹn ree.

Jẹnẹsis 33:13

Ẹkẹvuọvo Jekọp da ta, kẹ, Ọrovwovwe riẹnre nẹ emọ na pha mwẹmwẹ, kugbe uchuru na ri vievie na e ro vwẹ ẹwan, a da djẹ ayen kpata kpata nọ ẹdẹ ọvo, uchuru na ejobi ki ghwu.

Aizaya 40:11

Ọ ghẹrẹ uchuru rọye kerẹ osuigodẹ, o mu emọ rẹ igodẹ na phihọ igbabọ rọye, ọ mu ayen phihọ agada rọye, ko sun e re ghẹrẹ emọ dẹndẹn.

Jerimaya 23:2

Ọtioye na enẹ Ọrovwohwo, Ọghẹnẹ rẹ Izrẹl tare, kpahe isuigegede ri nẹ ihwo mẹ: wa hra ukoko rẹ igegede mẹ, wa djẹ ayen ghwru, wa vwẹ ẹro te aye-en. Nighe, Me cha mrẹ ovwan fiki rẹ iruo omiomiovwi rẹ ovwan, eriyin Ọrovwohwo tare.

Jerimaya 23:22

Ọ dianẹ ke ayen mudia vwẹ ẹguare mẹ, manẹ ayen ghwoghwo ota mẹ kẹ ihwo mẹ, manẹ ayen ku ayen rhẹriẹ nẹ idjerhe umwemwu rayen, ji nẹ umiovwo rẹ eyere rayen.

Izikiẹl 34:10

E nẹ Ọrovwohwo Ọghẹnẹ tare, Nighe, mi mukpahe isuigegede na, ke me nọ ekpẹn rẹ igegede mẹ vwẹ obọ rayen, ayen gbe cha ghẹrẹ igegede mẹ na ọfa-a, ekpuyovwi rẹ isuigegede na gbe cha ghẹrẹ oma rayen ọfa-a. Ki mi sivwi igegede mẹ nẹ ugbunu rayen, e gbe dia emuọre kẹ ayen ọfa-a.

Izikiẹl 34:16

Ke me guọnọ i ri ghwruru, i ri suosuo ghwru ke me vwẹ ayen rhivwi rhe, e rẹ awọ rayen vwirhiri ke me gba ayen, e rẹ oma rhọ ke me kẹ ayen ogangan, e re pha tubie tubie kugbe e re oma rayen ganre ke me rhẹrẹ ayen; ke me ghẹrẹ ayen vwẹ uyoyovwi.

Izikiẹl 34:21

Fikiridie wọ vwẹ ẹfẹn biẹ, wọ vwẹ igabọ biẹ, wọ ghwa vwẹ ighoro wẹn dje e re pha mwẹmwẹ na, bẹsiẹ wọ vwọ hra ayen kufia.

Daniẹl 11:36

Ovie na kọ che ru obo ri jere, ko che brọrho o mi rhe mu oma rọye kpenu nọ edjọ kedjọ, kọ cha ta ota rẹ ọdẹ kpahe Ọghẹnẹ ro vwo eghẹnẹ ejobi na. O che yovwo bẹsiẹ rẹ ophu na vwọ gba; fikiridie obo ra jẹ iroro rọye kpahe otọ kẹ jovwo na cha phia.

Iyẹnrẹ Esiri ri Jọn 10:1

Uyota, uyota, me ta kẹ ovwan, ohwo rọ wan anurhoro na ro ogba rẹ igegede na-a ẹkẹvuọvo ọ da ra kpanọ asan ọfa wan, ohwo yena hẹ oji kugbe igbunegbu;