Zekaraya 11:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Rhie ẹchẹ wẹn, E Lẹbanọn, rere erhanre vwọ ghwọrọ igedu wẹn!

Zekaraya 11:1 ပူးပေါင်းရင်းမြစ်များ

Jerimaya 22:23

E ohwo rọ dia Lebanọn, rọ bọn ẹho phihọ ohri ri igedu. Mavọ wọ guan te re odjadja de bru we rhe, ọtie odjadja rẹ aye rọ chuẹ uvwiẹ!

Izikiẹl 31:3

Nighe, me vwẹ owẹ dje igẹdu vwi Lebanọn, vẹ omamọ rẹ eghọn kugbe ophie rẹ egbo, o de gro kpenu gogorogo, ẹroro rọye de kpo obenu nẹghẹ nẹghẹ.

Habakọk 2:17

Emu ozighi re ru ki Lẹbanọn ko che shenyẹ wẹn; ẹghwọrọ rẹ eranvwe na kọ cha djẹ uguegue mu we, fiki rẹ ọbara rẹ ihwo kugbe ozighi re gbe vwẹ otọ na, ke irere kugbe ihwo re dia evun rẹ ayen.

Habakọk 2:8

Fikiridie wo gborho ẹgborho buebu, umuku rẹ ihwo ri chekọ ki che gborho uwe, fiki rẹ ọbara rẹ ihwo kugbe ozighi wo gbe vwẹ otọ na, ru wọ gbe vwẹ irere kugbe ihwo re dia evun rayen.

Hegae 1:8

Yanran kpo obo imigbenu na re wọ ra ghwẹ irhe rhe rere wọ rhe bọn uwevwi na, rere oma vwerhe ovwẹ vwọ, rere me vwẹ oma phia vwẹ evun rẹ urinrin mẹ, eriyin Ọrovwohwo na tare.

Zekaraya 10:10

Mi che si ayen nẹ otọ rẹ Ijipt rhe uwevwi, koko ayen ne Asiria rhe, Me Me vwẹ ayen rhe otọ rẹ Giliad vẹ otọ ri Lebanọn, bẹsiẹ re asan vwo jẹ ayen ẹgba.

Zekaraya 11:2

Beroma, E owangha kidie igedu she nure kidie irhe ri vwo urinrin na guọghọre! Beroma, ehahe ri Bashan, kidie eshe egbo rode na nure!

Zekaraya 12:6

Vwẹ ẹdẹ yena ki mi ru orua ri Juda họhọ ochẹ rọ vwara vwẹ uherevie rẹ erhanre, họhọ urhukpẹ rọ la vwe ohri rẹ ekrẹbe; ayen ke guọghọ ihwo re yariẹ obọrhe vẹ obọhwẹre ejobi phihọ yẹ a je dia Jerusalẹm kirobo rọ epha jovwo .

Urhi Rivẹ 32:22

Kidie ophu mẹ koko erhanre phihọ nure, ọ cha torhẹ ọ rọ hẹ evun re obo Erivwi. ọ cha ghwọrọ akpọ vẹ ebuo rọye ejobi, ko phi erhanre phihọ uchivwo rẹ igbenu ejobi.