Zekaraya 10:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Me riẹn obọ kẹ ayen mi de koko ayen hẹ uwevwi, kidie Me tan ayen hirhe nure, ayen ki bu kirobo rẹ ayen buru jovwo.

Zekaraya 10:8 ပူးပေါင်းရင်းမြစ်များ

1 Ivie 4:20

Juda vẹ Izrẹl epha buebu kerẹ ibiekpẹn re hẹ oma rẹ urhie; ayen ria ayen, ayen je da, oma ghwa vwerhe ayen.

Ẹyano 1:7

Ẹkẹvuọvo emọ rẹ Izrẹl de vwiẹ i de bu phiyọ; ayen da rho phiyọ, ayen de reghe asan na eje, ayen da vọn otọ na.

Aizaya 44:22

Mi hwerhe orukuruku wẹn kerẹ ikoro, umwemwu wẹn kerẹ evwru, rhivwi rhe, kidie me tan wẹ nure.

Aizaya 48:20

Yanran nẹ Babilọn, dje nẹ Kaldia, dje ọna phia vẹ aghọghọ, ghwoghwo, jọ yanran kpo oba re akpọ na; tanẹ, Ọrovwohwo na tan odibo rọye Jekọp nure!

Aizaya 5:26

Kọ cha vwẹ oka se orere rọ hẹ kọ kudje se nẹ ẹtan rẹ akpọ rhe, gbe nọ, okpokpakpa, kpatakpata ọ cha rhe!

Aizaya 51:11

i re si nẹ ijọpha re Ọrovwohwo na mrasan rhivwi, ayen Me rhe vẹ ine ẹsuọ vwọ rhe Zayọn, aghọghọ ri bẹdẹ na kọ dia uyovwi rayen, kẹ ayen vwo aghọghọ vẹ omavwerhe, te oja vẹ unuẹfiọn ke dje ghwru.

Aizaya 7:18

Vwẹ ẹdẹ yena Ọrovwohwo na kọ cha kudje kẹ uyẹn rọ hẹ obọ esiri rẹ imirho rẹ Ijipt, vwọ kẹ ọnyọn rẹ hẹ obotọ re Asiria.

Aizaya 7:19

Ayen ejobi ke cha rhe ri wo phihọ ikpotọ chochohri na, ọ vẹ igbogho rẹ eragha na, ọ vẹ aghwa re inwe na, kugbe enu rẹ odi na.

Jerimaya 33:22

Kirobo re se keri otuofovwi rẹ obo odjuvwu na-a ra je sa vwavwẹ ubu rẹ abadi na-a na, ọtiọye mi che ru uvwiẹ ri Devid odibo mẹ buẹ phihọ, kugbe irherẹn ri Livae ri gbe odibo kẹ vwẹ na.

Hosia 1:10

Ihwo rẹ Izrẹl cha dia kerẹ ehavwo rẹ urhie ra sa vwavwe-e eyẹ e se keri-i, vwẹ asan rẹ a da ta kẹ ayen nẹ, Ovwan dia ihwo mẹ-ẹ, ka je ta kẹ ayen nẹ, Ovwan emọ rẹ Ọghẹnẹ ri bẹdẹ na.

Maika 2:12

Mi che si ovwan ejobi koko, E Jekọp, Me cha ghwe umuku ri Izrẹl ri chekọ koko; Ki mi si ayen koko kerẹ igegede vwẹ evun rẹ ogba, kerẹ ekru rẹ igodẹ vwẹ asan re da ria odi, urogho rẹ ihwo ri muẹ do.

Zekaraya 9:11

Je vwọ kẹ wẹ rhe, fiki re ọbara rẹ ọphọ Mẹ ri mi nene uwe re na, ki mi siobọ nẹ ighuvwu wẹn re hẹ ukpotọ ọyaya na kpo ọphẹ.

Matiu 11:28

Bru vwe rhe ihwo rẹ owian kugbe oghwa bẹn, Me kẹ ovwan ufuoma.

Ẹvwọphia 22:17

Erhi na kugbe Ọpha na ta, Yanrhe. E jẹn ohwo ro nyori ta, Yanrhe. E jẹn ohwo rẹ urhuru rẹ ame hwe yanrhe, e jẹn ohwo rọ guọnọre da ame rẹ arhọ na ọphẹ.

Ẹvwọphia 7:9

Rẹ ọna vwọ wan nu mi vwo ni, me da mrẹ urogho rẹ ihwo buebu rẹ unu se keri-i, ri nẹ ẹgborho kẹgborho rhe, rẹ orua ejobi kugbe ihwo kugbe ephẹrẹ rhe, ri mudia vwẹ obaro rẹ ekete na kugbe obaro rẹ Omogodẹ na, re vwẹ emwa efuanfon rhuo, vẹ ewanvwe vwẹ abọ rayen,