Zekaraya 10:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Etiyin re Ifrem kọ cha họhọ ọgbọfovwi rode, udu rayen cha ghọghọ kerẹsiẹ ra mrẹ nẹ ayen da wain. Emọ rayen da mrẹ, oma kọ vwerhe ayen, udu rayen ke ghọghọ vwẹ evun rẹ Ọrovwohwo na .

Zekaraya 10:7 ပူးပေါင်းရင်းမြစ်များ

Jẹnẹsis 18:19

Ẹjo, kidie Me jẹrẹ reyọ nure, nẹ oyono emọ rọye vẹ evwruwevwi rọye ejobi re ayen sẹro rẹ idjerhe rẹ Ọrovwohwo re ayen ru uruemu rẹ ọvwata vẹ ọsoso; rere ive rẹ Ọrovwohwo vẹ kẹ Ebraham na o vwo se ruo gba kẹ.

Jẹnẹsis 43:34

Imẹjẹ ri Josẹf kẹ Etiyin e de mu ẹkẹ emu rayen kẹ ayen, ẹkẹvuọvo ẹkẹ emu ri Bẹnjamin de bu te ọrayen ọvuọvo akuori. Etiyin ayen vọye da re da kugbe ghọghọ.

Une rẹ Ejiro 102:28

Emọ ro idibo wẹn cha dia vwẹ egbemọphẹ, uvwiẹ rayen re cha vwobọ ka tọn ayen phihọ vwẹ obaro wẹn.

Une rẹ Ejiro 104:15

kugbe udi rọ vwe omavwerhe ke udu rẹ ohwo, ori rere opharo rọye vwo lo, kugbe ikara rọ nẹrhẹ udu re ohwo gan.

Une rẹ Ejiro 13:5

Ẹkẹvuọvo me vwẹ ẹro so ẹguọnọ wẹn ro je rhẹriẹ na, udu mẹ kọ ghọghọ vwẹ esivwo wẹn.

Une rẹ Ejiro 28:7

Ọrovwohwo ogangan mẹ kugbe ekpọfia mẹ; ọye udu mẹ vwẹ ẹro so, ọtiọye na ka cha vwẹ uko, udu mẹ ko ghọghọ, une mẹ kọye me vwọ kpẹvwẹ.

Une rẹ Ejiro 33:21

E, udu rẹ avwanre ghọghọ vwẹ oma rọye, kidie avwanre vwẹ ẹro so odẹ ọfuanfon rọye.

Une rẹ Ejiro 90:16

Jẹn iruo wẹn phia kẹ idibo wẹn mrẹ, urinrin re ogangan wẹn kẹ emọ rayen.

Aizaya 25:9

Ka cha ta vwẹ ẹdẹ yena, nẹ, Nighe, Ọnana Ọghẹnẹ rẹ avwanre, avwanre hẹrherẹ, rere o rhi sivwi avwanre. Ọnana Ọrovwohwo na; avwanre hẹrherẹ, e gbe jẹn avwanre ghọghọ vwẹ esivwo rọye.

Aizaya 38:19

Ohwo ọkpokpọ, ohwo ọkpokpọ, ọ kpẹvwẹ owẹ, kirobo ri mi ruẹ nonẹ na, o se dje ke emọ rọye obo re esegbuyota wẹn epha.

Aizaya 54:13

Emọ wẹn ejobi kẹ Ọrovwohwo ri yono ayen, erhuvwu rọ emọ wẹn ke cha rho gangan.

Aizaya 66:14

Wọ cha mrẹ, udu wẹn kọ ghọghọ, ibeku wẹn ke rho bodo bodo kerẹ egbri; ka cha mrẹ vughe nẹ obọ rẹ Ọrovwohwo vẹ idibo rọye herọ, nẹ ophu rọye ọtuatua kpahe ivwighrẹ rọye.

Jerimaya 32:39

Me cha kẹ ayen udu ọvo vẹ idjerhe ọvo, rere ayen vwọ djẹ oshọ mẹ bẹdẹ, fiki rẹ erhuvwu rayen, vẹ erhuvwu rẹ emọ rayen re cha vwẹ obuko.

Izikiẹl 37:25

Ayen ke dia otọ na rẹ esẹ rẹ ovwan diare re me vwọ kẹ odibo mẹ Jekọp, te ayen te emọ rayen kugbe uvwiẹ rayen ke dia etiyin bẹde; Devid odibo mẹ kọ dia osun rayen bẹdẹ.

Joẹl 2:23

Ghọghọ, E emọ ri Zayọn, re oma vwerhe owẹ vwẹ evun rẹ Ọrovwohwo, Ọghẹnẹ wẹn; kidie ọ rhọ osio rẹ ẹsosuọ kẹ wẹ ro vwo mu we ẹro, ọ rhọ osio buebu phihọ otọ kẹ wẹ, rẹ osio rẹsosuọ rẹ osio rẹ ure, kirobo ri jovwo.

Habakọk 3:18

ye me je ghọghọ vwẹ oma rẹ Ọrovwohwo ghene, mi vwo aghọghọ vwẹ oma rẹ Ọghẹnẹ rẹ esivwo mẹ.

Zẹfanaya 3:14

Van sọ une, E ọmọte ri Zayọn; kperi, E Izrẹl! Ghọghọ re wọ vwẹ udu wẹn ejobi mu oma kpenu, E ọmọtẹ ri Jerusalẹm!

Zekaraya 12:8

Vwẹ ẹdẹ yena Ọrovwohwo kọ cha vwẹ ekpọfia kẹ ihwo ri Jerusalẹm rere ihwo re ma vwiẹrẹ vwẹ ohri rayen vwọ họhọ Devid, re uwevwi ri Devid vwọ họhọ Ọghẹnẹ, kere amakashe rẹ Ọrovwohwo vwẹ uyovwi rayen.

Zekaraya 9:15

Ọrovwohwo rẹ otuofovwi na cha sẹro rayen, ayen cha guọghọ ji chihi otu ri do ibieragha muotọ; ayen cha da ebara rayen kerẹ wain, evun Me vọn ayen kerẹ udjokpo rọ vọnre, rhuọrhuọ kerẹ orhoma rẹ agbada na.

Zekaraya 9:17

Ghine uyota, mavọ oyovwi te, mavọ o fẹro te! Emuọre cha nẹrhẹ imighene na rho, wain ọkpokpọ mi rhe ru emetẹ na rho.

Iyẹnrẹ Esiri ri Luk 1:47

Ẹnwẹ mẹ ghọghọre vwẹ oma rẹ Ọghẹnẹ Osivwi mẹ.

Iyẹnrẹ Esiri ri Jọn 16:22

Ọtiọye na ovwan ke mrẹ odjadja vwẹ asakiephana, ẹkẹvuọvo me cha rhoma mrẹ ovwan udu rẹ ovwan kọ ghọghọ, ohwo ọvnovo gbi se mie ovwan aghọghọ yena-a.

Iruo rẹ Iyinkọn na 13:33

kọna o rhi ru gba kẹ avwanre emọ rayen rọ vwọ kpare Jesu nẹ ughwu; kirobo re siro phihọ Une rẹ Ejiro rivẹ, Wọwẹ hẹ Ọmọ mẹ, nonẹ na mi vwiẹ wẹ.

Iruo rẹ Iyinkọn na 2:26

eriyin na oma da vwerhe udu mẹ, ẹrẹnvwe mẹ da ghọghọ; ugboma mẹ kọ dia vwẹ evun rẹ iphiẹrohọ.

Iruo rẹ Iyinkọn na 2:39

Kidie ive na ọ rẹ ovwan kugbe emọ rẹ ovwan kugbe ayen ejobi re hẹ isi, kugbe ayen uche otu ọvuọvo rẹ Ọrovwohwo Ọghẹnẹ rẹ avwanre che se vwọ kẹ.

Filipae 4:4

Ghọghọ vwẹ evun rẹ Ọrovwohwo kẹdẹ kẹdẹ; me rhoma ta, Ghọghọ.

1 Pita 1:8

Ovwan je mrẹ dẹvo-o yẹ ovwan guọnerọ; dede nẹ ovwan je mrẹ dẹvo-o na yẹ ovwan sere gbuyota, ovwan da ghọghọ vẹ omavwerhe rẹ unu se gbe-e.

1 Samuẹl 2:1

Hanah da je nẹ ẹrhovwo, ọ da ta, Udu mẹ ghọghọre vwẹ evun rẹ Ọrovwohwo; ogangan mẹ kpare kpenu vwẹ evun rẹ Ọrovwohwo. Unu mẹ kọ vwẹ ivwighrẹn mẹ jehwẹ, kidie me ghọghọre vwẹ evun rẹ esivwo wẹn.