Zekaraya 10:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Me cha kẹ uwevwi ri Juda ogangan, mi ji che sivwi uwevwi ri Josẹf. Me cha ghwẹ ayen hirhe rhe fikiridie mi ni aruẹdọn rayen, ayen ke cha dia kerẹsiẹ rẹ a mrẹ nẹ Me je sen ayen dẹvo-o; kidie mẹvwẹ hẹ Ọrovwohwo Ọghẹnẹ rayen mi che nyo kẹ ayen.

Zekaraya 10:6 ပူးပေါင်းရင်းမြစ်များ

Une rẹ Ejiro 89:21

rere obọ mẹ vwo nene dia bẹdẹ, ugbobọ mẹ kọ vwe egba kẹ.

Aizaya 11:12

Kọ kpare aphiana kpenu kẹ irere na, ko si ihwo rẹ Izrẹl ra djẹ kufia koko, ihwo ri Juda re hrare ko bi koko nẹ igogo ẹne rẹ akpọ na rhe.

Aizaya 14:1

Ọrovwohwo ko ni ehrọre ri Jekọp kọ rhoma jẹn Izrẹl reyọ, kọ rhoma vwẹ ayen kpo otọ rẹ obọ rayen, erhorha ki kuomagbe ayen, kẹ ayen churu oma mu uwevwi ri Jekọp.

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

Aizaya 54:4

Wọ djẹ oshọ-ọ, kidie oma cha vo we-e; wo jẹ iroro wẹn tighẹ-ẹ, kidie wọ sa mrẹ omaẹvuọ-ọ, kidie omaẹvuọ rẹ ọke-emọ wẹn cha chọrọ owẹ ẹro ehwẹjẹ rẹ ayeuku wẹn wọ gbe sa karo phihọ-ọ.

Aizaya 54:8

Vwẹ ophu mẹ rọ mwavwa hwẹ vwẹ ọmọke Mi de si opharo nu kẹ wẹ, ẹkẹvuọvo vwẹ ẹguọnọ ri bẹdẹ ke Me re ehrọre wẹ, eriyin Ọrovwohwo tare, Ọtan wẹn.

Jerimaya 23:6

Juda kọ rhọ vwẹ ẹdẹ rọye na, Izrẹl kọ dia egbẹrhẹnẹdẹ. Ọnana ọye odẹ re vwo se Ọrovwohwo ọvwata rẹ avwanre.

Jerimaya 3:18

Uwevwi ri Juda kọ kuoma gbe uwevwi rẹ Izrẹl vwẹ ẹdẹ yena. Ayen ki kuoma gbe nẹ otọ rẹ obọhwẹre ọnre rhe otọ re me vwọ kẹ ẹse rẹ ovwan nẹ e vwọ reuku.

Jerimaya 30:18

Enẹ Ọrovwohwo tare: Nighe, me vwẹ erhieyovwo rhivwi rhe itughẹ ri Jekọp, Ke me re ehrọre kẹ ẹdia rọye; a cha rhoma bọn orere na phihọ ugbenu rọye, ighẹn ke dia asan rọ dia jovwo.

Jerimaya 30:20

Emọ rayen na ke cha dia obo re ayen epha vwẹ awanre, ukoko rayen ko mudia vwẹ obaro mẹ, otu re nyẹ ayen muotọ ejobi mi che ru ayen ghwaghwa.

Jerimaya 31:1

Vwẹ ọke yena, eriyin Ọrovwohwo tare, ke me cha dia Ọghẹnẹ rẹ uvwiẹ rẹ Izrẹl ejobi, ayen ke cha dia ihwo mẹ.

Jerimaya 31:20

Ifrem ọmọ ọghaghare mẹ na? Ọmọ rọ je vwe o ruẹ? Kidie ọke kọke me da ta ota kpahọ ejobi ye me je karọ phihọ Eriyin na udu mẹ kọ viẹ kpahọ; omuẹro mi che ni aruẹdọ roye, eriyin Ọrovwohwo tare.

Jerimaya 31:31

Nighe, ẹdẹ na che te eriyin Ọrovwohwo tare, ri mi che vwo nene uwevwi rẹ Izrẹl vẹ uwevwi ri Juda re ọphọ ọkpokpọ.

Izikiẹl 36:11

Mi che ru ihwo te eranvwe wẹn bun phiyọ, we bu rere ayen bu phiyọ; kẹ ayen bun phiyọ je mọ emamọ; ki mi ru rere ihwo rhoma dia wẹ kerẹ ọke rẹ ẹsosuọ, ki mi ru we yovwi nọ obo ri jovwo. Ko wọ cha riẹn nẹ omẹvwẹ ọyen Ọrovwohwo na.

Izikiẹl 36:37

“E nẹ Ọrovwohwo Ọghẹne tare: Ọnana me je cha uphẹ kẹ uwevwi rẹ Izrẹl nẹ ayen nọ vwẹ rere mi ru kẹ ayen, re mi ru ihwo rọye bu kerẹ igọde.

Izikiẹl 37:16

Ọmọ rẹ ohwo, reyọ ubiurhe rere wo si phihọ, Vwọ kẹ Juda, kugbe emọ rẹ Izrẹl re ọ vọye gbe kuoma gbe; gba rha reyọ ubiurhe ọfa re wo si phihọ, Vwọ kẹ Josẹf (ubiurhe rẹ Ifrem) kugbe uwevwi rẹ Izrẹl ejobi re ọ vọye gbe kuoma gbe.

Izikiẹl 39:25

Fiki rẹ ọtiọye na e nẹ Ọrovwohwo Ọghẹnẹ tarẹ: Asakiephana me cha rhoma reyọ ughwẹ ri Jekọp rhivwi rhe, re mi ni arodọvwẹ kẹ uwevwi rẹ Izrẹl ejobi, ke me rioma kpahọ fiki rẹ odẹ ọfuanfon mẹ.

Hosia 1:11

Te ihwo ri Juda vẹ ihwo rẹ Izrẹl ka ghwẹ ayen koko, kẹ ayen vwẹ ohwo ọvo mu osun kẹ oma rayẹn, kẹ ayen yan nẹ otọ na, fikiridie ẹdẹ ri Jezrẹl cha rho gangan.

Hosia 1:7

Ẹkẹvuọvo me re ehrọre rẹ uwevwi ri Juda, ki mi sivwi ayen vwẹ oma rẹ Ọrovwohwọ rẹ Ọghẹnẹ rayen, Me vwẹ umurhabọ sivwi aye-en, eyẹrẹ ọlọkọ, eyẹrẹ ofovwi eyẹrẹ Iyesi, eyẹrẹ ihwo re gua iyesi.

Hosia 14:9

Ohwo kohwo rọ ghwanre e jọ riẹn imu nana; ohwo kohwo ro vwo iroro, e jo vughe ayen; Kidie idjerhe rẹ Ọrovwohwo hẹ ọsoso ohwo rọ dia ọsoso yan vwẹ evun rọye, ẹkẹvuọvo oruimwemwu she vwẹ evun rẹ ayen.

Hosia 2:23

ke me kọn phihọ otọ na kẹ oma mẹ ke me re ehrọre kẹ ro vwo ehrọre-e ke me ta kẹ ihwo re dia ihwo mẹ-ẹ, Ovwan ihwo mẹ, Kọ ta nẹ, Wẹ Ọghẹnẹ mẹ.

Ọbe rẹ Ọmraro Ọbadaya Obadaya 1:18

Uwevwi ri Jekọp kọ dia kerẹ erhanre, uwevwi ri Jọsef kẹ ọgidi erhanre, uwevwi ri Isọ kẹ ehẹbe, ke ayen torhẹ ayen ka ghwọrọ ayen, ọ gbi che vwo ohwo ovuọvo ro ghwu chekọ vwẹ uwevwi rẹ Isọ-ọ. Kidie Ọrovwohwo na ye tarọ.

Maika 4:13

Vrẹn rere wo wuye, E Ọmọtẹ ri Zayọn, kidie mi che ru ighoro wẹn hirhe phihọ utehru ichihotọ wẹn kerẹ ẹrovwo; ku wo che hwe ihwo buebu vworovworo, ka cha vwẹ erere rayen ze kẹ Ọrovwohwo, efe rayen kẹ Ọrovwohwo ro vwo akpọ soso.

Maika 4:6

Vwẹ ẹdẹ yena, eriyin Ọrovwohwo na tare, ke Me ghwẹ ikpono na koko e ra djẹ kufia jovwo ke gbejẹ ayen koko, kugbe ayen ihwo re Me vwẹ oja re;

Maika 5:3

Fiki rẹ ọtiọye na ke siobọ nẹ ayen bẹsiẹ rẹ ọke na vwo te bẹsiẹ rẹ ohwo rọ chuẹ uvwiẹ na vwo vwiẹ nu; Etiyin iniọvo rọye ejobi ki che rhivwi bru ihwo rẹ Izrẹl ra.

Maika 5:8

Umuku ri Jekọp ro chekọ ke cha dia ohri rẹ ẹgborho na, vwẹ ohri rẹ ihwo buebu, kerẹ okpohrokpo vwẹ ohri rẹ eranvwe rẹ aghwa, kerẹ upene rẹ okpohrokpo vwẹ ohri rẹ ekru rẹ igegede, ọ da dianẹ ẹ wanvrẹn, ko chiyi ayen muotọ ọ me chẹghẹ kẹnẹ kẹnẹ, o rhe vwo ohwo ro sivwo-o.

Maika 7:16

Ẹgborho na ke mrẹ oma rẹ ẹgba rayen, ayen ke vwẹ abọ rayen rhurhu unu rayen; erhọn rayen ki che di;

Zekaraya 1:16

Ọtiọye na, e nẹ Ọrovwohwo tare, mi rhivwi rhe Jerusalẹm vẹ arodọvwẹ; a cha bọn uwevwi Mẹ phihọ, Ọrovwohwo rẹ otuofovwi na tare, ka cha riẹn ufi rẹ ovwanvwọn wan Jerusalẹm vrẹn.

Zekaraya 10:12

Mi ru ayen goma vwẹ evun rẹ Ọrovwohwo ayen che vwo urinrin vwẹ ode rọye, Ọrovwohwo tare.

Zekaraya 13:9

Ki mi che phi ẹkẹn rerha nana phihọ erhanre, re ruo fon kirobo re ru idọnọ fuan ye, ka davwe ayen kirobo ra davwe oro na. Ayen se odẹ Mẹ, ki mi nyo ke ayen. Ke Me ta nẹ, Ayen ihwo mẹ, Kẹ ayen ta nẹ, Ọrovwohwo na Ọghẹnẹ Mẹ.

Zekaraya 8:11

Ẹkẹvuọvo Asakiephana mi rhe ru ihwo ri chekọ kirobo mi ru ihwo rẹsosuọ na-a, Ọrovwohwo rẹ otuofovwi tarọ.

Zekaraya 9:16

Vwẹ ẹdẹ yena Ọrovwohwo Ọghẹnẹ rayen na che sivwi ayen kidie ayen igegede rẹ ihwo rọye, kerẹ irhu rẹ erhu rẹ ovie ayen che no vwẹ otọ rọye.