Zekaraya 10:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Kidie ama ta ogbeta, emraro je mrẹ efian rhe, evwerhẹewerhẹ ta evwerhẹ re efian ọ me kẹ uchebro ofefe. Ọtiọye na ihwo na da hra kerẹ igegede; a wan ayen oma kidie ayen vwo osuigegede-e.

Zekaraya 10:2 ပူးပေါင်းရင်းမြစ်များ

Jẹnẹsis 31:19

Laban yanran kpo ẹghwa ra bọrọ ẹto rẹ igegede, Rachel de cho oma rọ umukpe rẹ ọsẹ rọye.

1 Ivie 22:17

Ọ da ta, Me mrẹ Izrẹl ejobi re hrabọ nene enu rẹ ugbenu na, kerẹ igegede ri vwo osu-un; Ọrovwohwo da ta, Enana vwo onini-i; jẹn dohwo duwevwi rọye ra vwẹ ufuoma.

ỌBE RẸ JOB 13:4

Vwọ kẹ ovwan, ovwan vwẹ efian ghworo, ovwan ejobi na kẹ idiẹbo rẹ efian.

ỌBE RẸ JOB 21:34

Mavọ wọ vwẹ eta ifefe bru vwe uche krite? Emuọfa wọ rha kpahe kẹ vwẹ gbe herọ-ọ jokpa rẹ ofian ọvo.

Aizaya 41:29

Nighere, ayen ejobi ophiẹvwe, iruo rayen odiodi, oma ra wranre na odju ofefe.

Aizaya 44:25

ono re ta echa re evwọrọn efian na na, ro vwẹ otu re bọ epha na ru ẹkpa, rọ rhan ẹvwaghwanre rẹ ẹkpa kpo uko kugbe erianriẹn rayen ẹkpa.

Aizaya 44:9

Ihwo re kare oma ejobi emu diodi, kugbe obo ri je ayen ejobi na fi erere ọvuọvo-o; iseri rayen mrorẹ-ẹ eye e je riẹ-ẹn, Me cha vwe omaẹvuọ kẹ ayen.

Aizaya 46:5

Ono wo vwo dje vwe ono Me vọye gba abavọ, onọ wọ vwọ vwanvwe ovwẹ, re Me vọye gba họhọ?

Jerimaya 10:8

Ayen pha djidji gheghẹ, Uyono ra mrẹ nẹ oma rayen rhe gbe vrẹn urhe-e.

Jerimaya 14:13

Me da ta E, Ọrovwohwo Ọghẹnẹ, nighe, emraro na ta kẹ ayen, Wa cha mrẹ ọlọkọ-ọ, wa cha mrẹ owẹvwe-e, ẹkẹvuọvo me cha kẹ ovwan ufuoma ro muẹro vwẹ etinẹ.

Jerimaya 14:22

O vwo ẹdjọ ọvo vwẹ usun rẹ edjọ rẹ efian na rọ sa rhọ osio phihọ otọ na? eyẹ kẹ odjuvwu na sa rhọ eghwẹghwẹ? O dia wọwẹ E Ọrovwohwo Ọghẹnẹ rẹ avwanrẹ na-a? Ma vwẹ ẹro so owẹ, kidie wẹ ri ru imu nana ejobi.

Jerimaya 23:17

Ayen dje eta efa kẹ otu re siẹn ota rẹ Ọrovwohwo na. O che yovwẹ kẹ ovwan ji te ayen ihwo ri nene udu ọgangan rẹ evun rẹ rayen nẹ, Umiovwo se te ovwa-an.

Jerimaya 23:32

Nighe, Mi mu kpahe otu re mraro rẹ evwerhẹ rẹ efian, eriyin Ọrovwohwo tare, kugbe otu re ta kẹ ayen me vwẹ efian evwọrọ vẹ ozighi rayen vwo sun ihwo mẹ ghwru yi mi ji aye-en me je kẹ ayen oganga-an; ayen dia erere kẹ ihwo nana-a, eriyin Ọrovwohwo tare.

Jerimaya 27:10

Kidie ofian ayen mraro rọye kẹ ovwan na, oba rọye ke che si ovwan nẹ otọ rẹ ovwan na shesheri. Ke me djẹ ovwan kufia, ovwan ke cha ghwọrọ kufia.

Jerimaya 27:14

Wọ kerhọn rẹ emraro na-a re tanẹ wa cha ga ovie ri Babilọn na-a na, kidie ofian ayen mraro rọye kẹ ovwan na.

Jerimaya 27:9

Eriyin na wa gba kerhọn rẹ emraro rẹ ovwan, eboepha rẹ ovwan, evwerhevwerhẹ rẹ ovwan, erieda rẹ ovwan, eyẹ idiẹbo re vuẹ ovwan nẹ, Ovwan cha ga ovie ri Babilọn na-a.

Jerimaya 28:15

Oye Jerimaya rẹ ọmraro na da ta kẹ Hananaya rẹ ọmraro na, Kerhọn, Hananaya, Ọrovwohwo ji we-e, wo ru ihwo nana re vwẹ ẹro so ofian.

Jerimaya 29:8

Kidie enẹ Ọrovwohwo rẹ otuofovwi, Ọghẹnẹ rẹ Izrẹl, tare. We jẹ emraro vẹ eboepha re hẹ uherevie rẹ ovwan na phiẹ ovwa-an, wa kerhọn rẹ evwerhẹ re ayen vwerhe na-a,

Jerimaya 37:19

Bovọ emraro wẹn na epha re mraro kẹ wẹ, nẹ Ovie ri Babilọn cha rhe ro de mu kpahe owẹ kugbe otọ nana-a.

Jerimaya 50:17

Izrẹl kerẹ ogegede ra rhẹrẹ rẹ ikpohrokpo vwọ tua. Ẹsosuọ ovie rẹ Asiria re rerọ, vwẹ asakiephana kẹ Nebukadreza ovie ri Babilọn kẹ ọye rha gbẹrhiẹn ibeku rọye.

Jerimaya 51:23

wẹ me vwọ guọghọ osuigegede vẹ igegede rọye ibribro, wẹ me vwọ guọghọ ọghwẹrẹ vẹ otu rọye ibribro, wẹ me vwọ guọghọ isun vẹ inotu.

Jerimaya 6:14

Ayen sivwi era rẹ ihwo mẹ te-e, ta nẹ, Ufuoma, ufuoma, yẹ ufuoma herọ-ọ.

Jerimaya 8:11

Ayen vwẹ obọ pẹpẹ era rẹ ihwo mẹ tanẹ, Ufuoma, ufuoma, ye ufuoma herọ-ọ.

Uvwerhe 2:14

Emraro wẹn mraro rẹ efian vẹ ọphiẹnvwẹ kẹ wẹ, ayen se tue orukuruku wẹn phia-a rọ vwẹ ughwe wẹn rhivwi rhe, ẹkẹvuọvo kẹ ayen bọ epha rẹ efian ro suẹn ohwo ghwrẹ.

Izikiẹl 21:21

Kidie ovie ri Babilọn mudia vwẹ aderha, vwẹ obo oba rẹ idjerhe ive na, ọ rọ bọ epha; o ro kpogho edada rọye, ọ ra vwẹ utẹ rọye nẹ, o ro nẹ irhue rẹ eravwe.

Izikiẹl 21:29

rẹ ayen vwọ mrẹ emramrẹ rẹ efian kẹ wẹ, rẹ ayen vwọ bọ epha rẹ efian kẹ wẹ–rere a vwọ ya ohọre rẹ ọ ro jẹfuọn ohwo umwemwu na, rẹ ẹdẹ rọye gba nure na, ọke rẹ ehwe rẹ obo oba rọye te re.

Izikiẹl 34:5

Ọtiọye na ayen da hra, fikiridie ayen vwo osuigegede-e; ayen de rhi hirhe phihọ emuọre kẹ eranvwe re djoma.

Izikiẹl 34:8

Kirobo re me herọ na, eriyin Ọrovwohwo Ọghẹnẹ tare, fikiridie igegede mẹ rhi hirhe phihọ eranvwe re hwe ria, rẹ igegede mẹ de rhi hirhe phihọ emuọre kẹ eranvwe re djoma, re ayen rhe vwo osuigegede na-a, kugbe fiki robo rẹ isuigegede mẹ rha guọnọ igegede mẹ phia-a, ẹkẹvuọvo kẹ omaobọ rayen kọye ayen ghẹrẹ, rẹ ayen gbe ghẹrẹ igegede mẹ-ẹ na,

Hosia 3:4

Kidie emọ rẹ Izrẹl ke dia vwẹ ẹdẹ buebu ayen gbi vwo ovie-e yẹrẹ osu-un, ọ rhe vwo izobo e ze-e yẹrẹ uchivwo-o, ibuluku yẹrẹ utẹ-ẹ.

Maika 2:12

Mi che si ovwan ejobi koko, E Jekọp, Me cha ghwe umuku ri Izrẹl ri chekọ koko; Ki mi si ayen koko kerẹ igegede vwẹ evun rẹ ogba, kerẹ ekru rẹ igodẹ vwẹ asan re da ria odi, urogho rẹ ihwo ri muẹ do.

Habakọk 2:18

Didi erere ọye oma vwori ọke rẹ ọwena na da kparọ, oma rẹ utehru, oyono rẹ efian? Kidie ọwena na vwẹ ẹro so obo rẹ ọye ọvo kare ọke rọ da kare oma ro diunu!

Zekaraya 11:17

Ekan kẹ osuigegede Mẹ rọ je fọ na, ọ rọ djẹ jẹ igodẹ vwo na! E jẹn ọlọkọ nyavwọ ugbobọ vẹ ẹro rẹ obọrhe rọye! E jẹn rọye sida, rẹ ubiẹro rẹ obọrhe rọye rhu.

Ukeri 27:17

rọ ka obaro kẹ ayen ro sun ayen ra ro ji sun ayen rhe ro sun ayen ro otafe kugbe re ọ je reyọ ayen rhe uwevwi; rere ukoko rẹ Ọrovwohwo vwo jẹ dia kerẹ igodẹ ri vwo osu-un.

Matiu 9:36

Ẹkẹvuọvo ọke rọ vwọ mrẹ otu buebu na, ẹro da dọn, fikiridie ayen da hra ke ro ẹnwan kerẹ igegede ri vwo osu-un.

Iyẹnrẹ Esiri ri Mak 6:34

Ri Jesu vwo wotọ rhe ọ da mrẹ otu buebu na, aro rẹ ayen da dọn, fikirdie ayen ke họhọ igegede ri vwo ohwo ro suẹn aye-en; o de yono ayen emu buebu.

Urhi Rivẹ 13:2

rẹ oka eyẹ emuigbunu rọ vuẹ wẹ na, da ghine phia, tanẹ, Mọ ra gọ ẹdjọ, rẹ wọ riẹnre-e, nẹ jẹ avwanre ga ayen

Iguẹdjọ 18:14

Etiyin eshare iyori re ke ji re dorhẹn rẹ otọ rẹ orere ri Laish, da ta kẹ imoni rayen nẹ, ovwan riẹnre nẹ ibuluku ọvo kugbe terafim, kugbe oma, kugbe oma re duvwuru herọ vwẹ uwevwi rọ oboyi na? Asakiephana gba jẹ iroro rẹ obe rẹ ovwan che ru